Kɛwalew 3:19 - Jula NT of Côte d’Ivoire

¹⁹ O le kosɔn aw ye nimisa aw ta jurumun na, ka sɔn Ala ma, janko aw ta jurumunw ye ko ka bɔ yi.

ALA KA KUMA

¹⁹ O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

LAYIDUKURA

¹⁹ O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Kɛwalew 3:19 Iomraidhean Croise

Zaburu 103:12

Terebɔ ni tereben cɛ ka jan cogo min na, a fana bɛ an ta hakɛw yɔrɔ janya an na ten le.

Zaburu 51:13

I kana ne gbɛn ka bɔ i yɛrɛ ɲa kɔrɔ, i kana i ta nin saninman bɔ ne jusukun na.

Zaburu 51:9

Ne saninya ni izope ye, ni o kɛra, ne bɛna saninya; ne ko, ni o kɛra, ne bɛna gbɛ pepepe.

Ezayi 43:25

Nka ne kɔni, ne le bɛ aw ta hakɛw jɔsi ka bɔ aw ra, ne ta bonya kosɔn; ne tɛna ne hakiri to aw ta jurumunw na tuun.

Ezayi 44:22

Ne ka aw ta hakɛ jɔsi ka bɔ yi, i ko sankaba bɛ tunu cogo min na, ka aw ta jurumunw jɔsi ka bɔ yi i ko bugun bɛ tunu cogo min na. Aw ye sekɔ ka na ne fɛ, sabu ne ka aw kunmabɔ.»

Ezayi 51:11

Matigi Ala ta mɔgɔ kunmabɔninw bɛna sekɔ ka na o cogo le ra; o bɛna don Siyɔn dugu kɔnɔ ni ɲagarikanw ye. Hɛra banbari le bɛna jigi o kunna, jusudiya ni ɲagari bɛna na o fɛ, jusukasi ni ŋunakanw bɛna ban.

Ezayi 6:10

Taga nin jamana mɔgɔw jusukun gbɛlɛya, ka o toro gberen, ka o ɲadenw fiyen; janko o ɲadenw kana na yeri kɛ, o torow kana na mɛnni kɛ, o jusukun kana na faamuri kɛ, ni o tɛ, o bɛna sekɔ ka na ne fɛ, k’a to ne ye o kisi.»

Ezayi 61:3

Siyɔn dugumɔgɔ minw bɛ kasira, ne bɛna olugu laje; ne bɛna nɔɔrɔ la o kan, bugurigbɛ nɔ ra; ka ninsɔndiya turu kɛ o kun na, kasi nɔ ra; ka tandori derege don o ra, ɲanasisi nɔ ra. Ni o kɛra, mɔgɔw bɛna o wele ko terenninya ta yirisunw, Matigi Ala ka yiri minw turu a ta bonya kama.

Ezayi 61:9

Siyaw bɛɛ bɛna o ta durujaw silɔn, jamanaw bɛɛ bɛna o ta denw silɔn; ni mɔgɔ o mɔgɔ ka o ye, o tigi bɛna a lɔn ko Matigi Ala ta siya barakamanw lo.

Yeremi 36:3

Ne ka kojugu minw bɛɛ latigɛ ko ne bɛna a lase Zuda mara mɔgɔw ma, ni o nana o kumaw mɛn, a bɛ se ka kɛ ko o bɛna o ta kɛwalejuguw dabla, janko ne ye o ta terenbariyakow ni o ta hakɛkow yafa o ma.»

Yeremi 50:20

O lonw na, ani o wagatiw ra, Matigi Ala ko ten, o bɛna Izirayɛli ta terenbariyakow yɔrɔɲini, nka o tɛna foyi ye; o bɛna Zuda ta jurumunkow yɔrɔɲini, nka o tɛna foyi ye, sabu ne ka o tɔ minw to, ne bɛna yafa olugu ma.› »

Kasikan 3:40

An ye an ta kokɛcogo sɛgɛsɛgɛ, ka miiri, ka sekɔ ka na Matigi Ala fɛ.

