Kɛwalew 9:21 - Jula NT of Côte d’Ivoire

²¹ Mɔgɔ minw tun bɛ a lamɛnna, olugu bɛɛ kɔnɔnɔbanna; o tun b’a fɔra ko: «Nin cɛ yɛrɛ le tun tɛ Yesu tɔgɔ fɔbagaw tɔɔrɔra Zeruzalɛmu wa? A nakun yɛrɛ tun tɛ yan, janko ka o mɔgɔw mina ka o siri ka taga ni o ye sarakalasebagaw* kuntigiw fɛ Zeruzalɛmu wa?»

ALA KA KUMA

²¹ Mɔgɔ minw bɛɛ man'a lamɛn, u bɛɛ be kabakoya fɔɔ u be to ka ɲɔgɔn ɲininga ko: «Cɛɛ min be Yezu ka kalandenw tɔɔrɔ kosɔbɛ Zeruzalɛmu, ale tɛ wa? U ko a nana yan janko ka u dɔw minɛ ka siri ka taga u di sarakalasebagaw kuntigiw ma le!»

LAYIDUKURA

²¹ Mɔgɔ minw bɛɛ mana a lamɛn, u bɛɛ bɛ kabakoya fɔɔ u bɛ to ka nyɔgɔn nyininga ko: “Cɛɛ min bɛ Yezu ka kalandenw tɔɔrɔ kosɛbɛ Zeruzalɛmu, ale tɛ wa? U ko a nana yan janko ka u dɔw minɛ ka siri ka taa u di sarakalasebagaw ma le!”

Kɛwalew 9:21 Iomraidhean Croise

Zaburu 51:13

I kana ne gbɛn ka bɔ i yɛrɛ ɲa kɔrɔ, i kana i ta nin saninman bɔ ne jusukun na.

Zaburu 71:7

Ne kɛra kabakofɛn le ye mɔgɔ caman fɛ, nka ele le ye ne karifayɔrɔ barakaman ye.

Ezayi 8:18

Ne flɛ nin ye, ne ni Matigi Ala ka den minw di ne ma. Anw kɛra ko nataw tagamasiyɛn ni lasɔminifɛn le ye Izirayɛli jamana ra; o ko bɔra Fangatigi Ala le ra, min sigiyɔrɔ bɛ Siyɔn kuru kan.

Jakariya 3:8

«Ele sarakalasebagaw kuntigi Yosuwe, ele ye nin kumaw lamɛn, ani i jɛnɲɔgɔn minw bɛ ni i ye. O mɔgɔw ye ko nataw tagamasiyɛnɲumanw le ye. Ne bɛna ne ta baaraden ci ka na; a tɔgɔ ye ko Yiri Falentɔ.

Jateri 23:23

Subagaya tɛ se ka foyi kɛ Yakuba ta mɔgɔw ra; lagbɛri tɛ se ka foyi kɛ Izirayɛlimɔgɔw ra. Ni wagati latigɛnin sera, Ala bɛ min kɛ, o bɛ fɔ Yakuba ta mɔgɔw ye, Izirayɛlimɔgɔw.

Kɛwalew 2:12

O mɔgɔw bɛɛ kɔnɔnɔbanna; o m’a lɔn o bɛna min fɔ tuun. O tun b’a fɔra ɲɔgɔn ye ko: «Nin ye mun ye sa?»

Kɛwalew 2:6

O mankanba bɔra minkɛ, o mɔgɔw camanba borira ka taga lajɛn o yɔrɔ ra. O bɛɛ kɔnɔnɔbanna, sabu o bɛɛ kelen kelen tun bɛ o yɛrɛ ta kan mɛnna lanabagaw da ra.

Kɛwalew 3:10

O tun k’a lɔn ko cɛ min tun bɛ to ka sigi Alabatosoba Da Cɛɲuman na ka daariri, ko ale yɛrɛ lo. O cɛ sera ka tagama cogo min na, o barara o bɛɛ ra, fɔ ka o bɛɛ kɔnɔnɔban.

Kɛwalew 4:13

Yahudiyaw kuntigiw, ani cɛkɔrɔbaw k’a ye ko Piyɛri ni Yuhana bɛ kumana minkɛ hali siranya tɛ o ra, o kabakoyara; sabu o tun k’a lɔn ko mɔgɔ gbansanw lo, minw ma karan. O k’a lɔn ko o tun bɛ ni Yesu ye.

Kɛwalew 7:59

Wagati min na o tun bɛ Etiyɛni bonna ni kabakuru ye, a ka Ala daari, ko: «Matigi Yesu, ne nin mina.»

Kɛwalew 8:3

Nka Sɔli kɔni tun b’a fɛ ka lanabagaw ban le pewu. A tun bɛ taga don bonw kɔnɔ, ni a ka lanabaga fɛn o fɛn ye, cɛ o muso o, a bɛ o bɛɛ mina fanga ra ka taga o bla kaso ra.

Kɛwalew 9:22

O bɛɛ n’a ta, dɔ le tun bɛ farara Sɔli ta lanaya baraka kan ka taga ɲa; a ta waajuri cogo tun ka Yahudiyaw kɔnɔnɔfiri Damasi, sabu a tun b’a fɔra k’a gbɛya ko Yesu ye Kisibaga* ye; o tun tɛ se ka foyi sɔrɔ k’a jaabi tuun.

Tes 2nan 1:10

O bɛna kɛ Matigi nalon le ra; minw ye a ta mɔgɔ saninmanw ye, olugu bɛna a bonya; minw lara a ra olugu bɛna a flɛ ka ɲagari. Aw fana bɛna kɛ o mɔgɔw ra, sabu aw lara an ta seereyakuma ra.

Zan fɔlɔ 3:1

Ayiwa, aw m’a ye Fa Ala bɛ an kanu cogo min na wa, fɔ a bɛ an wele ko a denw. Can lo, an fana ye o le ye. O le kosɔn dunuɲamɔgɔw tɛ an faamu, sabu o ma Ala lɔn!