Sariya 10:16 - Jula NT of Côte d’Ivoire

¹⁶ O ra, aw ye aw jogo yɛlɛma, ka aw yɛrɛ di Ala ma; aw kana kɛ mɔgɔ torokungbɛlɛnw ye!

ALA KA KUMA

¹⁶ O la, aw k'aw yɛrɛ bɛɛ di Masaba aw ka Ala ma, aw kana tulogwɛlɛya kɛ tugu,

Sariya 10:16 Iomraidhean Croise

Damina 17:11

Aw ka kan ka kɛnɛsigi ka o kɛ jɛnɲɔgɔnya tagamasiyɛn ye ne ni aw cɛ.

Lok 2nan 30:8

O ra, aw kana aw torokun gbɛlɛya i n’a fɔ aw bɛmaw k’a kɛ cogo min na. Aw ye aw yɛrɛ di Matigi Ala ma, ka na a ta yɔrɔ saninman na, a ka yɔrɔ min saninya k’a kɛ a yɛrɛ ta ye tuma bɛɛ. Aw ye baara kɛ Matigi Ala, aw ta Ala ye, janko a ta dimiba ye mabɔ aw ra.

Yeremi 4:14

«Zeruzalɛmukaw, aw ye aw jusukun ko ka kojugu bɔ a ra, janko aw ye kisi. Aw bɛna ŋaninyajuguw bɔ aw jusukun na wagati juman le sa?

Yeremi 4:4

Aw ye aw yɛrɛ kɛnɛsigi Matigi Ala ye; aw ye aw jusukun kɛnɛsigi, Zuda mara mɔgɔw, ani Zeruzalɛmu dugumɔgɔw, janko ne ta jusugban kana na wuri i ko tasuma, ka mana fɔ mɔgɔ kana se k’a faga, aw ta kɛwalejuguw kosɔn.› »

Ezekiyɛli 44:7

Wagati min aw bɛ na ni sarakaburu ye, ani saraka sogow ta turu, ani a jori, ka na o di ne ma, aw bɛ siya wɛrɛ mɔgɔw ladon ne ta batoso kɔnɔ, k’a to o mɔgɔ lanabari kɛnɛsigibariw ye ne ta batoso lanɔgɔ; aw ka aw ta ko haramuninw kɛ ka ne ni aw ta jɛnɲɔgɔnya* cɛn.

Sarakalasebagaw 26:41

O jurumunw le kosɔn, ne fana ka ne jusukun gbɛlɛya o kama, ka o janjan ka taga o juguw ta jamanaw ra. Nka ni olugu nana o ta jusukungbɛlɛya dabla, ka o yɛrɛ majigi, ni o ta terenbariyakow hakɛ bɔra o ra,

Sariya 30:6

Matigi Ala, aw ta Ala bɛna aw ni aw ta durujaw jusukun yɛlɛma; ni o kɛra, aw bɛna Matigi Ala, aw ta Ala kanu ni aw jusukun bɛɛ ye, ani aw nin bɛɛ, ka si sɔrɔ.

Sariya 31:27

Sabu ne ka aw ta murutiri ni aw ta torokungbɛlɛya lɔn. Ni aw murutira ka ban Matigi Ala ma ka ne ɲanaman to aw cɛ ra, o tuma, ni ne nana sa do?

Sariya 9:13

Matigi Ala k’a fɔ ne ye tuun ko: «Ne ɲa b’a ra cogo min na, nin mɔgɔw ye mɔgɔ torokungbɛlɛnw le ye.

Sariya 9:6

O kosɔn, aw ka kan k’a lɔn ko Matigi Ala, aw ta Ala tɛ nin jamanaɲuman dira aw ma k’a kɛ aw ta ye aw yɛrɛ ta terenninya le kosɔn; sabu aw ye mɔgɔ torokungbɛlɛnw le ye.

Kɔlɔsikaw 2:11

Aw ka kɛnɛsigiri sɔrɔ ale le fɛ, kɛnɛsigiri min tɛ mɔgɔ boro nɔ ye; o kɔrɔ ye ko aw bɔra aw ta jogokɔrɔ ni aw ta jurumunw na. O ye Kirisita ta kɛnɛsigiri le ye.