Kɛwalew 4:26 - Jula NT of Côte d’Ivoire

²⁶ Dugukolo masacɛw wurira ka lɔ; kuntigiw ka ɲɔgɔn lajɛn Matigi ni a ta mɔgɔ ɲanawolomanin kama.›

ALA KA KUMA

²⁶ Masacɛw wilila, jamana ɲamɔgɔw y'u kaan bɛn, ka Matigi n'a ka Mɔgɔwolomanin kɛlɛ.›

LAYIDUKURA

²⁶ Masacɛw y'u kaan bɛn, jamana nyamɔgɔw lajɛnna janko ka kɛ kelen ye ka Matigi n'a ka Mɔgɔwolomanin kɛlɛ.’

Kɛwalew 4:26 Iomraidhean Croise

Zaburu 2:1

Mun kosɔn siyaw bɛ muruti dɛ? Mun kosɔn miiriya gbansanw bɛ jamana mɔgɔw kɔnɔ dɛ?

Zaburu 2:2

Dugukolo masacɛw wurira ka lɔ; kuntigiw ka ɲɔgɔn lajɛn Matigi Ala ni a ta mɔgɔ ɲanawolomanin kama.

Ezayi 7:7

Nka Dunuɲatigi Ala ko: O ko tɛna ɲa sɔrɔ, a tɛna kɛ.

Daniyɛli 9:24

Ala ka san biwolonfla sigiyɔrɔma wolonfla le latigɛ i ta jamana ni i ta dugu saninman ko ra. Ni o wagati dafara, terenbariyakow bɛ sɔrɔ ka dabla, kojuguw bɛ ban, jurumunw bɛ yafa, terenninya banbari bɛ sigi, Ala ka fɛn minw yira, ani ciraw ka kuma minw fɔ, o kow bɛɛ bɛ kɛ, Ala ta yɔrɔ saninmanba fana bɛ saninya ka bla danna Ala ye.

Luka 4:18

«Matigi Ala Nin* bɛ ne kan, sabu a ka ne ɲanawoloma ko ne ye na Kibaro Diman* fɔ fagantanw ye, ani ka kasodenw lablari ko fɔ, ka fiyentɔw ɲa yɛlɛko kibaro fɔ; ka mɔgɔ tɔɔrɔninw bɔ o tɔɔrɔbagaw boro,

Kɛwalew 10:38

Ayiwa, Ala ka Yesu Nazarɛtikacɛ ɲanawoloma cogo min na k’a fa Nin Saninman* na, ka sebagaya di a ma, aw ka o lɔn. A tun bɛ yɔrɔw yaalayaala, ka koɲuman kɛ mɔgɔw ye, ani minw bɛɛ tun bɛ Setana ta jɔnya ra, a tun bɛ olugu bɛɛ kisi ka bɔ o jɔnya ra, sabu Ala tun bɛ ni a ye.

Heburuw 1:9

I bɛ terenninya kanu, i bɛ kojugu kɔninya; o le kosɔn Ala, i ta Ala kɔni ka i ɲanawoloma ka ɲagarituru kɛ i kun na, ka i fisaya i tɔɲɔgɔnw ye.»

Yirari 11:15

Mɛlɛkɛ wolonflanan k’a ta buru fiyɛ. Kumakan dɔw bɔra sankolo kɔnɔ, k’a fɔ ni fanga ye, ko: «Dunuɲa masaya fanga kɛra an Matigi ta ye, ani a ta mɔgɔ ɲanawolomanin; a bɛna sigi masaya ra tuma bɛɛ, ani wagati bɛɛ.»

Yirari 12:10

Ne ka kumakan dɔ mɛn sankolo kɔnɔ, a b’a fɔra ni fanga ye ko: «Sisan kisiri wagati sera. An ta Ala ta sebagaya ni a ta masaya wagati sera, ani a ta mɔgɔ ɲanawolomanin ta fangatigiya wagati. Sabu an balemaw jarakibaga minana k’a firi dugu ma; ale le tun bɛ to ka o jaraki Ala ɲa kɔrɔ su ni tere.

Yirari 17:17

Sabu Ala yɛrɛ le ka a don o jusu ra ko ale Ala ka ko min latigɛ, o ye bɛn kelen ma ka o kɛ, ka o ta masaya di wara ma, fɔ ale Ala ka kuma min fɔ, a ye kɛ ten.