Kɛwalew 26:23 - Jula NT of Côte d’Ivoire

²³ O k’a fɔ ko Ala ta mɔgɔ ɲanawolomanin bɛna tɔɔrɔ; ko ale le bɛna kɛ mɔgɔ fɔlɔ ye ka kunu ka bɔ saya ra, ka kisiri yeelen bɔ an ta siya ye, ani siya wɛrɛ mɔgɔw ye.»

ALA KA KUMA

²³ U ko Ala ka Mɔgɔ wolomanin bena tɔɔrɔ ka sa, ko ale lo bena kɛ suu fɔlɔ ye ka kunun ka an zuwifuw ka siya, ani siya tɔw kisi.»

LAYIDUKURA

²³ U ko Ala ka Mɔgɔwolomanin bɛna tɔɔrɔ ka sa, ko ale le bɛna kɛ suu fɔlɔ ye ka kunun ka an Zuwifuw ka siya, ani siya tɔw kisi.”

Kɛwalew 26:23 Iomraidhean Croise

Damina 3:15

Ne bɛna juguya le bla ele ni muso cɛ, ka o juguya kelen bla i ta duruja ni muso ta duruja cɛ. Ni o ka i sɔrɔ, o bɛ i kun ci; ni ele fana ka o sɔrɔ, i bɛ o kin o senju ra.»

Ezayi 42:6

«Ne Matigi Ala, ne le ka ele wele terenninya kama; ne bɛna i boro mina, ne bɛna i tanga, ka i lasigi, ka i kɛ ne ni mɔgɔw ta jɛnɲɔgɔnya donbaga ye, ka i kɛ siyaw ta yeelen ye,

Ezayi 49:6

Matigi Ala ko: «I bɛna kɛ ne ta jɔn ye ka Yakuba ta gbaw lawuri, ka Izirayɛlimɔgɔ tɔw lasekɔ ka na; nka o dɔrɔn tɛ, ne bɛna i sigi ka i kɛ siya wɛrɛ mɔgɔw ta yeelen ye, janko ne ta kisiri ko ye se fɔ dunuɲa fan bɛɛ ra.»

Jakariya 12:10

«O ra, ne bɛna hina hakiri, ani Aladaari hakiri di Dawuda ta somɔgɔw, ani Zeruzalɛmukaw ma. Ni o kɛra, o tun ka ne min sɔgɔ ni biɲɛ ye, o bɛna o ɲa lɔ ne ra; o bɛna kasi ne kosɔn, i ko mɔgɔ bɛ a ta den kelenpenin su kasi cogo min na. O bɛna o jusu kasi ne kosɔn i ko mɔgɔ bɛ a jusu kasi a den fɔlɔ su kunna cogo min na.

Jakariya 13:7

«Kɛrɛkɛmuru, i wuri ne ta sagagbɛnbaga kama! I wuri ne jɛnɲɔgɔn kama! Fangatigi Ala ko ten! Sagagbɛnbaga faga, k’a to sagaw ye yɛrɛgɛ. Ne bɛna ben sagadenw kan.

Matiyu 26:24

Min kɛra Adamaden ye*, o bɛna sa, i ko a sɛbɛra a ta ko ra Kitabu kɔnɔ cogo min na. Nka mɔgɔ min bɛna kɛ sababu ye k’a janfa, bɔnɔ bɛna o tigi sɔrɔ. O tigi worobariya le tun ka fisa a ma.»

Matiyu 27:53

o bɔra kaburuw kɔnɔ Yesu kununin kɔ, ka don Zeruzalɛmu dugu kɔnɔ. Mɔgɔ caman ka o ye.

Luka 2:32

A bɛna kɛ yeelen ye, siya wɛrɛ mɔgɔw fɛ; ka kɛ bonya ye i ta mɔgɔw, Izirayɛlimɔgɔw fɛ.»

Luka 24:26

Kisibaga tun man kan ka tɔɔrɔ o cogo ra ka sɔrɔ ka taga don a ta nɔɔrɔ ra wa?»

