Sariya 18:2 - Jula NT of Côte d’Ivoire

² Olugu tɛna dugukolo foyi sɔrɔ jamana kɔnɔ i n’a fɔ o balema tɔw. Matigi Ala yɛrɛ le ye olugu ninyɔrɔ ye, i n’a fɔ a tun k’a fɔ o ye cogo min na.

ALA KA KUMA

² Niyɔrɔ tena sɔrɔ u fɛ u balimaw cɛma, bari u niyɔrɔ ye Masaba le ye i n'a fɔ a y'a daa di u ma cogo min na.

Sariya 18:2 Iomraidhean Croise

Damina 15:1

Ayiwa, nin kow bɛɛ kɔ fɛ, Matigi Ala k’a yɛrɛ yira Iburama ra, k’a fɔ a ye ko: «Iburama, kana siran, ne le bɛ i tanga fɛn bɛɛ ma; ne le bɛna barajiba di i ma fana.»

Zaburu 119:57

Ne ninyɔrɔ ye min ye, Matigi Ala, ne bɛ kɔsegi a kan, o ye ka i ta kuma sira tagama.

Zaburu 16:5

Matigi Ala le ye ne ninyɔrɔ ye, ani ne ta sɔrɔta. Ne ta dunuɲalatigɛ bɛ ele le boro.

Zaburu 84:11

Ka tere kelen dama kɛ i ta so lu kɔnɔ, o ka fisa ni tere waga kelen ye yɔrɔ wɛrɛ. Ne ye lɔ ne ta Ala ta so donda ra dɔrɔn, o ka fisa sani ne ye taga to mɔgɔjuguw ta bon kɔnɔ.

Ezayi 61:6

Aw kɔni, aw bɛna wele ko Matigi Ala ta sarakalasebagaw; o bɛna a fɔ aw ma ko an ta Ala ta baaradenw. Aw bɛna siya tɔw ta naforo diyabɔ, ka o ta bonya ta ka aw yɛrɛ waso ni o ye.

Kasikan 3:24

Ne b’a fɔ ne jusukun na ko: «Matigi Ala le ye ne ninyɔrɔ ye.» O kosɔn ne jigi bɛ ale le kan.

Ezekiyɛli 44:28

« ‹Ayiwa, sarakalasebagaw bɛna ninyɔrɔ min sɔrɔ, o ye nin ye: Ne yɛrɛ le bɛna kɛ olugu ninyɔrɔ ye. Aw man kan ka yɔrɔ si di o ma k’a kɛ o tɔgɔra ta ye Izirayɛli jamana ra, sabu ne yɛrɛ le ye olugu ta yɔrɔ ye.

Jateri 18:20

Matigi Ala k’a fɔ Haruna ye tuun ko: «Ele tɛna dugukolo dɔ sɔrɔ Izirayɛlimɔgɔw ta jamana ra; i tɛna ninyɔrɔ sɔrɔ o cɛ ra. Ne yɛrɛ le ye ele ninyɔrɔ ni i ta sɔrɔta ye Izirayɛlimɔgɔw cɛ ra.»

Jateri 18:7

Nka ele ni i dencɛw dɔrɔn le ka kan kɛ sarakalasebagaw ye; fɛn o fɛn bɛ kɛ sarakajɛnifɛn kan, walama yɔrɔ saninmanba* kɔnɔ, boncɛtigɛfani kɔ fɛ, aw le ka kan ka o kɛ. Ne ka sarakalasebagaya baara di aw le ma. Ni mɔgɔ wɛrɛ ka gbara yɔrɔ saninman na, o tigi ka kan ka faga.»

Sariya 10:9

O kosɔn Levi ta mɔgɔw ma ninyɔrɔ foyi sɔrɔ, o ma dugukolo foyi sɔrɔ o yɛrɛ ta ye i n’a fɔ o balema tɔw. Matigi Ala yɛrɛ le ye olugu ninyɔrɔ ye, i n’a fɔ Matigi Ala, aw ta Ala tun k’a fɔ o ye cogo min na.

Yosuwe 13:14

Musa ma yɔrɔ dɔ di Levi ta gba le ma; sabu saraka minw bɛ jɛni Matigi Ala ye, Levi ta gba ta ninyɔrɔ bɛna bɔ o sarakaw le ra i n’a fɔ Matigi Ala tun k’a fɔ Musa ye cogo min na.

Piy fɔlɔ 2:5

Ayiwa, aw fana kɛra kabakuru ɲanaman dɔw ye; aw ye fara ɲɔgɔn kan, ka kɛ Ala ta bon saninman ye, ka kɛ Ala ta sarakalasebaga* saninmanw ye, janko ka aw jusukun ta sarakaw lase Ala ma Yesu Kirisita baraka ra, saraka minw ka di Ala ye.

Piy fɔlɔ 2:9

Nka aw kɔni, aw ye siya wolomanin le ye, aw ye Masa Ala ta sarakalasebagaw le ye, ani siya saninman, ani Ala ta mɔgɔ kunmabɔninw; Ala ka aw wele ka bɔ dibi ra ka aw ladon a ta yeelensɔbɛ ra, janko aw ye a ta koɲuman kabakomanw lase mɔgɔw ma.