Kɛwalew 2:11 - Jula NT of Côte d’Ivoire

¹¹ ani Kɛrɛtikaw, ani Arabuw, an bɛ Ala ta kobaw lakaritɔ mɛnna o fɛ an yɛrɛ ta kanw na!»

ALA KA KUMA

¹¹ Zuwifuw ani minw y'u yɛrɛ kɛ zuwifuw ye, ani Kɛrɛtikaw, ni arabuw, an bɛɛ be Ala ka koba kɛninw mɛnna an ka kaanw na!»

LAYIDUKURA

¹¹ Zuwifuw ani minw y'u yɛrɛ kɛ Zuwifuw ye, ani Kɛrɛtiw, ni Arabuw, ee! An bɛɛ bɛ Ala ka koba kɛninw mɛnna an ka kaan na!”

Kɛwalew 2:11 Iomraidhean Croise

Mas fɔlɔ 10:15

Jagokɛbagaw, ani fiyeerekɛbagaw tun bɛ wusugu minw sara a ye, ani Arabujamana masacɛw, ani jamana ɲamɔgɔw tun bɛ ninsɔngɔ minw sara a ye, o si nin tɛ o ra.

Lok 2nan 17:11

Filisika dɔw nana bonyaw di Yosafati ma; o ka ninsɔngɔ sara a ye fana ni warigbɛ ye. Arabuw fana nana sagaw ni baw di a ma: sagajigi waga wolonfla ni kɛmɛ wolonfla (7 700), ani bakɔrɔnin waga wolonfla ni kɛmɛ wolonfla (7 700).

Lok 2nan 26:7

Ala k’a dɛmɛ ka Filisikaw kɛrɛ, ani Arabu minw tun siginin bɛ Guri Baali, ani Mehonikaw.

Ayuba 9:10

A bɛ kobaw kɛ, ko minw tɛmɛna adamaden hakiri dan kan; a bɛ kabako minw kɛ, o tɛ se ka jate ka ban.

Zaburu 107:15

Olugu ye Matigi Ala fo k’a waleɲumanlɔn a ta ɲumanya kosɔn, a bɛ koɲumanba minw kɛ adamadenw ye;

Zaburu 107:21

Olugu ye Matigi Ala fo k’a waleɲumanlɔn a ta ɲumanya kosɔn, a bɛ koɲumanba minw kɛ adamadenw ye.

Zaburu 107:8

Olugu ye Matigi Ala fo k’a waleɲumanlɔn a ta ɲumanya kosɔn, a bɛ koɲumanba minw kɛ adamadenw ye;

Zaburu 111:4

A b’a fɛ mɔgɔw hakiri ye to a ta kabakow ra; Matigi Ala bɛ makari, a bɛ hina,

Zaburu 136:4

Ale Ala kelen le bɛ kabakobaw kɛ, sabu a ta ɲumanya tɛ ban ka ye!

Zaburu 26:7

ka dɔnkiri la ka baraka la i ye ni kanba ye, ka i ta kabakow bɛɛ lakari.

Zaburu 40:5

Mɔgɔ min bɛ Matigi Ala kɛ a jigi ye, o tigi ta ɲana! Yɛrɛbonyabaga minw bɛ o yɛrɛ bla faninyafɔ ra, a tɛ sɔn k’a ɲasin olugu fan fɛ.

Zaburu 71:17

E, Ala, i ka ne karan kabini ne denmisɛnman; fɔ ka na se bi ma fana, ne bɛ i ta kabakow lakarira.

Zaburu 77:11

Ne ko: «Ne ta tɔɔrɔ sababu ye ko Ala kɔrɔtaninba boro barakaman tɛ a cogokɔrɔ ra tuun.»

Zaburu 78:4

anw tɛna o dogo o denw na, an bɛna o fɔ duruja nataw ye; an bɛna Matigi Ala ta bonya ni a ta sebagaya ko fɔ o ye, ani a ka kabako minw kɛ.

Zaburu 89:5

Ne ko: «Ne bɛna baraka don i ta durujaw ra wagati bɛɛ, ne bɛna i ta masaya sabati wagati bɛɛ, ani tuma bɛɛ.»

Zaburu 96:3

Aw ye a ta bonya lakari siyaw bɛɛ ye, aw ye a ta kobaw lakari mɔgɔw bɛɛ ye.

Bɔri 15:11

E! Matigi Ala, batofɛn juman wɛrɛ le bɛ i ko ele? Juman le saninyanin bɛ k’a dafa i ko ele? Juman le ye siranyafɛnba ye, ani a ka kan ni tandori ye, ani a bɛ kabakow kɛ i ko ele?

Ezayi 13:20

Mɔgɔ si tɛna sigi Babilɔni tuun; a lakolon le bɛna to wagati bɛɛ, ani tuma bɛɛ. Hali kongoyaalabagaw tɛna o ta fanibonw lɔ yi, sagagbɛnbagaw tɛna sigi yi ni o ta sagaw ye ka nɛnɛkiri!

