Kɛwalew 5:30 - Jula NT of Côte d’Ivoire

³⁰ Aw ka Yesu min gbengben yiri ra k’a faga, an bɛmaw ta Ala ka o le lakunu ka bɔ saya ra.

ALA KA KUMA

³⁰ Aw tun ye Yezu min gwengwen k'a faga lɔgɔ kan, an bɛmaw ka Ala y'a kunun,

LAYIDUKURA

³⁰ Aw tun ye Yezu min gwengwen k'a faga lɔgɔ kan dɛ, an bɛmaw ka Ala y'a kunun,

Kɛwalew 5:30 Iomraidhean Croise

Lok fɔlɔ 12:17

Ayiwa, Boniyaminu ta mɔgɔ tɔw, ani Zuda ta mɔgɔ dɔw fana tun tagara Dawuda fɛ a ta dogoyɔrɔ ra.

Lok fɔlɔ 29:18

Matigi Ala, an bɛmaw Iburahima, ani Isiyaka, ani Izirayɛli ta Ala, a to nin ŋaninyaɲuman ani nin miiriya ye to i ta mɔgɔw jusukun na wagati bɛɛ, k’a to i miiriya ye to o jusukun na.

Ɛsidarasi 7:27

Ɛsidarasi ko: «Matigi Ala baraka, an bɛmaw ta Ala, min k’a don masacɛ jusu ra, ko a ye nin bonya ɲɔgɔn la Matigi Ala ta batoso kan Zeruzalɛmu.

Luka 1:55

i n’a fɔ a tun ka a layiri ta an bɛmaw ye cogo min na, min ye Iburahima ni a ta duruja ye.»

Luka 1:72

Ala ka a ta hina yira an bɛmaw ra nin cogo le ra. A ka jɛnɲɔgɔnya saninman min layiri ta, a ma ɲina o kɔ.

Kɛwalew 10:39

Yesu ka ko o ko kɛ Yahudiyaw ta jamana ra, ani Zeruzalɛmu dugu yɛrɛ kɔnɔ, anw ye o kow seerew ye. O k’a mina k’a gbengben yiri ra k’a faga.

Kɛwalew 13:33

Ala ka o layiri dafa anw ye, anw minw ye an bɛmaw ta durujaw ye; o le kosɔn a ka Yesu lakunu ka bɔ saya ra, i ko a sɛbɛra Zaburu kitabu flanan na cogo min na, ko: ‹Den min bɔra ne ra, ele lo; ne kɛra i Fa ye bi.›

Kɛwalew 2:32

Ne bɛ Yesu min ko fɔra, Ala ka ale le lakunu ka bɔ saya ra; an bɛɛ ye o ko seerew ye.

Kɛwalew 22:14

A k’a fɔ ne ye ko: ‹An bɛmaw ta Ala ka i ɲanawoloma, janko i ye a sago lɔn. Min kelenpe terennin bɛ, a k’a to i ye o ye, ani ka a yɛrɛ kumakan mɛn.

Kɛwalew 3:26

O le kosɔn Ala k’a ta baaraden ɲanawoloma tuma min na, a kɔnna k’a ci aw le fɛ fɔlɔ, janko a ye baraka don aw ra, ka aw bɛɛ kelen kelen kisi ka bɔ aw ta sirajuguw kan.»

Galasikaw 3:13

Nka Yesu Kirisita ka a yɛrɛ bla danga kɔrɔ an nɔ ra, janko ka an kunmabɔ sariya ta danga ma; sabu a sɛbɛra Kitabu kɔnɔ, ko: «Mɔgɔ o mɔgɔ su dulonna yiri ra, o tigi danganin lo.»

Piy fɔlɔ 2:24

A ka an ta jurumunw doni ta ka o la a yɛrɛ kan, k’a farikolo tɔɔrɔ gbengben yiri kan. A ka o kɛ, janko an ye sa ka bɔ jurumun fanga kɔrɔ, ka ɲanamanya terenninya ra. Jori minw tigɛra a farikolo ra, o le sababu ra aw kɛnɛyara.