Kɛwalew 6:1 - Jula NT of Côte d’Ivoire

¹ Ayiwa, o wagati ra lanabagaw tun bɛ cayara. Yahudiya gɛrɛkikanfɔbagaw ka Yahudiya heburukanfɔbagaw kɔrɔfɔ, ko o tɛ olugu ta muso cɛ saninw jatera kosɛbɛ domuni ko ra.

ALA KA KUMA

¹ Kalandenw tora ka caya. Waati dɔ la, zuwifu minw bɔra yɔrɔ wɛrɛ, n'u be girɛkikan fɔ, olu tora ka tɔw kɔrɔfɔ k'u te to k'u mako don olu ka firiyamusow la kosɔbɛ dumuni tilantuma na loon o loon.

LAYIDUKURA

¹ Kalandenw tora ka buguya dɔrɔn. Waati dɔ la, Zuwifu minw bɔra yɔrɔ wɛrɛ, n'u bɛ girɛkikan fɔ, olu tora ka tɔw kɔrɔfɔ k'u tɛ to k'u mako don olu ka firiyamusow la kosɛbɛ dumuni tilantuma na loon o loon.

Kɛwalew 6:1 Iomraidhean Croise

Ayuba 29:13

Mɔgɔ sabagaw satɔ tun bɛ dugawu le kɛ ne ye; ne tun bɛ muso cɛ saninw jusu diya.

Ayuba 31:16

Yala dɛsɛbagatɔ ka ne daari ka ye, ne banna k’a sɔn wa? Yala muso cɛ saninw ka o ɲa lɔ ne ra ka dɛsɛ, ne ma o dɛmɛ wa?

Zaburu 110:3

I bɛna wuri ka i juguw kɛrɛ lon min na, i ta mɔgɔw labɛnnin lo o lon kama. I ta kanbelenw bɛna na to i kɔrɔ kuru saninman kan, i ko sɔgɔmada gɔmiji.

Zaburu 72:16

Siman ye ɲa jamana kɔnɔ ka taga se fɔ kuruw san fɛ, siman tizanw ye to ka fifa i ko Liban yirisunw, mɔgɔw ye caya duguw kɔnɔ i ko kongobinw.

Ezayi 1:17

Aw ye koɲuman ladegi, aw ye can ɲini, aw ye mɔgɔ tɔɲɔninw dɛmɛ, aw ye feritaw ta kiti tigɛ ka o ta jo di o ma, aw ye lɔ ni muso cɛ saninw kunkow ye.»

Ezayi 27:6

Wagati nataw ra, Yakuba ta mɔgɔw bɛna lilinw don; Izirayɛlimɔgɔw bɛna nugu, ka fiyeren, fɔ ka dunuɲa bɛɛ fa o denw na.

Yeremi 30:19

Mɔgɔw bɛna o ta dɔnkirilakanw, ani barakalarikanw mɛn, ka o ta ɲagarikanw mɛn. Ne bɛna o caya, dɔ tɛna bɔ o ra; ne bɛna o bonya, mɔgɔ tɛna o dɔgɔya.

Ezekiyɛli 22:7

« ‹Aw fɛ, mɔgɔ b’a facɛ ni a bamuso dɔgɔya. « ‹Aw fɛ, mɔgɔw bɛ lonanw minako juguya. « ‹Aw fɛ, mɔgɔw bɛ ferita ni muso cɛ sanin tɔɲɔ.

Malaki 3:5

Ni o kɛra, ne bɛna gbara aw ra ka kiti tigɛ; ne bɛna teliya ka kɛ seere ye, ka subagaw jaraki, ka jɛnɛyakɛbagaw jaraki, ani minw bɛ kari faninya kan, ani minw bɛ baaradenw tɔɲɔ o ta sara ko ra, ani minw bɛ muso cɛ sanin ni den feritaw minako juguya, ani minw bɛ lonanw minako juguya; sabu o tɛ siran ne Ala ɲa. Fangatigi Ala ko ten.

