Kɛwalew 3:14 - Jula NT of Côte d’Ivoire

¹⁴ Aw banna mɔgɔ saninman ni mɔgɔ terennin na, ka Pilati daari ko a ye mɔgɔfagabaga dɔ le labla a nɔ ra aw ye.

ALA KA KUMA

¹⁴ Aw banna Mɔgɔsɔbɛ ni Mɔgɔɲuman na, min y'a yɛrɛ di Ala ma a sago kosɔn. Aw banna ale la ko fɔɔ Pilati ka mɔgɔfagala dɔ le labila.

LAYIDUKURA

¹⁴ Aw banna Mɔgɔsɛbɛ ni Mɔgɔnyuman na, ale min y'a yɛrɛ di Ala ma a sagokɛ kɔsɔn. Aw banna ale la ko fɔɔ Pilati ka mɔgɔfagala dɔ le labila.

Kɛwalew 3:14 Iomraidhean Croise

Zaburu 16:10

sabu i tɛna sɔn ka ne nin to saya dibi ra; i tɛna sɔn k’a to i ta jɔn Alaɲasiranbaga ye to kaburu kɔnɔ.

Jakariya 9:9

Aw ye ɲagari kosɛbɛ, Siyɔn dugumɔgɔw! Aw ye ɲagarikanbaw bɔ, Zeruzalɛmu dugumɔgɔw! A flɛ, aw ta masacɛ bɛ nana aw fɛ! A terennin lo, a ka se sɔrɔ; a majiginin yɛlɛnin bɛ fali le kan; a yɛlɛnnin bɛ faliden dɔ kan, falimuso ta falidennin.

Matiyu 27:20

Nka sarakalasebagaw* kuntigiw, ani cɛkɔrɔbaw ka jama kɔnɔnɔsu, ko o y’a fɔ Pilati ye ko a ye Barabasi labla, ka Yesu faga.

Marika 1:24

«E, Yesu Nazarɛtikacɛ, mun le bɛ an cɛ? I nana an halakiyɔrɔ le ra wa? Ele ye mɔgɔ suguya min ye, ne ka o lɔn; ele ye Ala ta Mɔgɔ Saninman le ye.»

Marika 15:11

Nka sarakalasebagaw kuntigiw ka jama kɔnɔnɔsu ko o y’a fɔ ko Pilati ye Barabasi le labla.

Marika 15:7

O y’a sɔrɔ cɛ dɔ tun bɛ kaso ra, ale ni a tɔɲɔgɔnw; o cɛ tɔgɔ tun ye ko Barabasi. Olugu tun murutira fɔ ka mɔgɔ dɔ faga.

Luka 1:35

Mɛlɛkɛ ka a jaabi ko: «Nin Saninman* bɛna jigi i kan, Ala Kɔrɔtaninba ta sebagaya bɛna i datugu i ko yirisuma. O le kosɔn, i bɛna dencɛ saninman min woro, o bɛna wele ko Den min bɔra Ala ra*.

Luka 23:25

O tun ka cɛ min daari, Pilati ka o labla, o min tun blara kaso ra murutiri ni mɔgɔfaga kosɔn. A ka Yesu don o boro, ko a ye kɛ o sago ye.

Yuhana 16:10

O firira terenninya ta ko ra, sabu ne bɛ tagara Fa Ala fɛ, o kosɔn aw tɛna ne ye tuun.

Yuhana 18:40

Jama pɛrɛnna tuun ko: «Ɔn-ɔn, ale tɛ! Barabasi le labla!» K’a sɔrɔ o Barabasi tɔgɔ tun ye benkannikɛbaga le ye.

Kɛwalew 13:28

O ma jaraki si sɔrɔ a ra min bɛ se ka kɛ a fagasababu ye, o bɛɛ n’a ta, o ka Pilati daari ko a y’a faga.

Kɛwalew 2:27

Sabu i tɛna sɔn ka ne nin to saya dibi ra yi. I tɛna sɔn fana k’a to i ta mɔgɔ saninman farisogo ye tori kaburu ra.

Kɛwalew 22:14

A k’a fɔ ne ye ko: ‹An bɛmaw ta Ala ka i ɲanawoloma, janko i ye a sago lɔn. Min kelenpe terennin bɛ, a k’a to i ye o ye, ani ka a yɛrɛ kumakan mɛn.

Kɛwalew 4:27

Sabu masacɛ Herodi* ni Ponse Pilati ka jɛn siri ni siya wɛrɛ mɔgɔw* ye, ani Izirayɛlimɔgɔw, nin dugu kɔnɔ yan; o wurira i ta baaraden saninman Yesu kama, i ka min ɲanawoloma.

Kɛwalew 5:28

«An tun m’a fɔ aw ye k’a gbɛlɛya ko aw kana mɔgɔ si karan Yesu tɔgɔ ra tuun wa? A flɛ, aw ka Zeruzalɛmu dugumɔgɔw bɛɛ hakiri yɛlɛma ni aw ta karan ye; aw fana b’a fɛ ka Yesu fagari kunko ben anw kan.»

Kɛwalew 7:52

Cira juman le bɛ yi, aw bɛmaw ma min tɔɔrɔ? Minw ka Ala ta mɔgɔ terennin nako kibaro fɔ, aw ka olugu faga. Sisan aw nana o mɔgɔ terennin fana janfa k’a faga.

Kor 2nan 5:21

Kirisita min ma jurumun si kɛ ka ye, Ala ka ale bla jurumunkɛbagaw nɔ ra anw kosɔn, janko an ye kɛ jɛnɲɔgɔnya ra ni a ye, ka jate mɔgɔ terenninw ye Ala ɲa kɔrɔ.

Yakuba 5:6

Aw ka mɔgɔ jarakibari jaraki, ka a faga; a fana ma aw kɛrɛ.

Piy fɔlɔ 3:18

Ayiwa, Kirisita fana sara jurumun kosɔn siɲaga kelen, ka dan o ma. Ale mɔgɔ terennin sara mɔgɔ terenbariw kosɔn, janko ka aw ladon Ala ta jɛnɲɔgɔnya ra. A yɛrɛ sara, nka a kununa Nin Saninman* baraka ra.

Zan fɔlɔ 2:1

Ayiwa, ne ta denw, ne bɛ nin sɛbɛ ci aw ma, janko aw kana jurumun kɛ tuun. Nka ni dɔ ka jurumun kɛ, soronarikɛbaga bɛ an fɛ Fa Ala kɔrɔ, min ye Yesu Kirisita ye; ale terennin lo.

Yirari 3:7

«Nin kumaw sɛbɛ k’a ci Filadɛlifi lanabagaw ta jɛnkuru ta mɛlɛkɛ ma, k’a fɔ a ye ko: ‹Saninman, ani Cantigi, Dawuda ta lakile bɛ min boro, ni min ka da yɛlɛ, mɔgɔ si tɛ se k’a datugu, ni a ka da datugu, mɔgɔ si tɛ se k’a dayɛlɛ, o ko: