Kɛwalew 2:14 - Jula NT of Côte d’Ivoire

¹⁴ O le ra Piyɛri wurira ka lɔ ni karamɔgɔden tɔ tan ni kelen ye, ka kuma ni kanba ye, k’a fɔ ko: «Aw Yahudiyaw, ani aw minw bɛɛ siginin bɛ Zeruzalɛmu, aw ye aw toro malɔ ka ne ta kuma lamɛn, ka nin faamu!

ALA KA KUMA

¹⁴ O la, Piyɛri tor'a tɔɲɔgɔn tan ni kelen nunu cɛma k'a kaan kɔrɔta ka kuma jama fɛ ko: «Aw zuwifuw, ani aw minw bɛɛ siginin be Zeruzalɛmu, a y'aw tulo malɔ ka ɲa ka n ka kuma lamɛn.

LAYIDUKURA

¹⁴ O tuma na, Piyɛri tora a tɔnyɔgɔn tan ni kelen nunu cɛma k'a kaan kɔrɔ ta ka kuma jama fɛ ko: “Aw Zuwifuw, ani aw minw bɛɛ siginin bɛ Zeruzalɛmu, a y'aw tulo malɔ ka nya ka n ka kuma lamɛn.

Kɛwalew 2:14 Iomraidhean Croise

Zanaw 8:32

«Ayiwa, sisan, ne dencɛw, aw ye ne lamɛn! Minw bɛ ne ta sira tagama, olugu ta ɲana!

Ezayi 40:9

Ele ye yɛlɛn kuru jamijan kan, ele Siyɔn dugu, dugu kibarodimanfɔbaga; ele ye i kan kɔrɔta ni baraka ye, ele Zeruzalɛmu, dugu kibarodimanfɔbaga. Ele ye i kan kɔrɔta, aw kana siran; ele y’a fɔ Zuda mara ta duguw ye ko o ta Ala ye nin ye!

Ezayi 51:1

Ala ko: «Aw ye ne lamɛn, aw minw bɛ terenninya ɲinina, aw minw bɛ Matigi Ala yɔrɔɲinina! Aw lɛsɛra ka bɔ fara min na, aw ye o fara flɛ, aw sogira ka bɔ farakuru min na, aw ye o flɛ!

Ezayi 51:4

«Aw ye aw janto ne ta kuma ra, ne ta mɔgɔw! Ne ta siya, aw ye aw toro malɔ ne ye, sabu sariya bɛna bɔ ne le fɛ k’a di aw ma; ne bɛna ne ta kolatigɛninw sigi, ne bɛna siyaw bla yeelen na.

Ezayi 51:7

«Aw ye ne lamɛn, aw minw ka terenninya lɔn, ne ta sariya bɛ aw minw jusukun na! Aw kana siran mɔgɔw ta mafiyɛnyari ɲa, aw ja kana tigɛ o ta kumajuguw kosɔn;

Ezayi 52:8

Aw ta dugu kɔrɔsibagaw kan lo, o bɛ o kan kɔrɔtara ka jɛn ka ɲagari, ka dɔnkiri la; sabu o yɛrɛ ɲa bɛ Matigi Ala ra, a bɛ sekɔra ka na don Siyɔn dugu kɔnɔ.

Ezayi 55:2

«Domuni min tɛ mɔgɔ baro, mun kosɔn aw bɛ wari don o ra? Domuni min tɛ mɔgɔ fa, mun kosɔn aw bɛ sɛgɛ o kosɔn? Aw ye ne lamɛn kosɛbɛ, ni o kɛra, aw bɛna fɛnɲumanw le domu, aw bɛna domuni dimanw diyabɔ.

Ezayi 58:1

«Kule ni i baraka bɛɛ ye, i kana je; i kan bɔ i ko burufiyɛkan, ka ne ta mɔgɔw ta hakɛkow fɔ o ye, ka Yakuba ta mɔgɔw ta jurumunw yira o ra.

Oze ta kitabu 8:1

«Buru la i da ra, k’a fiyɛ! Kojugu bɛ nana Matigi Ala ta so kama i ko bɔn! Sabu o ka ne ta jɛnɲɔgɔnya* cɛn; o ma sɔn ne ta sariyaw ma.

Matiyu 2:1

Yesu worora o cogo le ra Bɛtilɛhɛmu, Zude mara ra. A kɛra masacɛ Herodi* ta tere le ra. O wagati le ra, lɔnnikɛbaga dɔw bɔra terebɔyanfan na ka na Zeruzalɛmu,

Kɛwalew 1:26

O ka kara la, kara ka Matiyasi le yira; ale farara ciraden tan ni kelen kan.

Kɛwalew 13:16

O tuma Pɔli wurira ka lɔ, ka a boro kɔrɔta, k’a fɔ mɔgɔw ye ko: «Aw Izirayɛlimɔgɔw, ani aw minw bɛ Ala bato, aw ye lamɛnni kɛ!

Kɛwalew 2:22

«Ayiwa, aw Izirayɛlimɔgɔw, aw ye aw toro malɔ ka ne ta kuma lamɛn. Yesu Nazarɛtika tun kɛra mɔgɔ dɔ ye, Ala ka a ta sebagaya yira aw ra min fɛ; a ka kobaw, ani kabakow, ani tagamasiyɛnw kɛ aw cɛ ra, i ko aw yɛrɛ k’a lɔn cogo min na.

Kɛwalew 21:28

ka kɛ pɛrɛn ye ko: «Izirayɛlimɔgɔw, aw ye na o, aw ye na! Cɛ min bɛ yaala ka mɔgɔw bɛɛ karan yɔrɔ bɛɛ, ka an ta siya mangboya, ka an ta sariyaw mangboya, ani ka yɔrɔ saninman mangboya, ale le ye nin ye. Sisan a yɛrɛ ka siya wɛrɛ mɔgɔ* dɔw ladon Alabatosoba kɔnɔ, ka an ta yɔrɔ saninman lanɔgɔ.»

Kɛwalew 5:35

Ciradenw bɔnin kɔ a ko kititigɛjama mɔgɔw ma ko: «Ne balema Izirayɛlimɔgɔw, aw b’a fɛ ka ko min kɛ nin mɔgɔw ra, aw ye aw yɛrɛ kɔrɔsi o ra dɛ!

Kɛwalew 7:2

Etiyɛni k’a jaabi ko: «Ne faw, ani ne balemaw, aw ye lamɛnni kɛ! Nɔɔrɔtigi Ala ka a yɛrɛ yira an bɛmacɛ Iburahima ra, k’a to Mesopotami jamana ra, sani a ye taga sigi Karan mara ra.

Sariya 27:9

Musa ni Levi ta mɔgɔ minw ye sarakalasebagaw ye, olugu kumana Izirayɛlimɔgɔw bɛɛ fɛ, ko: «Izirayɛlimɔgɔw, aw ye aw toro malɔ ka lamɛnni kɛ! Bi aw kɛra Matigi Ala, aw ta Ala ta mɔgɔw le ye.

Yakuba 2:5

Ne balema kanuninw, ne ko: minw ye fagantanw ye dunuɲa ra yan, yala Ala le ma olugu fana ɲanawoloma, janko o ye kɛ fɛntigiw ye lanaya ra wa? Ala ma o ɲanawoloma fana, janko Masaya* min layiri tara Ala kanubagaw ye, olugu fana ye o sɔrɔ wa?