Matiyu 23:13

«Bɔnɔ bɛna aw sɔrɔ, aw sariya karamɔgɔw*, ani aw Farisi* flankafuw! Sabu aw bɛ sankolo Masaya* datugu mɔgɔw ɲa; aw yɛrɛ tɛ don a ra, minw fana b’a fɛ ka don, aw t’a to olugu ye don.

Kɛwalew 11:20

O bɛɛ n’a ta, o mɔgɔ dɔw tun bɔra Sipere ni Sirɛni ka na Antiyɔsi; olugu kumana siya wɛrɛ mɔgɔw* fana fɛ, ka Matigi Yesu ta Kibaro Diman* fɔ o ye.

Kɛwalew 11:26

A ka Sɔli ye minkɛ, a nana ni a ye Antiyɔsi. O ka san kelen dafanin kɛ, o bɛ to ka taga lajɛn ni lanabagaw ye; o ka mɔgɔ caman karan Matigi ta sira ra. Ka lanabagaw wele ko Kirisita* ta mɔgɔw, o dabɔra Antiyɔsi ta lanabagaw le ra.

Kɛwalew 11:29

O ra, Antiyɔsi ta lanabagaw k’a latigɛ ka kaɲa ni o bɛɛ kelen kelen seko ye, ka o balemaw dɛmɛ, minw ye Zude lanabagaw ye.

Kɛwalew 2:41

Mɔgɔ minw sɔnna Ala ta Kuma ma, o ka olugu bɛɛ batize. O lon na, mɔgɔ minw farara lanabagaw kan, o tun bɛ mɔgɔ waga saba bɔ.

Kɛwalew 2:45

Tuma dɔw ra, dɔw tun bɛ o ta foro, walama o borofɛn dɔw fiyeere, ka o wari tarantaran ɲɔgɔn cɛ ka kaɲa ni o bɛɛ ta makoɲata ye.

Kɛwalew 2:47

O tun bɛ Ala tando wagati bɛɛ. O ko tun ka di mɔgɔw bɛɛ ye. Matigi tun bɛ minw kisi, a tun bɛ olugu fara lanabagaw ta jɛnkuru* kan lon o lon.

Kɛwalew 4:35

ka na o wari di ciradenw ma. O tun bɛ wari tarantaran lanabagaw ra, ka kaɲa ni bɛɛ kelen kelen ta mako ye.

Kɛwalew 4:4

Nka o bɛɛ n’a ta, mɔgɔ minw tun ka Ala ta kuma lamɛn, olugu caman lara Yesu ra; lanabagaw cayara ka se mɔgɔ waga looru ɲɔgɔnna ma.

Kɛwalew 5:14

Mɔgɔ caman tun bɛ lara Matigi ra, cɛw, ani muso, ka fara lanabagaw kan.

Kɛwalew 5:28

«An tun m’a fɔ aw ye k’a gbɛlɛya ko aw kana mɔgɔ si karan Yesu tɔgɔ ra tuun wa? A flɛ, aw ka Zeruzalɛmu dugumɔgɔw bɛɛ hakiri yɛlɛma ni aw ta karan ye; aw fana b’a fɛ ka Yesu fagari kunko ben anw kan.»

Kɛwalew 6:2

Karamɔgɔden tan ni fla ka o mɛn minkɛ, o ka lanabagaw bɛɛ lajɛnnin wele k’a fɔ o ye ko: «Ni an ka Ala ta Kuma waajuri dabla, ka an ta baara kɛ domuni taran dɔrɔn ye, o tɛ bɛn.

Kɛwalew 6:7

Ala ta Kuma tun bɛ sera yɔrɔ caman na. Lanabagaw tun bɛ cayara Zeruzalɛmu kosɛbɛ. Sarakalasebaga* caman fana tun bɛ sɔnna Kibaro Diman* kuma ma.

