Kɛwalew 7:42 - Jula NT of Côte d’Ivoire

⁴² Nka Ala dimina o kɔrɔ ka a kɔ di o ma, k’a to o ye tere ni karo ni lolow bato, i n’a fɔ a sɛbɛra ciraw ta kitabuw ra cogo min na ko: ‹Aw Izirayɛlimɔgɔw, aw bɛ miiri ko aw ka bɛgan sarakaw ni saraka tɔ minw bɛɛ bɔ kongokolon kɔnɔ san binaani kɔnɔ, ko aw ka o bɔ ne le ye wa?

ALA KA KUMA

⁴² O la, Ala y'a kɔɔ sin u ma, u tora lolow batoli la, i n'a fɔ a sɛbɛnnin be kiraw ka kitabu kɔnɔ cogo min na ko: ‹Isirayɛlidenw, aw ye begɛnw faga ka saraka bɔ ne ye saan bi naani kongokolon kɔnɔ wa?

LAYIDUKURA

⁴² O la, Ala y'a kɔɔ sin u ma, u tora lolow batoli la, i n'a fɔ a sɛbɛnnin bɛ kiraw ka kitabu kɔnɔ cogo min na. Ala ko: ‘Isirayɛli jama, aw ka miiri la ko aw ye begɛnw faga ne le ye fɔɔ saan bi naani kongokolon kɔnɔ wa?

Kɛwalew 7:42 Iomraidhean Croise

Mas 2nan 17:16

O banna Matigi Ala, o ta Ala ta kumaw bɛɛ ma. O ka siranɛgɛ yeele ka o kɛ misiden bisigiya fla ye, ka o bato. O ka berew turu jo musoman Asera tɔgɔ ra, ka o bato. O ka karo ni lolow bɛɛ bato; jo min ye Baali* ye, o ka o fana bato.

Mas 2nan 21:3

A facɛ Ezekiyasi tun ka sɔnnikɛyɔrɔ minw cici ka bɔ kongoriw kan, a ka o bɛɛ lalaga kokura tuun. Jo min ye Baali* ye, a ka sarakabɔnan dɔw lɔ o jo tɔgɔ ra. A ka bere dɔ turu jo musoman Asera tɔgɔ ra, i n’a fɔ Akabu min tun ye Izirayɛli masacɛ ye fɔlɔfɔlɔ, ale tun k’a kɛ cogo min na. A k’a kinbiri gban ka karo ni lolow bɛɛ bato.

Zaburu 95:10

Fɔ san binaani, nin siya lɔgɔ bɔra ne ra; ne ko: «Siya dɔ lo min jusukun terennin tɛ, o tɛ ne ta sira tagama.»

Ezayi 43:23

Aw ma aw ta sagadenw kɛ saraka jɛnitaw* ye ka o di ne ma, aw ma aw ta sarakaw bɔ janko ka ne bonya; ne fana ma siman sarakaw* doni la aw kan, walama ka aw sɛgɛ wusunan sarakaw* ko ra.

Ezayi 63:10

Olugu le tun murutira, ka Ala Nin Saninman ɲanasisi; o kosɔn Ala yɛlɛmana ka kɛ o jugu ye, ale yɛrɛ ka o kɛrɛ.

Ezayi 66:4

O kosɔn ne fana bɛna sɛgɛ caman la o kan; o bɛ siran ko min ɲa cɔ, ne bɛna o le kɛ o ra. Sabu ne ka o wele, nka mɔgɔ si ma ne jaabi, ne kumana, nka o ma ne lamɛn. O ka kojugu kɛ ne ɲa kɔrɔ; ko minw man di ne ye, o ka o le kɛ.»

