Sariya 12:2 - Jula NT of Côte d’Ivoire

² Aw bɛna siya minw gbɛn, o siyaw bɛ o ta batofɛnw sɔn yɔrɔ minw na, aw ye o yɔrɔw bɛɛ cɛn pewu; o yɔrɔw bɛ sɔrɔ kurujanw kunna, ani kongoriw kan, ani yiriba flaburumanw jukɔrɔ.

ALA KA KUMA

² «Aw bena siya minw ka jamana minɛ, aw k'u ka joo sɔnyɔrɔ bɛɛ cɛn pewu, minw be kulujan ni tintinw kan, ani yiribabaw kɔrɔ.

Sariya 12:2 Iomraidhean Croise

Mas fɔlɔ 14:23

Olugu fana ka sɔnnikɛyɔrɔ dɔw kɛ, ka kabakurujanw lɔlɔ, ka sɔnnikɛbere dɔw turu jo musoman Asera tɔgɔ ra kongorijanw bɛɛ kunna, ani yiriba flaburumanw bɛɛ jukɔrɔ.

Mas fɔlɔ 3:2

O wagati ra mɔgɔw belen tun bɛ sarakaw bɔra kongoriw kan, sabu Alabatosoba dɔ tun ma lɔ Matigi Ala tɔgɔ ra fɔlɔ.

Mas 2nan 11:18

Jamana mɔgɔw bɛɛ tagara ben Baali* ta jobon kan k’a ci. O k’a sarakabɔnanw ni a jaw bɛɛ cici, ka Baali ta sarakalasebaga yɛrɛ faga, min ye Matan ye. Sarakalasebaga Yehoyada ka mɔgɔ dɔw bla Matigi Ala ta batoso kɔnɔ k’a kɔrɔsi.

Mas 2nan 16:4

A tun bɛ to ka bɛgan sarakaw* ni wusunan sarakaw* bɔ sɔnnikɛyɔrɔw ra, ani kongoriw kunna, ani yiriba flaburumanw jukɔrɔ.

Mas 2nan 23:13

Sɔnnikɛyɔrɔ minw tun bɛ kongori kan Zeruzalɛmu dugu terebɔyanfan na, a ka o yɔrɔw fana cɛn. O yɔrɔ tun bɛ oliviyesunw kuru woroduguyanfan fɛ, yɔrɔ min bɛ wele ko halakiri kuru. Izirayɛli masacɛ min tun ye Sulemani ye, ale le tun ka o sɔnnikɛyɔrɔw lɔ Sidɔnkaw ta jo musoman haramunin ye, min ye Asera ye, ani Mohabukaw ta jo haramunin ye, min ye Kemɔsi ye, ani Amɔnkaw ta jo haramuninba ye, min ye Molɔki ye.

Zaburu 78:58

O ka o ta sɔnnikɛyɔrɔw caya kongoriw kan k’a kɛ fɔ Ala dimina o kɔrɔ; o ka Ala ni batofɛn wɛrɛw jɛn ka o bato, k’a jusu bɔ.

Bɔri 23:24

Nka aw man kan ka biri o ta batofɛnw kɔrɔ ka o bato fiyewu; aw kana saraka bɔ o ye. Aw kana o mɔgɔw ta kokɛcogow ladegi. Aw ye o halaki le ka o ban pewu, ka o ta batofɛnw bɛɛ cici, ani o bɛ kabakurujan minw sɔn.

Ezayi 36:7

I bɛ se k’a fɔ ne ye ko aw jigi bɛ Matigi Ala, an ta Ala le kan! O tuma ele Ezekiyasi yɛrɛ ma o Ala kelen ta sɔnnikɛyɔrɔw ni a ta sarakabɔnanw le cici, k’a fɔ Zuda mara mɔgɔw, ani Zeruzalɛmukaw ye ko o ka kan ka Ala bato nin sarakajɛnifɛn* dɔrɔn le kan wa?›

Yeremi 17:2

O ra, o dencɛw hakiri bɛna to o sarakabɔnanw na, o hakiri bɛna to o ta jo musoman Asera ta berew ra, o ka minw turu yiriba flaburumanw kɛrɛ fɛ, ani kongorijanw kunna,

Yeremi 2:20

«Kabini wagatijan, aw kɛra i ko sɛnɛkɛmisi min ka yiri kari ka bɔ a kan na, ka a ta sirinanw foni. Aw ko: ‹Anw tɛna kɛ mɔgɔ ta jɔn ye tuun!› O kosɔn aw bɛ la i ko jatɔmusow, kongorijanw bɛɛ kunna, ani yiriba flaburumanw bɛɛ jukɔrɔ.

Yeremi 3:13

Aw ye lɔ aw ta terenbariya ra dɔrɔn, k’a lɔn ko aw murutira Matigi Ala, aw ta Ala le ma. Aw tagara aw yɛrɛ di ala wɛrɛw ma yɔrɔ caman na, yiriba flaburumanw bɛɛ jukɔrɔ; aw ma sɔn ka ne kan lamɛn. Matigi Ala ko ten.› »

Yeremi 3:2

Aw ye aw ɲa kɔrɔta ka flɛri kɛ kongoriw kunna! Yɔrɔ juman le bɛ yi ni aw ma la ka jatɔya kɛ yɔrɔ min na? Aw bɛ sigi siradaw ra ka aw ɲamɔgɔcɛw kɔnɔ, i ko benkannikɛbaga minw bɛ kongokolon kɔnɔ. Aw ka jamana lanɔgɔ ni aw ta jatɔya ni aw ta kojugu ye.

Yeremi 3:6

Ayiwa, masacɛ Yoziyasi ta wagati ra, Matigi Ala k’a fɔ ne ye ko: «Izirayɛli siya lanabari ka min kɛ, i ka o ye kɛ? O tagara kurujanw bɛɛ kunna, ani yiriba flaburumanw bɛɛ jukɔrɔ, ka taga jatɔya kɛ.

Oze ta kitabu 4:13

O bɛ sarakaw bɔ kuruw kunna; o bɛ wusunan sarakaw* bɔ kongoriw kan, ani yirisunbaw, ani pepiliyesunw, ani terebɛntisunw jukɔrɔ, ko sabu o yiriw suma ka di. O le kosɔn aw denmusow bɛ jatɔya kɛ, aw dencɛw ta musow bɛ jɛnɛya kɛ.

Jateri 22:41

O dugusagbɛ sɔgɔma, Balaki nana Balamu ta ka yɛlɛn ni a ye Bamɔti Baali kuruyɔrɔw ra; Balamu tora o yɔrɔ ra ka Izirayɛli jama fan kelen ye.

Sariya 7:5

O ra, aw ka kan ka min kɛ o ra, o flɛ nin ye: Aw ye o ta sarakabɔnanw waraga; aw ye o ta kabakurujanw cici, ka o ta jo musoman Asera ta berew tigɛtigɛ, ka o ta batofɛn lɛsɛninw jɛni tasuma ra;

Kititigɛbagaw 2:2

ne k’a fɔ aw ye ko aw man kan ka jɛnɲɔgɔnya don ni Kanaanakaw ta jamana mɔgɔw si ye; ko aw ka kan ka o ta sarakabɔnanw cici. Nka aw ma sɔn ka ne ta kuma lamɛn. Mun kosɔn ne ka min fɔ aw ma o kɛ?