Kɛwalew 8:20 - Jula NT of Côte d’Ivoire

²⁰ Piyɛri ko a ma ko: «Ele ni i ta wari bɛɛ ye halaki ɲɔgɔn fɛ, sabu i b’a miiri ko Ala bɛ fɛn min di gbansan, i bɛ se ka o sɔrɔ ni wari ye.»

ALA KA KUMA

²⁰ Nga Piyɛri y'a jaabi ko: «E n'i ka wari bɛɛ ka halaki, bari i ka miiri la ko Ala ka sebagaya be se ka san.

LAYIDUKURA

²⁰ Nga Piyɛri y'a jaabi ko: “E n'i ka wari bɛɛ ka danga, bari i ka miiri la ko Ala ka sebagaya bɛ se ka san ni wari ye.

Kɛwalew 8:20 Iomraidhean Croise

Zanaw 15:26

Matigi Ala bɛ ŋaninyajuguw haramuya, nka kumaɲumanw saninyanin lo a ɲa kɔrɔ.

Ezayi 55:1

«Minlɔgɔ bɛ aw min o min na, aw bɛɛ ye na ji min! Hali wari tɛ aw minw fɛ, aw ye na sanni kɛ ka domuni kɛ; aw ye na rɛzɛnji ni nɔnɔ san, waribɔ t’a ra, warisara t’a ra!

Daniyɛli 5:17

Daniyɛli ka masacɛ jaabi ko: «Masacɛ, to ni i ta masaderege ni i ta sanin ni i ta bonyaw ye, walama i y’a di mɔgɔ wɛrɛ ma. Ne kɔni bɛna sɛbɛri karan k’a kɔrɔ fɔ masacɛ ye.

Jakariya 5:4

‹Ne bɛna danga lajigi, Fangatigi Ala ko ten; ka danga ladon sonw ta bon kɔnɔ, ani mɔgɔ minw bɛ kari ni ne tɔgɔ ye faninya kan. Danga bɛna jigi o ta bon kɔnɔ, k’a halaki, a ni a bonlɔyiriw ni bon kabakuruw bɛɛ.› »

Matiyu 10:8

Aw ye banabagatɔw kɛnɛya, ka suw lakunu, ka kunatɔw kɛnɛya, ka jinaw gbɛn ka bɔ mɔgɔw ra. Aw ka a sɔrɔ gbansan, aw fana ye a di gbansan.

Matiyu 15:19

Miiriyajuguw bɛ bɔ mɔgɔ jusukun le ra; o le bɛ mɔgɔ bla mɔgɔfaga ra, ani jɛnɛya, ani jatɔya, ani sonyari, ani faninya seereyaw, ani tɔgɔcɛnri.

Kɛwalew 1:18

A ka wari min sɔrɔ a ta kojugu sara ye, a tagara o wari kɛ ka foro san. O kɔ fɛ, a ka a yɛrɛ kan don juru ra; a su nana ben fɔ ka yɛrɛgɛ, ka a nogow bɛɛ bɔ kɛnɛ ma.

Kɛwalew 10:45

Yahudiya lanabaga minw tun ka Piyɛri blasira, olugu kabakoyara k’a ye ko Ala ka Nin Saninman di, k’a lajigi siya wɛrɛ mɔgɔw* fana kan.

Kɛwalew 11:17

Ayiwa, anw minw lara Matigi Yesu ra, Ala ka fɛn min di anw ma, ni a nana o fɛn kelen di olugu fana ma, o tuma ne ye jɔn le ye k’a fɔ ko ne bɛ ban Ala sago ma?»

Kɛwalew 2:38

Piyɛri ka o jaabi ko: «Aw ka kan ka nimisa aw ta jurumunw na; aw bɛɛ kelen kelen ka kan ka batize Yesu Kirisita tɔgɔ ra, ka aw ta jurumun yafa sɔrɔ. Ni o kɛra, Ala bɛna Nin Saninman di aw ma.

Kɛwalew 8:19

k’a fɔ o ye ko: «Aw ye nin sebagaya di ne fana ma, janko ni ne ka ne boro la mɔgɔ o mɔgɔ kan, o tigi ye Nin Saninman sɔrɔ.»

Kɛwalew 8:22

Nimisa i ta miirijuguw ra, ka Matigi daari, janko ŋaninyajugu minw bɛ i jusukun na, a ye o yafa i ma, ni a bɛ se ka kɛ;

Sariya 15:9

Aw ye aw yɛrɛ kɔrɔsi, aw kana na ta juguya fɛ k’a fɔ aw yɛrɛ kɔnɔ ko: «San wolonflanan surunyara ka ban, juru ko bɛɛ ka kan ka ban san min na, o sera ka ban.» Aw kana o miiriya ɲɔgɔn don aw jusu ra, ka aw ɲa tugu aw balema fagantan na, ka ban k’a dɛmɛ; ni o tɛ, ni a kulera ni aw tɔgɔ ye ka Matigi Ala wele, o hakɛ bɛna to aw kan.

Sariya 7:26

Aw man kan ka o fɛn haramuyanin si ladon aw ta so kɔnɔ, janko Matigi Ala kana na aw danga ka aw bla halakiri kama, i n’a fɔ o fɛnw blara halakiri kama cogo min na. Aw ka kan ka ɲigi o fɛnw na, ka o haramuya, sabu Ala ka o fɛnw danga ka o bla halakiri le kama.

Tim fɔlɔ 6:9

Nka minw b’a fɛ ka naforo caman sɔrɔ, Setana bɛ olugu nɛgɛ, k’a to o yɛrɛ ta negejuguw, ani o ta nege ɲacintanw bɛ kɛ jan ye ka o mina, ka o cɛn, ka o halaki pewu!

Yakuba 5:3

Son donna aw ta sanin ni aw ta warigbɛw ra; o son le bɛna kɛ seere ye ka aw jaraki, ka aw farisogo domu i ko tasuma. Aw ka naforow lajɛn k’a bla dunuɲa labanwagati le ra!

Yirari 18:15

Ayiwa, o jagokɛbaga minw tun ka naforo sɔrɔ Babilɔni, olugu bɛna taga lɔ fɔ yɔrɔjan, a ta tɔɔrɔba siranya kosɔn. O bɛna kasi, ka kule,