Luka 24:46

O kɔ, a k’a fɔ o ye tuun ko a sɛbɛra Kitabu kɔnɔ ko Ala ka Kisibaga* min layiri ta, ko mɔgɔw bɛna o tɔɔrɔ, ka a faga; nka a saya tere sabanan a bɛna kunu;

Yuhana 10:18

Mɔgɔ si tɛ se ka ne nin bɔ ne ra jagboya ra; ne yɛrɛ b’a di. Se bɛ ne ye ka a di, se bɛ ne ye fana ka a mina tuun; ne Fa Ala ka o le fɔ ne ye.»

Yuhana 11:25

Yesu ko a ma ko: «Ne le bɛ suw lakunu, ne le bɛ ɲanamanya di; ni mɔgɔ o mɔgɔ ka la ne ra, o tigi bɛna ɲanamanya, hali ni a sara.

Kɛwalew 13:34

Ala ka Yesu kunu minkɛ ka bɔ saya ra, ko a tɛ sa tuun fiyewu, a tun ka o le yira a ta kuma ra, ko: ‹Ne ka layiri saninman minw ta Dawuda ye, layiri ɲanamanw, sigiya t’a ra, ne bɛna o fɛnw di aw ma.›

Kɛwalew 26:18

Ne bɛ i ci o fɛ, janko i ye taga o ɲa yɛlɛ, ka o labɔ dibi ra ka o lana yeelen na, ka o labɔ Setana ta fanga kɔrɔ k’a to o ye sɔn Ala ma, janko o ye la ne ra ka o ta jurumunw yafa sɔrɔ, ani ka o ninyɔrɔ sɔrɔ ni Ala ta mɔgɔ saninyaninw ye.›

Kɛwalew 26:8

Aw Yahudiyaw, mun kosɔn aw b’a miiri ko Ala tɛ se ka suw lakunu wa?

Kɛwalew 3:18

Ala tun ka ko minw fɔ kakɔrɔ a ta ciraw bɛɛ da ra, a ka o le kɛ; ko Kirisita*, Ala ta mɔgɔ ɲanawolomanin ka kan ka tɔɔrɔ.

Kɛwalew 3:24

Sabu cira minw bɛɛ kumana, k’a damina cira Samawilu ra, o bɛɛ kelen kelen kumana nin wagati kow ra fana.

Kor fɔlɔ 15:3

Ne karanna min na, ne kɔnna ka aw karan o le ra, ko Kirisita* sara an ta jurumunw kosɔn, i n’a fɔ a sɛbɛra Kitabu kɔnɔ cogo min na;

Kor 2nan 4:4

O mɔgɔw tɛ la Ala ra, sabu dunuɲa kuntigi, Setana ka o hakiri fiyen, janko o kana Kibaro Diman* nɔɔrɔ bonya ye, o Kibaro Diman min bɛ Kirisita* ta nɔɔrɔ yira, Kirisita min ni Ala cogo bɛɛ ka kan.

Kɔlɔsikaw 1:18

lanabagaw ta jɛnkuru* ye a farikolo ye, ale ye o farikolo kunkolo ye. Ale le ye damina ye, ale fɔlɔ le kununa ka bɔ saya ra, janko ka kɛ fɛn bɛɛ kuntigi ye.

Heburuw 2:10

Ayiwa, can ra, fɛn bɛɛ danna Ala min sababu ra, ani Ala min kosɔn, ale tun b’a fɛ ka mɔgɔ caman ladon a ta nɔɔrɔ ra; o kosɔn a bɛnna a ma ka Yesu ta bonya dafa a ta tɔɔrɔw sababu ra, ale min ye mɔgɔw ta kisiri tigi ye.

Yirari 1:5

ani Yesu Kirisita, min ye seere kankelentigi ye, ani min fɔlɔ kununa ka bɔ saya ra, ani min ye dunuɲa masaw bɛɛ ta Masa ye. Ale min bɛ an kanu, ani ale min ka an kisi ka bɔ an ta jurumunw na a jori baraka ra,