Kɛwalew 4:20 - Jula NT of Côte d’Ivoire

²⁰ Anw kɔni ka min ye, ani an ka min mɛn, an tɛ se ka to o fɔbari ye.»

ALA KA KUMA

²⁰ «Anw kɔni fɛ, anw ye min ye, ka min mɛn, anw te se ka to o fɔbali ye.»

LAYIDUKURA

²⁰ “Anw kɔni fɛ, anw ye min ye, ka min mɛn, anw tɛ se ka to o fɔbali ye.”

Kɛwalew 4:20 Iomraidhean Croise

Sam 2nan 23:2

Matigi Ala Nin k’a ta kuma don ne kɔnɔ, a k’a ta kuma don ne da ra ko ne ye a fɔ.

Yeremi 1:7

Matigi Ala k’a fɔ ne ye ko: «I kana a fɔ ko i ye denmisɛn ye, sabu ne bɛna i ci mɔgɔ min o min fɛ, i bɛna taga olugu bɛɛ fɛ; ne bɛna fɛn o fɛn fɔ i ye, i bɛna taga o bɛɛ fɔ o ye.

Yeremi 20:9

Ayiwa, ni ne ko, ko ne tɛna a ko fɔ tuun, walama ko ne tɛna kuma a tɔgɔ ra tuun, a ta kuma bɛ ne jɛni ne jusukun na i ko tasuma, a bɛ i ko tasuma le donna ne kolow kɔnɔ; ne b’a fɔ ko ne b’a kun ne yɛrɛ ra, nka ne baraka bɛ ban, ne tɛ se.

Yeremi 4:19

E, ne jusukun! Ne jusukun! Ne jusukun bɛɛ tɔɔrɔnin lo kosɛbɛ. Ne sɔnkun bɛ to ka yɛrɛyɛrɛ; ne tɛ se ka je, sabu ne bɛ burufiyɛkan mɛnna, ani kɛrɛkɛdenw ta kulecikanw.

Yeremi 6:11

Ne jusu fara Matigi Ala ta dimi na, ne tɛ se ka dimi mara ne yɛrɛ kɔnɔ tuun. «Ala, i ta dimi bɔn denmisɛnw kan siradaw ra, ani kanbelen minw ka ɲɔgɔn lajɛn. Furucɛ ni furumuso bɛna mina, mɔgɔkɔrɔba, ani cɛkɔrɔba sancamantigi bɛna mina.

Ezekiyɛli 3:11

Taga i ta jamanadenw fɛ, mɔgɔ minaninw; ni o ka i lamɛn o, walama ni o yɛrɛ ma i lamɛn o, i ye kuma o fɛ k’a fɔ o ye ko: ‹Dunuɲatigi Ala ko tan!› »

Amɔsi 3:8

Jara kulera! Jɔn le ja tɛ tigɛ? Dunuɲatigi Ala kumana! Jɔn le bɛ se ka ban ka o cirayakuma fɔ?

Mise 3:8

Nka o bɛɛ n’a ta, ne kɔni, Matigi Ala ta nin baraka le bɛ ne ra. Terenninya ni jagbɛlɛya bɛ ne jusu ra, janko ka Yakuba ta mɔgɔw ta terenbariyakow fɔ o ye, ka Izirayɛlimɔgɔw ta jurumun fɔ o ye.

Jateri 22:38

Balamu ka Balaki jaabi ko: «Sisan ne kɔni nana i fɛ, nka ne tɛna se ka foyi fɔ ne yɛrɛ ma dɛ! Ni Ala ka kuma min don ne da ra, ne bɛ o dɔrɔn le fɔ.»

Jateri 23:20

A flɛ, Ala ko ne ye dugawu le kɛ o ye. A ka dugawu mina, ne fana tɛ se k’a yɛlɛma.

Luka 1:2

Mɔgɔ minw ka Yesu ta kow ye o ɲa ra kabini a damina ra, ani Ala ta Kuma waajuri baara karifara o ma, olugu ka o kow lakari an ye cogo min na, a sɛbɛbagaw ka a sɛbɛ ka kaɲa ni olugu ta kuma le ye fana.

Kɛwalew 1:22

ka a damina Yesu batize wagati ra Yuhana fɛ, fɔ ka taga se a kɔrɔtalon ma ka bɔ an cɛ ra ka taga sankolo ra.»

Kɛwalew 1:8

Nka Nin Saninman* bɛna jigi aw kan; o cogo ra aw bɛna sebagaya sɔrɔ ka kɛ ne seerew ye, k’a damina Zeruzalɛmu, ani Zude mara bɛɛ, ani Samari mara, fɔ ka taga se dunuɲa dan bɛɛ ma.»

Kɛwalew 18:5

Nka kabini Silasi ni Timote nana ka bɔ Masedoni, Pɔli k’a ta wagati bɛɛ kɛ Ala ta kuma waajuri le ra. A tun b’a fɔ Yahudiyaw ye k’a gbɛya ko Ala ka Yesu le ɲanawoloma k’a kɛ Kisibaga* ye.

Kɛwalew 2:32

Ne bɛ Yesu min ko fɔra, Ala ka ale le lakunu ka bɔ saya ra; an bɛɛ ye o ko seerew ye.

Kɛwalew 2:4

Lanabagaw bɛɛ fara Nin Saninman* na, o bɛɛ ka kɛ kuma ye kan wɛrɛw ra; ni Nin Saninman ka kan min don min da ra, o bɛ o kan fɔ.

Kɛwalew 22:15

Sabu i ka min ye, ani i ka min mɛn, i bɛna kɛ a seere ye mɔgɔw bɛɛ ɲa kɔrɔ, ka o bɛɛ fɔ o ye.

Kɛwalew 3:15

Aw ka ɲanamanya banbari tigi faga, nka Ala ka a lakunu ka bɔ saya ra; anw ye a seerew ye.

Kɛwalew 5:32

Anw le kɛra nin kow seerew ye, ani Nin Saninman*, Ala bɛ o Nin Saninman min di a kanminabagaw ma.»