Kɛwalew 27:23 - Jula NT of Côte d’Ivoire

²³ Ne ye Ala min ta ye, ani ne bɛ baara kɛra min ye, o ta mɛlɛkɛ dɔ nana ne fɛ bi su fɛ.

ALA KA KUMA

²³ bari ne be baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

LAYIDUKURA

²³ bari ne bɛ baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Kɛwalew 27:23 Iomraidhean Croise

Zaburu 116:16

E, Matigi Ala, ne ye i ta jɔn le ye, ne ye i ta jɔn le ye, ne ye i ta jɔnmuso dencɛ le ye. Ele le ka ne bɔsi ka bɔ ne ta sirinanw bɛɛ ra.

Zaburu 135:4

Matigi Ala ka Yakuba ta mɔgɔw ɲanawoloma ka o kɛ a ta ye, a ka Izirayɛli ta mɔgɔw ɲanawoloma ka o kɛ a ta mɔgɔw ye.

Zaburu 143:12

I ta ɲumanya kosɔn, i bɛna ne juguw ban pewu; i bɛna ne kɛrɛbagaw bɛɛ halaki, sabu ne ye i ta jɔn le ye.

Bɔri 19:5

« ‹Ayiwa, sisan, ni aw ka ne kumakan lamɛn, ka to ne ta jɛnɲɔgɔnya ra, aw le bɛna kɛ ne ta mɔgɔ kanuninw ye ka tɛmɛ siya tɔw bɛɛ kan, sabu dugukolo bɛɛ lajɛnnin ye ne ta le ye.

Dɔnkiriw 2:16

Ne jarabi ye ne ta ye, ne fana ye a ta ye. A bɛ ni a ta bɛganw ye, o bɛ bin ɲimina yirifiyerenw cɛ ra.

Dɔnkiriw 6:3

Ne ye ne jarabi ta ye, ne jarabi fana ye ne ta ye. A bɛ ni a ta bɛganw ye, o bɛ bin ɲimina yirifiyerenw cɛ ra.

Ezayi 44:21

«Aw ye aw hakiri to nin na, aw Yakuba ta mɔgɔw; Izirayɛlimɔgɔw, aw le ye ne ta baaradenw ye. Ne le ka aw kɛ mɔgɔ ye, aw le ye ne ta baaradenw ye. E, Izirayɛlimɔgɔw, ne tɛ ɲina aw kɔ.

Ezayi 44:5

Dɔ bɛna a fɔ ko: ‹Ne ye Matigi Ala ta le ye!› Dɔ wɛrɛ bɛna a fɔ ko ale ye Yakuba ta mɔgɔ le ye! Dɔ wɛrɛ fana bɛna a sɛbɛ a boro kan ko: ‹Ne ye Matigi Ala ta le ye!› O bɛna Izirayɛli tɔgɔ kɛ o ta bonya sababu ye.»

Yeremi 31:33

«Nka o wagatiw tɛmɛnin kɔ, ne bɛna jɛnɲɔgɔnya min don ni Izirayɛli ta gbamɔgɔw ye, o ye nin ye, Matigi Ala ko ten: Ne bɛna ne ta sariyaw don o kɔnɔ, k’a sɛbɛ o jusukun na; ne bɛna kɛ o ta Ala ye, o bɛ kɛ ne ta mɔgɔw ye.

Yeremi 32:38

O bɛna kɛ ne ta mɔgɔw ye, ne bɛna kɛ o ta Ala ye.

Ezekiyɛli 36:38

Dugu minw ye tomow ye bi, olugu bɛna fa mɔgɔw ra, k’a kɛ i ko sagakuruw; o bɛna kɛ i ko saraka bɛganw, i ko o bɛgankuru minw bɛ taga Zeruzalɛmu dugu fa, ɲanagbɛ wagatiw ra. Ni o kɛra, o bɛna a lɔn ko ne le Matigi Ala ye.»

Daniyɛli 3:17

Nka hali ni o ka anw firira tasumaba cɛ ma, anw ta Ala, an bɛ Ala min bato, ale bɛ se ka an kisi tasumaba ma; ale bɛna an kisi fana ka bɔ ele masacɛ boro.

