Sariya 19:3 - Jula NT of Côte d’Ivoire

³ Matigi Ala, aw ta Ala ka o jamana min di aw ma, aw ye o jamana taran saba ye, ka sira dɔw bɔ, minw bɛ taga o dugu saba dɔ ra, janko ni mɔgɔ min ka mɔgɔ faga, o tigi ye se ka bori ka taga dogo o dugu dɔ ra.

ALA KA KUMA

³ Aw bena jamana nin tilan saba ye, ka siraw dilan ka taga n'o ye dugu saba nunu na janko ni mɔgɔ dɔ y'a tɔɲɔgɔn faga, a ka se ka boli ka ta'a kalifa o yɔrɔ la.

Sariya 19:3 Iomraidhean Croise

Ezayi 35:8

Siraba dɔ bɛna kɛ yi, o bɛna o sira wele ko sira saninman; Mɔgɔ saninyabari si tɛna tɛmɛ a kan; a bɛna kɛ Ala ta mɔgɔw dɔrɔn ta le ye. Tagamabaga si tɛna o sira ta ka tunu, hali hakirintanw.

Ezayi 57:14

O bɛna a fɔ ko: «Aw ye sira bɔ, aw ye sira bɔ, aw ye sira dayɛlɛ, aw ye sentalonfɛnw bɛɛ bɔ sira ra ne ta mɔgɔw ɲa.»

Ezayi 62:10

Aw ye tɛmɛ, aw ye tɛmɛ dondaw fɛ! Aw ye sira labɛn ne ta mɔgɔw ye! Aw ye sira bɔ! Aw y’a bɔ! Aw ye kabakuruw bɔ sira ra! Aw ye tagamasiyɛn dɔ kɔrɔta siyaw ye!

Sariya 19:2

o tuma Matigi Ala, aw ta Ala ka o jamana min di aw ma, aw ye dugu saba ɲanawoloma o jamana cɛmancɛ ra, ka o duguw bla danna.

Sariya 19:4

Ni mɔgɔ min k’a mɔgɔɲɔgɔn faga, k’a sɔrɔ a m’a lawuri a kama, a fana tun m’a tigi kɔninya kakɔrɔ, ka kaɲa ni nin sariya ye, o mɔgɔfagabaga ɲɔgɔn le bɛ se ka bori ka taga dogo o dugu dɔ ra k’a yɛrɛ kisi.

Sariya 26:1

Matigi Ala, aw ta Ala bɛna jamana min di aw ma k’a kɛ aw ta jamana ye, ni aw nana taga se o jamana ra, ka o jamana mina ka sigi a ra tuma min na,

Sariya 4:21

Ayiwa, Matigi Ala dimina ne kɔrɔ aw kosɔn; a karira ko ale Matigi Ala, aw ta Ala, ale bɛna jamana min di aw ma k’a kɛ aw ta ye, ko ne tɛna Zuridɛn ba tigɛ ka taga don o jamanaɲuman na.

Heburuw 12:13

Aw ye tagama sira terennin kan, janko minw baraka ka dɔgɔ, olugu ye baraka sɔrɔ, o kana na sira bla.