Kɛwalew 2:30 - Jula NT of Côte d’Ivoire

³⁰ Dawuda tun ye cira le ye; a tun k’a lɔn fana ko Ala karira a ye ko lon dɔ a bɛna a mamaden dɔ sigi a ta masasiginan kan a nɔ ra.

ALA KA KUMA

³⁰ Kira tun lo. A tun y'a lɔn ko Ala y'a daa di ko a ben'a ka deen dɔ sigi a nɔɔ na masaya la.

LAYIDUKURA

³⁰ Dawuda tun ye kira ye. A tun y'a lɔn ko Ala y'a latigɛ ko a bɛn'a ka deenw dɔ sigi a nɔɔ na masaya la.

Kɛwalew 2:30 Iomraidhean Croise

Sam 2nan 23:2

Matigi Ala Nin k’a ta kuma don ne kɔnɔ, a k’a ta kuma don ne da ra ko ne ye a fɔ.

Ezayi 7:14

Ayiwa, o kosɔn Matigi yɛrɛ bɛna tagamasiyɛn dɔ yira aw ra: Sunguru bɛna kɔnɔ ta ka dencɛ woro, k’a tɔgɔ la ko Emanuwɛli.

Yeremi 30:9

O bɛna baara kɛ Matigi Ala, o ta Ala le ye, ani ne bɛna Dawuda ta duruja min sigi o kunna ka kɛ o ta masacɛ ye.»

Mise 5:2

O kosɔn Ala bɛna a ta mɔgɔw to o kelen na, fɔ muso min ka kan ka den woro, o ye den woro, ani a balema tɔw ye sekɔ ka taga fara Izirayɛlimɔgɔw kan.

Matiyu 22:43

Yesu ko o ma ko: «O tuma mun kosɔn Dawuda yɛrɛ kumana Ala Nin* baraka ra ka a wele ko a Matigi?

Matiyu 27:35

Yesu gbengbennin kɔ yiri ra, o ka kara la ka a ta faniw tarantaran ɲɔgɔn na. [O kɛra minkɛ, cira tun ka kuma min fɔ, o kɛra can ye, ko: «O ka ne ta faniw taran ɲɔgɔn na, ka kara la ne ta deregeba kosɔn.»]

Marika 12:36

K’a sɔrɔ Dawuda yɛrɛ k’a fɔ Nin Saninman* baraka ra ko: ‹Matigi Ala k’a fɔ ne Matigi ye ko: Na i sigi ne kininboroyanfan fɛ, fɔ ne ye i juguw mina ka o bla i sen kɔrɔ.› »

Luka 24:44

O kɔ, a k’a fɔ o ye ko: «Wagati min na ne tun bɛ ni aw ye, ne tun ka o le fɔ aw ye; ko fɛn o fɛn sɛbɛra ne ta ko ra cira Musa ta sariya* ra, ani cira tɔw ta kitabuw ra, ani Zaburuw kitabu ka min fɔ ne ta ko ra, o kow bɛɛ tun ka kan ka kɛ.»

Kɛwalew 1:16

«Ne balemaw, Dawuda tun ka min fɔ Nin Saninman* baraka ra kakɔrɔ, jagboya lo o kow tun ye kɛ. A tun kumana Zudasi ta ko le ra; ale le tun blara mɔgɔw ɲa ka taga Yesu mina.

Rɔmukaw 1:3

Den min bɔra Ala ra*, o Kibaro Diman bɛ kuma o ta ko le ra; ka kaɲa ni adamadenya cogo ye, masacɛ Dawuda mamaden lo,

Rɔmukaw 15:12

Cira Ezayi fana ko: «Mɔgɔ dɔ bɛna bɔ Yese ta duruja ra; a bɛna kɛ siya tɔw bɛɛ kunna, a bɛna kɛ siya wɛrɛ mɔgɔw jigiya ye.»

Tim 2nan 2:8

I hakiri to Yesu Kirisita ra, Dawuda mamaden, min kununa ka bɔ saya ra, ka kaɲa ni ne ta Kibaro Diman* waajuri ye.

Heburuw 1:1

Ayiwa, fɔlɔfɔlɔ, Ala kumana an bɛmaw fɛ ciraw sababu ra tuma caman na, ani cogo caman na.

Heburuw 3:7

O kosɔn, i n’a fɔ Nin Saninman* k’a fɔ cogo min na, ko: «Ni aw bɛ Ala kumakan mɛn bi,

Heburuw 4:7

O le kosɔn Ala ka lon dɔ wɛrɛ sigi tuun; o ye «bi» ye. Wagatijan tɛmɛnin kɔ a ka o kuma don Dawuda da ra. A tun kɔnna ka o kuma fɔ; o kuma flɛ nin ye, ko: «Ni aw bɛ Ala kumakan mɛn bi, aw kana aw jusukun gbɛlɛya.»

Heburuw 6:17

O cogo ra, minw tun ka kan ka o layiriɲuman sɔrɔ, Ala tun b’a fɛ k’a yira olugu ra le k’a gbɛya ko ale tɛ a ta kolatigɛninw yɛlɛma fiyewu; o kosɔn a karira ka fara layiri kan.

Heburuw 7:21

Nka Yesu kɛra sarakalasebaga ye tuma min na, Ala karira k’a fɔ a ye ko: «Matigi karira, a fana tɛna a ta miiriya yɛlɛma: Ele le ye sarakalasebaga ye wagati bɛɛ.»

Piy 2nan 1:21

sabu Ala ta cira si m’a latigɛ ka ciraya kɛ ka kaɲa ni adamaden yɛrɛ sago ye, nka mɔgɔw ka Ala ta kumaw fɔ ka kaɲa ni Nin Saninman* ta baraka le ye.

Yirari 17:14

O bɛna Sagaden* kɛrɛ, nka Sagaden bɛna se sɔrɔ o kan, sabu ale le ye matigiw ta Matigi ye, ani masaw ta Masa. A ta mɔgɔ weleninw, minw ye a ta mɔgɔ ɲanawolomaninw, ani a ta mɔgɔ kankelentigiw ye, olugu fana bɛna se sɔrɔ ni Sagaden ye.»

Yirari 19:16

Tɔgɔ dɔ tun sɛbɛnin bɛ a ta derege kan, ani a woto kan, ko: «Masaw bɛɛ ta Masa, matigiw bɛɛ ta Matigi.»