Kɛwalew 4:27 - Jula NT of Côte d’Ivoire

²⁷ Sabu masacɛ Herodi* ni Ponse Pilati ka jɛn siri ni siya wɛrɛ mɔgɔw* ye, ani Izirayɛlimɔgɔw, nin dugu kɔnɔ yan; o wurira i ta baaraden saninman Yesu kama, i ka min ɲanawoloma.

ALA KA KUMA

²⁷ Tiɲɛ na, Pɔnsi Pilati, ni *Erɔdi, ni Isirayɛli jama ani siya wɛrɛw ye ɲɔgɔn lajɛn dugu nin kɔnɔ i ka baarakɛla senuman Yezu kama i ye min kɛ diɲɛ kisibaga ye.

LAYIDUKURA

²⁷ Tinyɛ na, Pɔnsi Pilati, ni Erɔdi, ni Isirayɛli jama ani siya wɛrɛw ye nyɔgɔn lajɛn dugu nin kɔnɔ i ka Sagokɛla bɛrɛbɛrɛ Yezu kama i y'o min kɛ dinyɛ kisibaga ye.

Kɛwalew 4:27 Iomraidhean Croise

Ayuba 14:4

Jɔn le bɛ se ka fɛn saninyanin sɔrɔ fɛn saninyabari ra? Mɔgɔ si!

Ayuba 15:14

Adamaden ye mun le ye k’a fɔ ko a bɛ saninya? Muso ka fɛn min woro, o ye mun le ye k’a fɔ ko a bɛ teren?

Ayuba 25:4

Adamaden bɛ se ka teren cogo di Ala ɲa kɔrɔ? Adamaden, muso ka min woro, o bɛ se ka saninya cogo di?

Zaburu 2:2

Dugukolo masacɛw wurira ka lɔ; kuntigiw ka ɲɔgɔn lajɛn Matigi Ala ni a ta mɔgɔ ɲanawolomanin kama.

Zaburu 2:6

ko: «Ne yɛrɛ le ka ne ta masacɛ sigi Siyɔn kuru* kan, ne ta kuru saninman kan.»

Zaburu 45:7

E, Ala, i ta masaya bɛ to a nɔ ra tuma bɛɛ, ani wagati bɛɛ; i ta masacɛbere ye hɔrɔnya bere le ye.

Ezayi 37:26

«O tuma ele m’a lɔn ko ne kitira nin kow ra kabini wagatijan wa? Kabini fɔlɔfɔlɔ ne tun ka ko minw labɛn k’a bla, sisan ne bɛ o le kɛra. Ne k’a latigɛ ko ele le bɛna dugu barakamanw halaki, fɔ ka o kɛ tomow ye.

Ezayi 49:7

Matigi Ala ye Izirayɛli kunmabɔbaga, ani a ta Ala saninman ye; mɔgɔ mafiyɛnyanin, siyaw bɛ mɔgɔ min kɔninya, mɔgɔ min kɛra fangatigiw ta jɔn ye, a b’a fɔ o tigi ye ko: «Ni masacɛw nana ele ye, o bɛna wuri ka lɔ; ni kuntigiw nana i ye, o bɛna o kinbiri gban, Matigi Ala, Ala kankelentigi kosɔn, Izirayɛli ta Ala saninman min ka ele ɲanawoloma, ale Ala kosɔn.»

Ezayi 53:3

Mɔgɔw k’a dɔgɔya, ka ban a ra, a kɛra mɔgɔ sɛgɛnin ye, mɔgɔ min ka tɔɔrɔ silɔn. A kɛra i ko mɔgɔ si t’a fɛ ka mɔgɔ min flɛ; o k’a mafiyɛnya, an m’a jate.

Ezayi 61:1

Dunuɲatigi Ala Nin bɛ ne kan; sabu ale Matigi Ala ka ne ɲanawoloma, ka ne ci ka taga kibaro diman fɔ ɲanibagatɔw ye, ka mɔgɔ jigi tigɛninw jigi tugu, ka mɔgɔ minaninw kunmabɔri ko fɔ o ye, ka kasodenw lablari ko fɔ o ye,

Matiyu 14:1

Ayiwa, o wagati ra, jamanatigi Herodi* nana Yesu ko mɛn.

Matiyu 14:3

Ayiwa, Herodi tun ka Yuhana mina ka a siri ka a bla kaso ra. O tun kɛra a balemacɛ Filipe ta muso Herodiyadi le kosɔn.

Matiyu 14:6

Ayiwa, Herodi worolon kunbɛn nana se; ka o to o ɲanagbɛ ra, Herodiyadi denmuso ka dɔn kɛ mɔgɔw ye; a ko diyara Herodi ye,

Matiyu 21:28

Yesu ko: «Aw bɛ mun miiri nin ko ra? Dencɛ fla tun bɛ cɛkɔrɔba dɔ fɛ. A ko dencɛ fɔlɔ ma ko: ‹Ne dencɛ, taga baara kɛ rɛzɛnforo ra bi.›

Matiyu 23:37

Yesu ko: «E, Zeruzalɛmu! Zeruzalɛmu! Ele min bɛ ciraw faga, ani Ala bɛ mɔgɔ minw ci i fɛ, i bɛ olugu bon ni kabakuru ye ka o faga! Siɲaga caman ne tun b’a fɛ ka i ta denw lajɛn, i ko sisɛba bɛ a denw lajɛn a kaman kɔrɔ cogo min na, nka aw ma sɔn o ma.