Yeremi 19:13

O tun bɛ wusunan sarakaw* bɔra Zeruzalɛmu ta bonw, ani Zuda masacɛw ta bon minw bɛɛ kunna ka sankolokɔnɔfɛnw bato, ani ka rɛzɛnji sarakaw* bɔ ala wɛrɛw ye, ne bɛna o bonw kɛ yɔrɔ saninyabariw ye, i ko Tofɛti ta yɔrɔ.› »

Yeremi 8:2

O bɛna o kolow yɛrɛgɛ tere ni karo ni lolow ɲa kɔrɔ; sabu o tun ka o fɛnw le kanu, ka saraka bɔ o ye, ka tugu o nɔ fɛ, ka lagbɛri kɛ ni o fɛnw tɔgɔ ye, ka o bato. Mɔgɔ tɛna sɔrɔ ka o kolow cɛ, ka o sutara tuun; o bɛna kɛ nɔgɔ le ye dugukolo kan.

Ezekiyɛli 20:25

O kosɔn ne ka cifɔnin dɔw di o ma, minw tun man ɲi o ma; ne ka kolatigɛnin dɔw yira o ra, o tun tɛ se ka minw sira tagama ka kisi.

Ezekiyɛli 20:39

«Aw kɔni, aw Izirayɛli ta mɔgɔw, Dunuɲatigi Ala ko: Ni a ka aw diya, aw bɛɛ ye taga aw ta jow sɔn faasi! Nka o kɔ fɛ aw bɛna na ne kan mina jagboya ra. Aw tɛna ne tɔgɔ saninman lanɔgɔ tuun ni aw ta sarakaw, ani aw ta jow ye tuun.

Ezekiyɛli 8:16

A tagara ni ne ye Matigi Ala ta batoso lukɔnɔyɔrɔ ra. Ne ka cɛ mugan ni looru ɲɔgɔnna ye Matigi Ala ta batoso donda ra, bolon ni sarakajɛnifɛn* cɛ, o ka o kɔ don Matigi Ala ta batoso ma, ka o ɲasin terebɔyanfan ma; o tun ka o kinbiri gban ka o ɲasin terebɔyanfan ma ka to ka tere bato.

Oze ta kitabu 4:17

Efirayimu jɛnna ni josɔnbagaw le ye; aw y’a to yi!

Yuhana 6:45

Ayiwa, a sɛbɛra ciraw ta kitabuw kɔnɔ ko: ‹Ala yɛrɛ le bɛna o bɛɛ karan.› Mɔgɔ o mɔgɔ bɛ Fa Ala ta Kuma lamɛn ka sɔn a ta karan ma, o tigi bɛ na ne fɛ.

Kɛwalew 13:40

O kosɔn aw ye aw yɛrɛ kɔrɔsi, janko ciraw ka kuma min fɔ, o kana na ban ka aw sɔrɔ, ko:

Kɛwalew 7:36

Ale Musa kelen le ka o labɔ Misiran jɔnya ra, ka tagamasiyɛnw ni kabakow kɛ Misiran jamana kɔnɔ, ani o tɛmɛtɔ Kɔgɔjiwulen cɛ ma, ani kongo kɔnɔ ka se fɔ san binaani.

Sariya 17:3

ni a bɛ taga batofɛn wɛrɛw kɔ, ka taga a kinbiri gban olugu kɔrɔ ka o bato, ka tere walama karo walama lolow bato, o tigi bɛ o min kɛra ten, Ala ta sariya ma o fɔ.

Sariya 4:19

Ni aw ka aw ɲa kɔrɔta san fɛ, ka tere flɛ, walama ka karo ni lolow flɛ, ni aw ka sankolokɔnɔfɛnw flɛ, aw kana a to siya tɔw ye aw nɛgɛ, k’a to aw ye aw yɛrɛ majigi o fɛnw kɔrɔ, ka o bato. Matigi Ala, aw ta Ala, ka o fɛnw batori to dunuɲa siya tɔw le boro.

Heburuw 3:9

O yɔrɔ le ra aw bɛmaw ko o bɛ ne Ala kɔrɔbɔ, k’a sɔrɔ o ka ne ta kokɛninw bɛɛ ye ka se fɔ san binaani.

Yosuwe 24:20

Ni aw nana bɔ a kɔ, ka taga siya wɛrɛw ta batofɛnw bato, a bɛna wuri aw kama ka kojugu kɛ aw ra, ka aw bɛɛ halaki, k’a sɔrɔ a tun ka koɲuman kɛ aw ye kakɔrɔ.»