Kasikan 5:21

A to an ye sekɔ ka na i fɛ Matigi Ala, janko an ye sekɔ ka na; a to an ye kɛ i ko an tun bɛ cogo min na fɔlɔfɔlɔ.

Ezekiyɛli 33:11

A fɔ o ye ko: ‹Ne bɛ kari ko sigiya t’a ra, ne le ye Ala ɲanaman ye, Dunuɲatigi Ala ko ten; mɔgɔjugu ye faga, o man di ne ye; a ye a jogo yɛlɛma, ka kisi, o le ka di ne ye. Aw ye sekɔ, aw ye sekɔ ka bɔ aw ta sirajuguw kan! Aw kana na a to aw ye sa, aw Izirayɛli mara mɔgɔw.›

Daniyɛli 9:13

O tɔɔrɔkow bɛɛ sera an ma, i n’a fɔ a tun sɛbɛra cogo min na Musa ta sariya ra. Nka hali bi, an belen ma sɔn ka Matigi Ala, an ta Ala daari, an ma sɔn ka an ta terenbariyakow dabla, an ma sɔn ka i ta kuma jate ko can lo.

Oze ta kitabu 14:2

«E, Izirayɛli, aw ye sekɔ ka na Matigi Ala fɛ, aw ta Ala; sabu aw ta jurumunw le ka aw laben.

Yowɛli 2:13

Sani aw ye aw ta faniw faran, aw ye aw jusukunw le faran!» Aw ye sekɔ ka na Matigi Ala, aw ta Ala fɛ, sabu a bɛ makari, a bɛ hina, a tɛ dimi joona, a ta ɲumanya fana ka bon. A tun b’a fɛ ka kojugu min lase aw ma, a bɛna sɔn ka o dabla.

Matiyu 13:15

Sabu nin jamana mɔgɔw ka o jusukun gbɛlɛya. O ka o torow datugu, ka o ɲaw datugu, janko o ɲa kana yeri kɛ, o toro kana mɛnni kɛ, o jusukun fana kana faamuri kɛ; sabu o t’a fɛ ka yɛlɛma ka na ne fɛ, janko ne ye o kisi.› »

Matiyu 18:3

k’a fɔ o ye ko: «Can ra ne b’a fɔ aw ye ko ni aw ma aw cogoya yɛlɛma ka kɛ i ko denfitiniw, aw tɛna don sankolo Masaya ra fiyewu.

Luka 1:16

A bɛna kɛ sababu ye k’a to Izirayɛlimɔgɔ caman ye sekɔ ka sɔn o Matigi Ala ma.

Luka 22:57

Nka Piyɛri ma sɔn ka lɔ a ra. A ko: «Muso, ne yɛrɛ m’a lɔn.»

Kɛwalew 1:6

Ayiwa, ka Yesu ni a ta karamɔgɔdenw lajɛnnin to, karamɔgɔdenw k’a ɲininka ko: «Matigi, i bɛna Izirayɛli* ta masaya sigi kokura o wagati le ra wa?»

Kɛwalew 11:18

Ciradenw ni lanabaga tɔw ka Piyɛri ta kuma mɛn minkɛ, o jusu sɔrɔra ka suma, o ka Ala tando; o ko: «Can lo, Ala sɔnna k’a to siya wɛrɛ mɔgɔw* fana ye nimisa o ta jurumunw na, janko o ye ɲanamanya sɔrɔ.»

Kɛwalew 11:21

Matigi ta sebagaya tun bɛ o lanabagaw kan; mɔgɔ camanba lara Matigi ra, ka sɔn Matigi ma.

Kɛwalew 15:3

Ayiwa, lanabagaw ta jɛnkuru ka o ci ka taga. O tagatɔ, o tɛmɛna Fenisi mara ni Samari mara ra. Siya wɛrɛ mɔgɔw sɔnna Ala ta Kuma ma cogo min na, o ka o lakari o yɔrɔw ta lanabagaw ye. O kumaw ka o balemaw ninsɔndiya kosɛbɛ.