Matiyu 27:2

O k’a mina k’a siri, ka taga ni a ye jamanatigi Pilati fɛ.

Marika 10:33

A ko: «An tagatɔ flɛ Zeruzalɛmu. Min kɛra Adamaden ye*, o bɛna don sarakalasebagaw* kuntigiw boro, ani sariya karamɔgɔw*. O bɛna kiti tigɛ a kan ko a ka kan ka faga. O bɛna a don siya wɛrɛ mɔgɔw* boro.

Marika 15:31

Sarakalasebagaw* kuntigiw, ani sariya karamɔgɔw* fana tun b’a lɔgɔbɔra k’a fɔ ɲɔgɔn ye ko: «A ka tɔw kisi, nka a tɛ se ka a yɛrɛ kisi!

Luka 1:35

Mɛlɛkɛ ka a jaabi ko: «Nin Saninman* bɛna jigi i kan, Ala Kɔrɔtaninba ta sebagaya bɛna i datugu i ko yirisuma. O le kosɔn, i bɛna dencɛ saninman min woro, o bɛna wele ko Den min bɔra Ala ra*.

Luka 22:63

Yesu kɔrɔsibagaw tun bɛ a lɔgɔbɔra, ka to ka a bugɔ.

Luka 23:1

Ayiwa, jama bɛɛ jɛnna ka wuri ka taga ni Yesu ye Pilati fɛ.

Luka 4:18

«Matigi Ala Nin* bɛ ne kan, sabu a ka ne ɲanawoloma ko ne ye na Kibaro Diman* fɔ fagantanw ye, ani ka kasodenw lablari ko fɔ, ka fiyentɔw ɲa yɛlɛko kibaro fɔ; ka mɔgɔ tɔɔrɔninw bɔ o tɔɔrɔbagaw boro,

Luka 9:22

Yesu k’a fɔ o ye fana ko Min kɛra Adamaden ye*, ko jagboya lo ko o ye tɔɔrɔ kosɛbɛ; cɛkɔrɔbaw, ani sarakalasebagaw* kuntigiw, ani sariya karamɔgɔw* bɛna ban a ra, ka a mina ka a faga. Nka a tere sabanan, a bɛna kunu.

Yuhana 1:11

A nana a yɛrɛ ta mɔgɔw fɛ, nka a ta mɔgɔw ma sɔn a ra.

Yuhana 10:36

o tuma, Ala ka min ɲanawoloma k’a ci dunuɲa ra, ni o ko, ko Den min bɔra Ala ra*, ko ale le bɛ o ye, mun kosɔn aw ko, ko a bɛ Ala tɔgɔ cɛnna?

Yuhana 18:28

O kɔ, o bɔra ni Yesu ye Kayife fɛ, ka taga ni a ye jamanatigi ta bonba kɔnɔ. O tun kɛra sɔgɔmada joona le fɛ. Yahudiyaw ma sɔn ka don bonba kɔnɔ, janko o saninyanin ye to, ka Jɔnyaban ɲanagbɛ* domuni kɛ.

Yuhana 18:29

O le kosɔn Pilati bɔra ka taga o nɔ fɛ kɛnɛ ma, ka o ɲininka, ko: «Nin cɛ jarakikun ye mun le ye aw fɛ?»

Yuhana 19:34

Nka o bɛɛ n’a ta, sorasi kelen ka Yesu sɔgɔ a gɛrɛn na ni taman ye. O yɔrɔnin bɛɛ ra jori ni ji bɔra o sɔgɔda ra.

Kɛwalew 10:38

Ayiwa, Ala ka Yesu Nazarɛtikacɛ ɲanawoloma cogo min na k’a fa Nin Saninman* na, ka sebagaya di a ma, aw ka o lɔn. A tun bɛ yɔrɔw yaalayaala, ka koɲuman kɛ mɔgɔw ye, ani minw bɛɛ tun bɛ Setana ta jɔnya ra, a tun bɛ olugu bɛɛ kisi ka bɔ o jɔnya ra, sabu Ala tun bɛ ni a ye.

Kɛwalew 2:27

Sabu i tɛna sɔn ka ne nin to saya dibi ra yi. I tɛna sɔn fana k’a to i ta mɔgɔ saninman farisogo ye tori kaburu ra.

Kɛwalew 4:30

I ta sebagaya di o ma, janko o ye banabagatɔw kɛnɛya, ka tagamasiyɛnw ni kabakow kɛ i ta baaraden saninman Yesu tɔgɔ ra.»

Heburuw 7:26

An mako tun bɛ nin sarakalasebagaw kuntigiba ɲɔgɔn le ra, min saninyanin lo, jarakiyɔrɔ tɛ min na, nɔ si tɛ min na, min faranna ka bɔ jurumunkɛbagaw cɛ ra, ka kɔrɔta ka tɛmɛ hali sankolo kan.