Kɛwalew 9:29

Sɔli tun bɛ to ka kuma, ani ka sɔsɔri kɛ ni Yahudiya gɛrɛkikanfɔbagaw fana ye; nka olugu fana tun b’a fagayɔrɔ ɲinina.

Kɛwalew 9:39

Piyɛri wurira ka taga ni o ye. A sera yi minkɛ, o tagara ni a ye bon kɔnɔ sankaso san fɛ. Muso cɛ saninw bɛɛ nana Piyɛri lamini, ka to ka kasi. Ka Tabita ɲanaman to ni o ye, a tun bɛ derege fitiniw ni deregeba minw lalaga, o ka o bɛɛ yira Piyɛri ra.

Kɛwalew 9:41

Piyɛri k’a mina a boro ma k’a dɛmɛ k’a lawuri. O kɔ, Piyɛri ka lanabagaw ni muso cɛ saninw wele, ka Tabita ɲanaman yira o ra.

Rɔmukaw 12:7

Ni dɔ ta kɛra baara ye, o tigi ye o baara kɛ. Ni min ta kɛra karan ye, o tigi ye mɔgɔw karan.

Kor fɔlɔ 10:10

Aw kana Ala jaraki, i n’a fɔ dɔw k’a jaraki cogo min na, fɔ ninminamɛlɛkɛ ka o faga.

Kor 2nan 11:22

Ni o ko o ye Heburu ye, ne fana ye o dɔ ye. Ni o ko o ye Izirayɛlimɔgɔ ye, ne fana ye o dɔ ye. Ni o ko o ye Iburahima ta duruja ye, ne fana ye o dɔ ye.

Sariya 26:12

Ayiwa, ni san fla tɛmɛna, a sabanan, o bɛ kɛ yagabɔ san ye. Ni aw nana aw ta simanw bɛɛ yaga bɔ ka ban, aw ye o yagaw di Levi ta mɔgɔw ma, ani lonanw, ani feritaw, ani muso cɛ saninw. Olugu bɛna o domu aw ta dugu kɔnɔ ka fa.

Filipikaw 3:5

Ne kɛnɛsigira ne woronin tere seeginan. Ne ye Izirayɛliden le ye, ne bɔra Boniyaminu ta gba ra; ne ye Heburu yɛrɛworo le ye. Ne tun ye sariya* siratagamabagaba le ye, Farisiw* ta diina ra.

Tim fɔlɔ 5:3

Muso cɛ sanin minw bɛ o kelen na, mɔgɔ si tɛ minw fɛ, i ye i janto olugu ra ka o dɛmɛ.

Tim fɔlɔ 5:9

Muso cɛ sanin min si ka san biwɔɔrɔ sɔrɔ, min tora cɛ kelen kun, o tɔgɔ le bɛ se ka sɛbɛ, janko ka dɛmɛri sɔrɔ lanabagaw fɛ.

Heburuw 13:1

Ne balemaw, aw ye jija ka to ka ɲɔgɔn kanu balemaya ra.

Yakuba 1:27

An Fa Ala bɛ Alasira min jate Alasira ɲanaman ye, ani Alasirasɔbɛ, o le ye nin ye: feritaw ni muso cɛ sanin minw bɛ sɛgɛ ra, ka an janto olugu ra, ani ka an yɛrɛ mabɔ dunuɲa ta ko saninyabariw ra.

Yakuba 4:5

Ala ta Kuma bɛ min fɔ, aw b’a miiri ko o fɔra gbansan le wa? A ko: «Ala Nin min bɛ aw kɔnɔ, o b’a fɛ ko aw ye bla danna ka kɛ Ala kelenpe le ta ye.»

Yakuba 5:9

Ne balemaw, aw kana dimi ɲɔgɔn kɔrɔ, janko kiti kana na ben aw kan; sabu kititigɛbaga lɔnin bɛ da ra ka ban.