Kɛwalew 17:26

A ka siyaw bɛɛ dan ka bɔ mɔgɔ kelen na, ka o sigi dugukolo fan bɛɛ ra, ka o ta wagati dantigɛ, ka o sigiyɔrɔw danw yira o ra.

Kɛwalew 2:38

Piyɛri ka o jaabi ko: «Aw ka kan ka nimisa aw ta jurumunw na; aw bɛɛ kelen kelen ka kan ka batize Yesu Kirisita tɔgɔ ra, ka aw ta jurumun yafa sɔrɔ. Ni o kɛra, Ala bɛna Nin Saninman di aw ma.

Kɛwalew 28:27

Sabu nin siya mɔgɔw ka o jusukun gbɛlɛya; o ka o torow gberen, ka o ɲadenw datugu, janko o ɲadenw kana yeri kɛ, o jusukunw kana faamuri kɛ; ni o tɛ, o tun bɛna na yɛlɛma ka sɔn ne ma, janko ne ye o kisi.› »

Kɛwalew 3:20

Ni o kɛra, Matigi bɛna laganfiya di aw ma, ani Kirisita min ta ko latigɛra aw ye, min ye Yesu ye, a bɛna o ci ka na aw fɛ.

Kɛwalew 3:21

Nka sisan Yesu ka kan ka to sankolo ra fɔ fɛn bɛɛ ye yɛlɛma ka kɛ kura ye fɔlɔ; Ala tun ka o le fɔ kabini wagatijan a ta cira saninmanw da ra.

Rɔmukaw 11:25

Ayiwa, ne balemaw, ne b’a fɛ aw ye nin gundo lɔn, janko aw kana aw yɛrɛ jate hakiritigiw ye ka tɛmɛ tɔw kan. Izirayɛlimɔgɔ dɔw jusukun gbɛlɛyara, fɔ Ala ka siya wɛrɛ mɔgɔ* minw ɲanawoloma, olugu bɛɛ ye don fɔlɔ.

Tes 2nan 1:10

O bɛna kɛ Matigi nalon le ra; minw ye a ta mɔgɔ saninmanw ye, olugu bɛna a bonya; minw lara a ra olugu bɛna a flɛ ka ɲagari. Aw fana bɛna kɛ o mɔgɔw ra, sabu aw lara an ta seereyakuma ra.

Tes 2nan 1:7

Nka aw minw bɛ tɔɔrɔra, a bɛna laganfiya di aw ma, ka a di anw fana ma; Matigi Yesu bɛna na wagati min na ka bɔ sankolo ra ni a ta mɛlɛkɛ fangatigiw ye, a bɛna kɛ o wagati le ra.

Tim 2nan 2:25

Minw bɛ a ta kuma sɔsɔ, a ka kan ka olugu ladi ni jususuma ye, sabu a bɛ se ka kɛ ko Ala bɛna a to o ye nimisa, janko o ye yɛlɛma ka can lɔn,

Heburuw 4:1

Ayiwa, Ala ka layiri min ta ko an bɛna taga don ale ta nɛnɛkiriyɔrɔ ra, i n’a fɔ o layiri belen bɛ a nɔ ra, o ra an ye an yɛrɛ kɔrɔsi, janko aw si kana na dɛsɛ ka to kɔ.

Piy fɔlɔ 2:25

Sabu aw tun bɛ i ko saga tununinw; nka sisan aw sekɔra ka na sagagbɛnbaga fɛ, min ye aw nin kɔrɔsibaga ye.

Piy 2nan 3:8

Nka ne balema kanuninw, fɛn kelen bɛ yi, aw man kan ka ɲina o kɔ: Ala ɲa kɔrɔ, tere kelen bɛ i ko san waga kelen, san waga kelen fana bɛ i ko tere kelen.

Yirari 21:4

A bɛna o ɲajiw bɛɛ cɛ. Saya tɛna kɛ yi tuun, kasi tɛna kɛ yi, kulekan tɛna mɛn, tɔɔrɔ tɛna kɛ yi fana; sabu fɛnkɔrɔw bɛɛ tununa.»