Daniyɛli 3:26

O kɔ, Nebukadinɛsari gbarara tasumaba kɔrɔ. A ko: «Sadaraki, Mesaki, Abɛdi Nego, Ala kɔrɔtaninba ta baaradenw, aw ye bɔ ka na yan!» Sadaraki ni Mesaki ni Abɛdi Nego bɔra tasuma ra.

Daniyɛli 3:28

Nebukadinɛsari ka kuma ta, k’a fɔ ko: «An ye Sadaraki ni Mesaki ni Abɛdi Nego ta Ala tando. Ale le k’a ta mɛlɛkɛ ci ka na a ta baaradenw bɔsi, sabu o lara o ta Ala ra. O banna ne masacɛ ta kuma ma, ka sɔn ka o farikolo di a ye jɛni, sani o ye ala wɛrɛ bonya, ka ala wɛrɛ bato, min tɛ o ta Ala ye!

Daniyɛli 6:16

Nka o mɔgɔw teliyara ka na a fɔ masacɛ ye k’a gbɛlɛya tuun ko: «Masacɛ, i yɛrɛ k’a lɔn ko Mɛdikaw ni Pɛrɛsikaw ta sariya ra, ni fɛn o fɛn sɛbɛra, ka masacɛ boronɔ la a kan ka ban, o tɛ se ka yɛlɛma tuun dɛ!»

Daniyɛli 6:20

Masacɛ wurira sɔgɔmada joona fɛ, sani kɛnɛ ye ci, a teliyara ka taga jaraw ta dinga da ra.

Daniyɛli 6:22

Daniyɛli tora yi ka masacɛ jaabi ko: «Masacɛ, Ala ye i mɛɛn an kɔrɔ!

Jakariya 13:9

Ne bɛna o taranyɔrɔ kelen don tasuma ra, ka o yeele ka o saninya i ko o bɛ warigbɛ yeele k’a saninya cogo min na, ka o sɛgɛsɛgɛ kosɛbɛ i ko o bɛ sanin sɛgɛsɛgɛ cogo min na. O bɛna ne tɔgɔ wele, ne fana bɛna o jaabi. Ne bɛna a fɔ o ma ko: ‹Aw le ye ne ta mɔgɔw ye!› Olugu fana bɛna a fɔ ko: ‹Matigi Ala le ye an ta Ala ye!› »

Malaki 3:17

«O bɛna kɛ ne ta ye, Fangatigi Ala ko ten. Ne ka lon min labɛn, o lon na o bɛna kɛ ne ta mɔgɔw ye, mɔgɔ minw ko ka gbɛlɛn ne ma. Ne bɛna ne janto o ra i ko mɔgɔ b’a janto a dencɛ ra cogo min na, a dencɛ min bɛ baara kɛ a ye.

Yuhana 12:26

Ni mɔgɔ min b’a fɛ ka baara kɛ ne ye, o tigi ka kan ka tugu ne kɔ; ne bɛ yɔrɔ min na, ne ta baaraden fana bɛna kɛ o yɔrɔ le ra. Ni mɔgɔ min bɛ baara kɛ ne ye, Fa Ala bɛna o tigi bonya.»

Kɛwalew 12:23

O yɔrɔnin kelen bɛɛ ra, Matigi ta mɛlɛkɛ dɔ ka bana bla Herodi ra, sabu a ma bonya la Ala kan; tumu donna a ɲanaman na k’a faga.

Kɛwalew 16:17

O muso tora ka tugu an ni Pɔli kɔ, ka to ka pɛrɛn k’a fɔ ko: «Nin mɔgɔw ye Ala Kɔrɔtaninba ta baaradenw ye; kisiri bɛ sɔrɔ sira min na, o bɛ o le fɔra aw ye.»

Kɛwalew 18:9

Ayiwa, lon dɔ su fɛ Matigi kumana Pɔli fɛ siko ra, k’a fɔ a ye ko: «I kana siran! Kuma, i kana je,

Kɛwalew 23:11

O lon dugusagbɛ su fɛ, Matigi ka a yɛrɛ yira Pɔli ra k’a fɔ a ye ko: «I ja gbɛlɛya; i ka seereya bɔ ne ta ko ra Zeruzalɛmu yan cogo min na, i ka kan ka ne ta ko seereya kɛ Rɔmu* o cogo kelen na fana.»

