Kɛwalew 5:4 - Jula NT of Côte d’Ivoire

⁴ Ni i tun ma i ta foro fiyeere o, a tun tɛna kɛ i ta bla le ra wa? A fiyeerera minkɛ fana o, a wari bɛɛ tun tɛ i ta bla le ra wa? Mun na i sɔnna ka o kojugu ɲɔgɔn latigɛ i yɛrɛ kɔnɔ? I ma faninya tigɛ mɔgɔ ye dɛ, i ka a tigɛ Ala le ye.»

ALA KA KUMA

⁴ E tun te se ka foro nin feereko to yen wa? Hali n'i y'a feere fana, e tun te se ka to n'a sɔngɔ ye i yɛrɛ sago la wa? A kɛra di miiriyajugu nin donna i dusu la? I ma galon tigɛ mɔgɔw ye dɛ, i y'a tigɛ Ala le ye.»

LAYIDUKURA

⁴ E tun tɛ se ka foro nin feereko to yen wa? Hali n'i y'a feere fana, e tun tɛ se ka to n'a sɔngɔ ye i yɛrɛ sago la wa? A do kɛra di miiriyajugu nin donna i dusu la? I ma galon tigɛ mɔgɔw ye dɛ, i y'a tigɛ Ala le ye.”

Kɛwalew 5:4 Iomraidhean Croise

Lok fɔlɔ 29:17

Ne ta Ala, ne k’a lɔn ko i bɛ mɔgɔ jusukun sɛgɛsɛgɛ, sabu jusukun terennin le ka di i ye. O kosɔn ne ka nin fɛnw bɛɛ di i ma ne yɛrɛ sago ma ni jusukun terennin le ye; ne fana bɛ ɲagari k’a ye ko sisan i ta mɔgɔ minw bɛ yan, ko olugu fana ka o borofɛnw di i ma o yɛrɛ sago ma.

Lok fɔlɔ 29:3

Ka fara o bɛɛ kan, Ala ta so kanuya kosɔn, ne yɛrɛ ta naforo, a sanin ni a warigbɛ, ne bɛ o di ne ta Ala ta so lɔri kama, ka o fara fɛn tɔw bɛɛ kan, ne ka minw labɛn ka ban Ala ta so saninman kosɔn;

Lok fɔlɔ 29:5

baara minw ka kan ka kɛ ni sanin ye, o bɛ kɛ ni sanin ye, minw ka kan ka kɛ ni warigbɛ ye, o bɛ kɛ ni warigbɛ ye, ani baaradenw bɛna baara minw bɛɛ kɛ. Ayiwa, jɔn le b’a fɛ k’a borofɛn di bi a yɛrɛ sago ma ni a jusukun bɛɛ ye Matigi Ala ta baara kosɔn?»

Lok fɔlɔ 29:9

Jama tun ka o fɛn minw di o yɛrɛ sago ma, o ko ka o yɛrɛ jusu diya, sabu o tun ka o fɛnw di o yɛrɛ sago le ma ni o jusukun bɛɛ ye Matigi Ala ma. O ko ka masacɛ Dawuda yɛrɛ jusu diya kosɛbɛ.

Ayuba 15:35

O bɛ kojugu kɔnɔ ta, ka terenbariya woro, ka janfa labɛn o yɛrɛ kɔnɔ.

Zaburu 139:4

Hali k’a sɔrɔ kuma ma bɔ ne da ra fɔlɔ, Matigi Ala, o y’a sɔrɔ ko ne bɛna min fɔ, ele ka o bɛɛ lɔn ka ban.

Zaburu 7:14

A bɛ a ta kɛrɛkɛminanw labɛn fagari kama, a bɛ biɲɛ tasumamanw labɛn.

Bɔri 16:8

Musa ko: «Matigi Ala bɛna sogo di aw ma bi wula fɛ, aw b’a domu. Sini sɔgɔma fana, a bɛna domuni di aw ma aw b’a domu ka fa; sabu aw ka Matigi Ala mafiyɛnya ni kuma minw ye, a ka o mɛn. Anw ye jɔntigiw le ye ko aw bɛ anw mafiyɛnya? Aw ma anw le mafiyɛnya dɛ, aw ka Matigi Ala yɛrɛ le mafiyɛnya.»

Bɔri 35:29

Ayiwa, Matigi Ala tun ka o baara min yira Musa ra, o baara ko tun bɛ Izirayɛlimɔgɔ minw bɛɛ jusu ra, cɛ fara muso kan, olugu bɛɛ nana ni o borofɛnw ye o yɛrɛ ma ka na o di Matigi Ala ma.

Waajurikɛbaga 5:5

I kana a to i da ye i bla jurumun na, ka n’a fɔ Ala ta ciraden ye ko: «Ne tun firira ka dajuru nin ta le!» Ni o kɛra, Ala bɛna dimi i kɔrɔ i darakuma kosɔn, ka i ta baara bɛɛ cɛn i boro.

Ezayi 59:4

Mɔgɔ si tɛ kiti tigɛ terenninya kan, mɔgɔ si tɛ kiti tigɛ can kan. O bɛ o ta seereya ju sigi kumalakolonw le kan, ka janfa siri; o bɛ juguya kɔnɔ ta, ka kojugu woro.

Ezekiyɛli 38:10

«Dunuɲatigi Ala ko: O wagatiw ra, miiriya dɔw bɛna don ele Gɔgi jusu ra; i bɛna dabarijugu dɔ le siri.

Jateri 16:11

Ele ni i nɔfɛmɔgɔw jɛnna ka muruti Matigi Ala le kama! Ni o tɛ Haruna ye jɔntigi le ye, ka na a fɔ ko aw bɛ a mafiyɛnya?»

Luka 10:16

Yesu ko a ta karamɔgɔdenw ma ko: «Ni mɔgɔ min ka aw lamɛn, o tigi ka ne le lamɛn; ni mɔgɔ min banna aw ra, o tigi banna ne le ra; ni mɔgɔ min banna ne ra, o tigi banna ne cibaga le ra.»

Kɛwalew 5:3

Piyɛri k’a ɲininka ko: «Ananiyasi, a kɛra cogo di ko Setana ka i jusukun fa ni miiriyajugu ye fɔ k’a to i ka foro wari dɔ dogo ka na faninya fɔ Nin Saninman* ye?

Kɛwalew 5:9

Piyɛri ko a ma ko: «O tuma a kɛra cogo di, aw fla bɛnna a ma ko aw bɛ Matigi Nin Saninman* kɔrɔbɔ? Ayiwa, mɔgɔ minw ka i cɛ su don, olugu flɛ nin ye da ra, o bɛna taga ni ele fana ye.»

Kor fɔlɔ 8:8

K’a sɔrɔ domunifɛn le tɛna an yɔrɔ surunya Ala ra. Ni i ma o sogo ɲimi, a tɛ foyi bɔ i ra; ni i k’a ɲimi fana, a tɛ foyi fara i kan.

Tes fɔlɔ 4:8

O kosɔn ni mɔgɔ min ka ban nin kuma ma, o tigi ma ban mɔgɔ kan ma; Ala min ka a ta Nin Saninman* di aw ma, a banna o le kan ma.

Filemɔn 1:14

Nka ne tun t’a fɛ ka foyi si kɛ, ni min ma bɛn i ma, janko i bɛna koɲuman min kɛ ne ye, o kana kɛ jagboya ye, nka a ye kɛ i yɛrɛ sago ye.

Yakuba 1:15

Ni nege ka kɔnɔ ta, a bɛ jurumun woro; ni jurumun kɔgɔra, ale bɛ saya woro.

Sam fɔlɔ 8:7

Matigi Ala k’a fɔ Samawilu ye ko: «Ni nin mɔgɔw ka fɛn o fɛn fɔ i ye, i ye o lamɛn, ka o kɛ. O ma ban ele ra; o banna ne yɛrɛ le ra; o ko ne le kana sigi o kunna.