Sariya 2:7 - Jula NT of Côte d’Ivoire

⁷ sabu Matigi Ala, aw ta Ala ka baraka don aw ra, aw ta kokɛtaw bɛɛ ra. A ka aw kɔrɔsi aw ta tagama bɛɛ ra, nin kongokolonba kɔnɔ. Nin ye a san binaani ye, Matigi Ala bɛ ni aw ye, foyi ma aw dɛsɛ.»

ALA KA KUMA

⁷ Bari ne Masaba aw ka Ala y'aw ta ɲa aw ka kokɛtaw bɛɛ la. Ne y'aw kɔlɔsi aw ka taama na kongokolonba nin kɔnɔ. A saan bi naani filɛ nin ye ni ne Masaba aw ka Ala be n'aw ye, aw ma dɛsɛ foyi si la.› »

Sariya 2:7 Iomraidhean Croise

Damina 12:2

Ne bɛna i kɛ siya caman fa ye, ka baraka don i ra; ne bɛna i tɔgɔ bonya, k’a to mɔgɔw ye baraka sɔrɔ i sababu ra.

Damina 24:35

Matigi Ala ka baraka don ne matigicɛ ra kosɛbɛ, k’a kɛ fɛntigi ye, k’a borofɛnw caya, ka sagaw ni baw ni misiw di a ma, ani warigbɛ ni sanin, ani baaraden cɛmanw ni musomanw, ani ɲɔgɔmɛw ni faliw.

Damina 26:12

Ayiwa, Isiyaka tora Gerari ka sɛnɛ kɛ, ka siman dan. Ala ka baraka don a ta baara ra, a ta siman ɲana; a ka min dan a ka o ɲɔgɔn caman sɔrɔ.

Damina 30:27

Laban ko: «Ni ne ko ka di i ye, o tuma to yan. Ne ta lagbɛrikɛfɛnw k’a yira ne ra ko Matigi Ala ka baraka don ne ra ele le sababu ra.

Damina 39:3

A matigicɛ nana a ye ko Matigi Ala bɛ ni Yusufu ye; ko ni a k’a boro don fɛn o fɛn na, Ala bɛ o ɲa a boro.

Damina 39:5

Kabini Potifari ka Yusufu sigi a ta so kunna, ani a borofɛnw bɛɛ kunna, Matigi Ala ka baraka don Misirankacɛ Potifari ra, k’a ta so koɲaw bɛɛ ɲa Yusufu kosɔn. Matigi Ala ta baraka lara Potifari borofɛnw bɛɛ kan, sokɔnɔfɛnw, ani forokɔnɔfɛnw bɛɛ.

Nehemi 9:21

I ka i janto o ra kongokolon kɔnɔ, fɔ san binaani, k’a to foyi ma o dɛsɛ. O ta faniw ma kɔrɔ ka faran, o senw fana ma funu.

Ayuba 23:10

Nka o bɛɛ n’a, ta ne bɛ sira min kan a ka o lɔn; ni a ka ne kɔrɔbɔ ka ban, ne saninyanin bɛna bɔ i ko sanin.

Zaburu 1:6

Sabu Matigi Ala bɛ mɔgɔ terennin ta sira kɔrɔsi; nka mɔgɔjugu ta sira b’a lataga halakiyɔrɔ le ra.

Zaburu 107:4

Dɔw tun bɛ yaalara kongokolon kɔnɔ o kun fɛ, yɔrɔ lakolonw na, o tɛ sira sɔrɔra ka taga dugu si ra, o bɛ se ka sigi min na.

Zaburu 31:7

Mɔgɔ minw bɛ batofɛn gbansanw bato, ne bɛ olugu kɔninya; ne bɛ ne jigi la Matigi Ala le kan.

Zaburu 90:17

An tigi Ala ta nɛɛma ye to an kan! An ta baara sabati an boro, Ala! Ɔnhɔn, an ta baara sabati an boro.

Bɔri 16:35

Izirayɛlimɔgɔw ka mane domu fɔ san binaani, fɔ ka taga o se jamana dɔ ma, mɔgɔ bɛ jamana min na. O ka mane domu fɔ ka taga o don Kanaana jamana kɔnɔ.

Yeremi 2:2

«Taga pɛrɛn ka nin kuma fɔ Zeruzalɛmukaw toro kɔrɔ, ko Matigi Ala ko: ‹Aw denmisɛnman tun sirinin bɛ ne ra cogo min na, ne hakiri bɛ o ra, ani aw furuninkura tun bɛ ne fɛ cogo min na, wagati min aw tun tugura ne kɔ kongokolon kɔnɔ, o yɔrɔ lakolon na.

Oze ta kitabu 13:5

Ne le ka ne janto aw ra kongokolon kɔnɔ, tuma min na aw tun bɛ o dugukolo jintan na.

