Sariya 1:21 - Jula NT of Côte d’Ivoire

²¹ Ne k’a fɔ aw ye ko Matigi Ala, aw ta Ala ka nin jamana di aw ma, ko aw ye wuri ka taga jamana mina k’a kɛ aw ta ye, i n’a fɔ Matigi Ala, aw bɛmaw ta Ala k’a fɔ aw ye cogo min na; aw kana siran, aw ja kana tigɛ fana.»

ALA KA KUMA

²¹ A filɛ, Masaba aw ka Ala ye jamana nin di aw ma. Aw ye wili ka ta'a minɛ i ko Masaba, aw bɛmaw ka Ala y'a fɔ aw ye cogo min na. Aw kana siran, aw fari kana faga fana.»

Sariya 1:21 Iomraidhean Croise

Nehemi 9:15

Tuma min na kɔngɔ nana o sɔrɔ, i ka domuni di o ma ka bɔ sankolo ra. Tuma min na jiminlɔgɔ ka o sɔrɔ, i ka ji bɔ farakuru ra k’a di o ma. I tun ka i boro kɔrɔta ka kari ko i bɛna jamana min di o ma, i k’a fɔ o ye ko o ye taga o jamana ta.

Zaburu 46:1

Dɔnkirilabagaw kuntigi. Kore dencɛw ta dɔnkiri.

Zaburu 46:11

«Aw ye nin kow bɛɛ dabla, k’a lɔn ko ne le Ala ye; ne le bɛ siyaw bɛɛ kunna, ne le bɛ dunuɲa bɛɛ kunna.»

Zaburu 46:7

Siya dɔw bɛ mankanw cira, masa dɔw ta masaya bɛ benna; nka ni ale Ala k’a kan bɔ dɔrɔn, dugukolo bɛ yeele.

Ezayi 41:10

Aw kana siran, sabu ne bɛ ni aw ye. Aw ja kana tigɛ, sabu ne le ye aw ta Ala ye, ne bɛna baraka don aw ra, ka aw dɛmɛ, ne bɛna aw tanga ne ta terenninya kosɔn, ni ne boro baraka ye.

Jateri 13:30

Mɔgɔw nana kɛ Musa jaraki ye minkɛ, Kalɛbu k’a fɔ o ye ko o ye je. A ko: «An ye taga ben jamana kan k’a mina; an bɛna se o ra, sigiya t’a ra!»

Luka 12:32

Yesu ko: «Aw kana siran, ne ta sagakurunin; sabu aw ko diyara aw Fa Ala ye, o le kosɔn, a ka aw don a ta Masaya* ra.

Sariya 1:20

Ne k’a fɔ aw ye ko: «Aw sera Amɔrikaw ta kuruyɔrɔw ra, ko Matigi Ala, an ta Ala ka o yɔrɔ di an ma.

Sariya 20:1

Ni aw bɔra ka taga kɛrɛ kɛ ni aw juguw ye, hali ni aw k’a ye ko sow ni sowotorow, ni kɛrɛkɛdenw ka ca o fɛ ka tɛmɛ aw kan, aw kana siran o ɲa; sabu Matigi Ala, aw ta Ala min ka aw labɔ Misiran jamana ra, ale bɛ ni aw ye.

Sariya 20:3

A ye a fɔ o ye ko: «Izirayɛlimɔgɔw, aw ye lamɛnni kɛ! Aw bɛna kɛrɛ kɛ ni aw juguw ye bi. Aw kana aw fari faga, aw kana siran, aw ja kana wuri, aw ja kana tigɛ o ɲa;

Sariya 31:6

Aw ye jija ka aw yɛrɛ ja gbɛlɛya! Aw kana siran, aw ja kana tigɛ o ɲa fana, sabu Matigi Ala, aw ta Ala yɛrɛ le bɛna kɛ ni aw ye; a bɛna a janto aw ra tuma bɛɛ, a tɛna aw kelen to fiyewu.»

Sariya 7:18

Aw kana siran o ɲa. Matigi Ala, aw ta Ala ka min kɛ Farawona ni Misiran jamana bɛɛ ra, aw ye aw hakiri to o ra.

Sariya 7:21

O ra, aw ja kana tigɛ o siyaw kosɔn, sabu Matigi Ala, aw ta Ala bɛ aw cɛ ra; Alaba lo, ani siranyafɛnba lo fana.

Sariya 9:23

Wagati min na Matigi Ala ka aw bla ka bɔ Kadɛsi Barineya, a k’a fɔ aw ye ko ale ka jamana min di aw ma, ko aw ye taga o jamana mina k’a kɛ aw ta ye. Nka aw banna Matigi Ala, aw ta Ala ta kuma ma. Aw ma sɔn ka la Ala ra, k’a kan mina.

Heburuw 13:6

O kosɔn an bɛ se ka an ja gbɛlɛya k’a fɔ ko: «Matigi le ye ne dɛmɛbaga ye, ne tɛna siran foyi ɲa. Adamaden bɛ se ka mun le kɛ ne ra?»

Yosuwe 1:6

I jija ka i ja gbɛlɛya, sabu ne karira ko ne bɛna jamana min di aw bɛmaw ma, ele le sababu ra, nin mɔgɔw bɛna don o jamana ra.

Yosuwe 1:9

I kana ɲina ko ne k’a fɔ i ye k’a gbɛlɛya ko i ye jija ka i ja gbɛlɛya. I kana siran, i kana i fari faga, sabu ne Matigi Ala, i ta Ala, ne bɛ ni i ye i ta kokɛtaw bɛɛ ra.»