Kɛwalew 26:13 - Jula NT of Côte d’Ivoire

¹³ Ka ne tagatɔ to Damasi, masacɛ Agiripa, tuma min na tere tun bɛ kuncɛ, ne barara ka yeelenba dɔ ye, a bɔra sankolo ra, ka manamanana ka ne ni ne tagamaɲɔgɔnw lamini. O yeelen tun ka bon ni tere yeelen ye.

ALA KA KUMA

¹³ Masa Agiripa, ka ne to sira kan tilegwan fɛ, ne ye yeelenba dɔ bɔtɔ ye sanfɛ ka na ne ni n taamaɲɔgɔnw bɛɛ lamini. Yeelen nin tun ka bon ka tɛmɛ.

LAYIDUKURA

¹³ Masa Agiripa, ka ne to sira kan tilegwan fɛ, ne ye yeelenba dɔ bɔtɔ ye sanfɛ ka na ne ni n taamanyɔgɔnw bɛɛ lamini. Yeelen nin tun ka bon ka tɛmɛ.

Kɛwalew 26:13 Iomraidhean Croise

Ezayi 24:23

Karo kun bɛna suuru, tere bɛna maroya; sabu Fangatigi Ala bɛna sigi masaya ra Siyɔn kuru kan, ani Zeruzalɛmu; a nɔɔrɔ bɛna manamana a ta jamana ɲamɔgɔw ɲa kɔrɔ.

Ezayi 30:26

Karo yeelen bɛna kɛ i ko tere yeelen, tere yeelen baraka bɛna bonya fɔ siɲaga wolonfla, ka kɛ i ko tere wolonfla yeelen faranin ɲɔgɔn kan. A bɛna kɛ ten le, lon min na Matigi Ala bɛna a ta mɔgɔw ta joriw flakɛ, ka o ta bugɔrinɔw kɛnɛya.

Matiyu 17:2

O yɔrɔ ra, Yesu cogoya yɛlɛmana o ɲa na. A ɲada manamanana i ko tere, a ta faniw gbɛra pepe i ko yeelen.

Kɛwalew 22:6

«Ayiwa, ka ne tagatɔ to sira ra, ne surunyara Damasi ra minkɛ, teregban fɛ, yeelenba dɔ barara ka bɔ sankolo ra ka manamana ka ne lamini.

Kɛwalew 22:9

Ayiwa, mɔgɔ minw tun bɛ ni ne ye, olugu ka yeelenba ye, nka min tun bɛ kumana ne fɛ, o ma o tigi kan mɛn.

Kɛwalew 26:12

«O cogo le ra, lon dɔ, sarakalasebagaw kuntigiw ka ne ci ni sɛbɛ dɔ ye ka taga Damasi lanabagaw kama.

Kɛwalew 26:14

An bɛɛ bɔra ka ben dugu ma; ne ka kumakan dɔ mɛn, a ko ne ma Aramekan na ko: ‹Sɔli, Sɔli, mun kosɔn i bɛ ne tɔɔrɔra? Ni sɛnɛkɛmisi ka muruti ko a bɛ bere tan, o tɛ ɲa misi ma dɛ!›

Kɛwalew 9:3

Ka Sɔli tagatɔ, a surunyanin Damasi ra, yeelenba dɔ barara ka bɔ sankolo ra ka manamana ka Sɔli lamini.

Yirari 1:16

Lolo wolonfla tun bɛ a kininboro kɔnɔ. Kɛrɛkɛmuru da fla dadiman dɔ tun bɔra a da kɔnɔ, a ɲada tun bɛ i ko tere bɛ manamana cogo min na teregban papa fɛ.

Yirari 21:23

Dugu mako tɛ tere yeelen na, walama karo yeelen janko mɔgɔw ye yeri kɛ; Ala yɛrɛ nɔɔrɔ le ye dugu yeelen ye; Sagaden fana ye dugu yeelen ye.