Amɔsi 2:10

Ne le ka aw labɔ Misiran jamana ra, ka bla aw ɲa kongokolon kɔnɔ fɔ san binaani, janko ka taga Amɔrikaw ta jamana di aw ma.

Jateri 1:1

Izirayɛlimɔgɔw bɔnin Misiran, o san flanan, o san karo flanan, o karo tere fɔlɔ, Matigi Ala kumana Musa fɛ Sinayi kongokolon kɔnɔ, Ɲɔgɔnkunbɛn fanibon* kɔnɔ. A ko:

Jateri 14:33

Aw denw bɛna bɛganw gbɛn kongokolon kɔnɔ yan fɔ san binaani; aw ta terenbariyaw hakɛ bɛna bɔ olugu ra, fɔ ka taga a to aw bɛɛ ye benben ka sa kongokolon kɔnɔ.

Jateri 14:34

Aw ka tere binaani le kɛ ka jamana yaala; aw ta terenbariyaw hakɛ bɛna bɔ aw ra fɔ san binaani fana. Tere kelen kelen bɛɛ bɛ kɛ san kelen ye. Ni o kɛra, fɛn min tɔgɔ ye ko ka ban ne ta ma, aw bɛna o silɔn.

Jateri 22:12

Ala k’a fɔ Balamu ye ko: «I kana taga ni o ye; i man kan ka nin mɔgɔw danga, sabu ne ta baraka bɛ o kan.»

Jateri 32:13

O le kosɔn, Matigi Ala tun dimina Izirayɛlimɔgɔw kɔrɔ kosɛbɛ; a ka o to o yɛrɛ ma, o yaalara ka lamini kongokolon kɔnɔ fɔ san binaani, fɔ ka taga a to o wagati mɔgɔw bɛɛ ye sa ka ban, o minw tun ka kojugu kɛ Matigi Ala ɲa kɔrɔ.

Luka 22:35

O kɔ, Yesu ko a ta karamɔgɔdenw ma tuun ko: «Ne tun ka aw ci, ko aw kana wari bla aw kun, ko aw kana bɔrɔ ta, ko aw kana sanbaraw ta minkɛ o, yala fɛn dɔ dɛsɛra aw fɛ wa?» Karamɔgɔdenw k’a jaabi ko: «Foyi si ma dɛsɛ an na.»

Yuhana 10:27

Ne ta sagaw bɛ ne kan mɛn; ne ka o lɔn, o bɛ tugu ne kɔ fana.

Sariya 1:19

Ayiwa, an bɔra Horɛbu kuru yɔrɔ ra minkɛ, an ka nin kongokolonjuguba bɛɛ cɛtigɛ; aw yɛrɛ ɲa k’a ye. An ka Amɔrikaw ta kuru sira le ta, i n’a fɔ Matigi Ala, an ta Ala tun k’a fɔ an ye cogo min na; an tagara se Kadɛsi Barineya.

Sariya 1:46

O ra, aw tora Kadɛsi ka mɛɛn, ka wagatijan kɛ yi.

Sariya 2:14

An ka wagati min kɛ tagama ra ka bɔ Kadɛsi Barineya ka na se Zerɛdi kɔ ma, o kɛra san bisaba ni seegi. Sani o wagati cɛ, cɛ minw tun bɛ se ka taga kɛrɛ ra, olugu bɛɛ sara ka bɔ Izirayɛlimɔgɔw ra, i n’a fɔ Matigi Ala tun karira k’a fɔ cogo min na.

Sariya 2:6

Ni aw ka fɛn o fɛn domu o ta jamana ra, aw ka kan ka o sara. Hali aw ta ji minta, aw ka kan ka o san o fɛ;

Sariya 29:4

Matigi Ala blara aw ɲa kongokolon kɔnɔ fɔ san binaani. Aw ta faniw si ma kɔrɔ ka faran aw kan na, aw ta sanbaraw fana ma cɛn aw senw na;

Sariya 29:5

a ma aw baro ni buru le ye, walama duvɛn, walama minnifɛn fariman dɔ wɛrɛ; a ka o kɛ janko aw y’a lɔn ko ale le ye Matigi Ala, aw ta Ala ye.

Yosuwe 5:6

Izirayɛlimɔgɔw ka sanji binaani le kɛ tagama ra kongokolon kɔnɔ; a kɛra ten, cɛden minw tun bɔra Misiran, minw tun bɛ se ka taga kɛrɛ ra, olugu bɛɛ halakira ka ban, sabu o tun ma sɔn ka Matigi Ala ta kuma lamɛn. O kosɔn Matigi Ala tun ka jamana min layiri ta, ko a bɛna o di o bɛmaw ma, nɔnɔ ni li bɛ woyo o jamana min na, a karira ko a tɛna a to o ɲa ye o jamana ye.