Kɛwalew 5:19

Nka su fɛ, Matigi ta mɛlɛkɛ dɔ nana kasobon dondaw dayɛlɛ, ka ciradenw labɔ, k’a fɔ o ye ko:

Kɛwalew 8:26

Matigi ta mɛlɛkɛ dɔ kumana Filipe fɛ, ko: «Wuri ka taga woroduguyanfan fɛ. Sira min bɛ bɔ Zeruzalɛmu ka taga Gaza, i ye o sira ta; mɔgɔ tɛ tɛmɛna o sira kan tuun.» Filipe wurira o yɔrɔnin bɛɛ ra ka sira ta.

Rɔmukaw 1:1

Ne Pɔli, Yesu Kirisita ta baaraden, ne yɛrɛ le ka nin sɛbɛ kɛ. Ala ka ne wele ka ne kɛ ciraden* ye, ka ne bla danna janko ne ye a ta Kibaro Diman* lase mɔgɔw ma.

Rɔmukaw 1:9

Den min bɔra Ala ra*, ne bɛ baara kɛ Ala ye ni ne jusu bɛɛ ye, ka ale ta Kibaro Diman* waajuri le kɛ. Ni ne bɛ Ala daari tuma o tuma, Ala ye ne seere ye ko ne bɛ ne hakiri to aw ra ka Ala daari aw ye.

Rɔmukaw 6:22

Nka sisan aw bɔra jurumun ta jɔnya ra ka kɛ Ala ta jɔnw ye; aw bɛ nafa min sɔrɔ o ra, o ye saninyari ye, a laban fana ye ɲanamanya banbari ye.

Kor fɔlɔ 6:20

Sabu aw kunmabɔra sɔngɔba le ra. O kosɔn aw ye Ala bonya ni aw farikolo ye, [ni aw nin fana ye; o fla bɛɛ ye Ala ta le ye].

Sariya 32:9

sabu Matigi Ala ninyɔrɔ ye a yɛrɛ ta mɔgɔw le ye. Yakuba ta mɔgɔw le ye a ta ye.

Tim 2nan 1:3

Ne bɛ Ala fo; ne bɛ baara kɛra a ye ni jusukun gbɛnin ye i n’a fɔ ne bɛmaw k’a kɛ cogo min na. Su ni tere ni ne bɛ Ala daari, ne bɛ ne hakiri to i ra tuma bɛɛ.

Tim 2nan 2:24

K’a sɔrɔ Matigi ta baaraden man kan ka kɛrɛ kɛ. A ka kan ka kɛ mɔgɔɲuman ye mɔgɔ bɛɛ le ma, ka se ka mɔgɔw karan, ani ka kogbɛlɛnw sɔnmina.

Tim 2nan 4:17

Matigi yɛrɛ le ka ne dɛmɛ ka baraka don ne ra, janko ne ye Kibaro Diman* waajuri kɛ k’a gbɛya, siya wɛrɛ mɔgɔw bɛɛ y’a mɛn. Ala ka ne bɔsi ka bɔ jara da ra.

Tite 1:1

Ne Pɔli, ne min ye Ala ta baaraden ye, ani Yesu Kirisita ta ciraden*, Ala ka ne ci janko ne ye lanaya sira ni can sira yira a ta mɔgɔ ɲanawolomaninw na, ka kaɲa ni Alaɲasiran ye,

Tite 2:14

Ale le ka a yɛrɛ di ka sa an kosɔn, janko ka an kunmabɔ kojuguw bɛɛ ma, ka an saninya ka an kɛ a yɛrɛ ta mɔgɔw ye, janko an ye an yɛrɛ cɛsiri ka kɛwaleɲuman kɛ tuma bɛɛ.

Heburuw 1:14

Mɛlɛkɛw ye mun le ye? O bɛɛ ye ninw le ye; ciradenw lo, minw bɛ baara kɛ Ala ye. Mɔgɔ minw ka kan ka kisi, Ala bɛ mɛlɛkɛw ci ka taga olugu dɛmɛ fana.

Yirari 22:16

«Ne Yesu le ka ne ta mɛlɛkɛ ci ka na nin kow lase aw ma, lanabagaw ta jɛnkuruw ra. Dawuda mamaden min tun bɛna bɔ Dawuda ta gba ra, ne le ye o ye; ne le ye sɔgɔmada lolo manamana tɔ ye.»