Kɛwalew 8:39 - Jula NT of Côte d’Ivoire

³⁹ O bɔra ji ra wagati min na, Matigi Nin ka Filipe ta ka taga ni a ye. Cɛ ma Filipe ye tuun, nka a ka sira ta ka taga, a ninsɔndiyanin.

ALA KA KUMA

³⁹ U bɔra jii kɔnɔ tuma min na, Matigi ka Nii ye Filipu ta ka bɔ yen. Cɛɛ m'a ye tugu. Nga a nisɔn diyanin tagara n'a ka sira ye.

LAYIDUKURA

³⁹ U bɔra jii kɔnɔ tuma min na, Nii Senuman ye Filipi fosi ka bɔ yen. Cɛɛ m'a ye tugu. Nga a nisɔn diyanin taara n'a ka sira ye.

Kɛwalew 8:39 Iomraidhean Croise

Mas fɔlɔ 18:12

K’a sɔrɔ ni ne nana bɔ ele kɔrɔ sisan ka taga dɔrɔn, Matigi Ala Nin bɛna i ta ka taga ni i ye yɔrɔ dɔ ra, ne ma yɔrɔ min lɔn. Ni ne tagara o fɔ Akabu ye, ni a ma na i ye, a bɛna ne faga. K’a sɔrɔ Matigi Ala ɲasiran bɛ ne ra kabini ne fitiniman.

Mas 2nan 2:16

O ko a ma ko: «A flɛ, cɛ barakaman bilooru bɛ i ta baaradenw na yan. A to olugu ye taga i matigicɛ yɔrɔɲini. I b’a sɔrɔ ko Matigi Ala Nin k’a ta ka taga a bla kuru dɔ kan, walama kurufurancɛ dɔ ra.» Iliyasu ko o ma ko: «Aw kana o ci ka taga.»

Zaburu 119:111

I ta ciw le ye ne ninyɔrɔ ye tuma bɛɛ, sabu o bɛ ninsɔndiya don ne jusu ra.

Zaburu 119:14

Ka i ta ciw sira tagama, o bɛ ne ninsɔndiya, k’a kɛ i n’a fɔ naforoba le bɛ ne boro.

Ezayi 61:10

Ne bɛna ninsɔndiya kosɛbɛ Matigi Ala kosɔn, ne jusu bɛ ɲagari ne ta Ala kosɔn; sabu a ka kisiri ta faniw don ne ra, ka terenninya ta deregeba don ne ra, i ko kɔɲɔcɛ bɛ jalamugu fugula siri a kun na cogo min na, i ko kɔɲɔmuso bɛ a ta masirifɛnw don a yɛrɛ ra cogo min na.

Ezekiyɛli 11:1

Ala ta sebagaya ka ne ta ka taga ni ne ye Matigi Ala ta batoso ta terebɔyanfan donda ra, min ɲasinna terebɔyanfan ma. Ne ka cɛ mugan ni looru ye Alabatosoba donda ra; ne ka jamana kuntigi dɔw ye o cɛ ra, minw ye Azuri dencɛ Yazaniya, ani Benaya dencɛ Pelatiya ye.

Ezekiyɛli 11:24

Ala ta sebagaya ka ne ta ka taga ni ne ye Babilɔnikaw ta jamana ra, mɔgɔ minaninw kɔrɔ; Ala Nin le tun ka o fɛnw yira ne ra. O kɔ, ne tun bɛ fɛn minw yera, o fɛnw tununa ne ma.

Ezekiyɛli 37:1

Matigi Ala k’a boro la ne kan; Matigi Ala Nin ta sebagaya ka ne ta siko ra ka taga ne bla kurufurancɛ dɔ ra. O yɔrɔ tun fara mɔgɔkolow le ra.

Ezekiyɛli 43:5

Ala Nin ka ne ta ka taga ni ne ye lukɔnɔyɔrɔ ra. Matigi Ala nɔɔrɔ ka Alabatosoba fa.

Ezekiyɛli 8:3

O fɛnɲanaman ka boro bisigiya dɔ bɔ ka ne mina ne kunsigi ma. I n’a fɔ Ala le tun bɛ o fɛn yirara ne ra, Ala ta sebagaya ka ne lawuri ka ne lɔ san ni dugu cɛ, ka taga ni ne ye Zeruzalɛmu. Alabatosoba donda min bɛ kɔnɔnɔyɔrɔ ra, ka ɲasin sahiliyanfan ma, a tagara ni ne ye o donda ra. Jo min bɛ Matigi Ala jusu bɔ, o jo blanin tun bɛ o yɔrɔ le ra.

Matiyu 13:44

Yesu ko: «Sankolo Masaya* bɛ i n’a fɔ naforo min tun dogonin bɛ foro dɔ kɔnɔ. Cɛ min tagara bɔ a kan, ale ka a lalaga ka a dogo a nɔ ra yi. A jusu diyaninba tagara a borofɛnw bɛɛ fiyeere ka na foro yɛrɛ san kunkelen.

Matiyu 3:16

Yesu batizenin kɔ dɔrɔn, a bɔra ji ra. Sankolo dayɛlɛra. A ka Ala Nin jigitɔ ye i ko jɛnɛtugani ka na sigi a kan.

Marika 1:10

Yesu bɔtɔ ji ra, a ka sankolo dayɛlɛnin ye; Ala Nin jigira i ko jɛnɛtugani ka na sigi a kan.

Kɛwalew 13:52

Antiyɔsi lanabagaw kɔni jusu tun fara ɲagari ra, ani Nin Saninman* na.

Kɛwalew 16:34

O kɔ fɛ, kasobon kɔrɔsibaga tagara ni Pɔli ni Silasi ye a ta bon kɔnɔ ka taga domuni di o ma. Ale ni a ta gbamɔgɔw bɛɛ ɲagarira kosɛbɛ, sabu o lara Ala ra.

Kɛwalew 8:29

Nin Saninman* k’a fɔ Filipe ye ko: «Gbara sowotoro nin na.»

Kɛwalew 8:38

A ka sowotoro lalɔ; o fla bɛɛ jigira ji ra. Filipe k’a batize.

Kɛwalew 8:8

O kɛra ɲagariba ye o dugu kɔnɔ.

Rɔmukaw 5:2

Ale Kirisita* le sababu ra Ala ka o nɛɛma kɛ an ye; an lanin lo a ra, an bɛ an jigi la a kan ka ɲagari, sabu an jigi b’a kan ko lon dɔ an bɛna Ala ta nɔɔrɔ sɔrɔ.

Filipikaw 3:3

Anw le ka kɛnɛsigiri yɛrɛ sɔrɔ, anw minw bɛ Ala bato Nin Saninman* baraka ra, ka an ta bonya sɔrɔ Yesu Kirisita ta jɛnɲɔgɔnya ra; an tɛ an jigi la an yɛrɛ ta kɛwalew kan.

Filipikaw 4:4

Aw ye ɲagari Matigi ta jɛnɲɔgɔnya ra; ne bɛ kɔsegi a kan: aw ye ɲagari!

Yakuba 4:16

Nka sani aw ye o fɔ, aw ka kobaba minw latigɛ, aw bɛ aw yɛrɛ bonya o kosɔn. O yɛrɛbonya ɲɔgɔn man ɲi!