Ezayi 21:13

Kuma minw fɔra Arabujamana ta ko ra: «Aw bɛna si Arabujamana yirituw ra, aw Dedanka ɲɔgɔmɛtigi dugutagabagaw!

Ezayi 25:1

E, Matigi Ala, ele le ye ne ta Ala ye; ne bɛ i bonya ka i tɔgɔ tando, sabu i ka kobaw kɛ; i ka min latigɛ kabini wagatijan, o bɛ to a nɔ ra, a tɛ yɛlɛma.

Ezayi 28:29

O bɛɛ bɔra Fangatigi Ala le ra fana; a ta kolatigɛninw ye kabako le ye, a ta hakiritigiya ka bon.

Yeremi 25:24

ani Arabujamana masacɛw bɛɛ, ani siya wɛrɛ minw siginin bɛ kongokolon kɔnɔ, olugu ta masacɛw,

Yeremi 3:2

Aw ye aw ɲa kɔrɔta ka flɛri kɛ kongoriw kunna! Yɔrɔ juman le bɛ yi ni aw ma la ka jatɔya kɛ yɔrɔ min na? Aw bɛ sigi siradaw ra ka aw ɲamɔgɔcɛw kɔnɔ, i ko benkannikɛbaga minw bɛ kongokolon kɔnɔ. Aw ka jamana lanɔgɔ ni aw ta jatɔya ni aw ta kojugu ye.

Kɛwalew 2:10

ani Firizi, ani Panfili, ani Misiran jamanaw ra, ani Libi jamana yɔrɔ minw bɛ Sirɛni dugu kɛrɛ fɛ, ani minw bɔra Rɔmu*, ani Yahudiyaw, ani minw donna Yahudiyaya ra,

Kɛwalew 2:12

O mɔgɔw bɛɛ kɔnɔnɔbanna; o m’a lɔn o bɛna min fɔ tuun. O tun b’a fɔra ɲɔgɔn ye ko: «Nin ye mun ye sa?»

Kɛwalew 27:12

O yɔrɔ kurunlɔyɔrɔ tun man ɲi nɛnɛwagati ra. O kosɔn mɔgɔ caman bɛnna a ra ko o ye bɔ o yɔrɔ ra; ni a bɛ se ka kɛ, o ye jija ka se Fenikisi, Kɛrɛti jamana kurunlɔyɔrɔ ra, janko o ye nɛnɛwagati kɛ o yɔrɔ ra. O yɔrɔ ɲasinna terebenyanfan ma.

Kɛwalew 27:13

O wagati ra fɔɲɔ fitini dɔ bɔra woroduguyanfan fɛ; a kɛra o ɲa na ko o ka min latigɛ ko o bɛna se ka o kɛ. O ka kurun labla, kurun ka kɛ taga ye Kɛrɛti jamana kɛrɛ fɛ.

Kɛwalew 27:7

An ka lon caman kɛ ji kan, kurun tun bɛ tagara dɔɔnin dɔɔnin. An sɛgɛra kosɛbɛ ka sɔrɔ ka se Kinidi dugu ɲa fɛ. I n’a fɔ fɔɲɔ tun bɛ an barira ka taga ɲa fɛ, an tɛmɛna Kɛrɛti jamana kɛrɛ fɛ ka taga Salamɔni dugu fan fɛ.

Kor fɔlɔ 12:10

a bɛ kabakow kɛri se di dɔ ma, a bɛ Ala ta kuma don dɔ da ra ka mɔgɔw waaju, a bɛ se di dɔ ma ka Ala ta miiriya ni miiriya wɛrɛw faranfasi ka bɔ ɲɔgɔn na, a bɛ se di dɔ ma ka kan wɛrɛw fɔ, ka se di dɔ ma ka o kanw kɔrɔ fɔ.

Kor fɔlɔ 12:28

O le kosɔn Ala ka mɔgɔ dɔw sigi lanabagaw ta jɛnkuru* kunna, k’a fɔlɔ kɛ ciradenw* ye, a flanan ye ciraw ye, a sabanan ye karamɔgɔw ye; o kɔ, a ka se di dɔw ma ka kabakow kɛ, ka banabagatɔw kɛnɛyari se di dɔw ma, ka se di dɔw ma ka mɔgɔw dɛmɛ, ka dɔw kɛ ɲamɔgɔw ye, ka se di dɔw ma ka kan wɛrɛw fɔ.

Galasikaw 1:17

Minw kɛra ciradenw* ye ne ɲa, ne ma taga Zeruzalɛmu ka taga olugu ɲininka. Ne tagara Arabujamana le ra; o kɔ, ne kɔsegira ka na Damasi.

Galasikaw 4:25

Hajara ye Sinayi kuru ye, Arabujamana ra; Hajara bɛ suma ni Zeruzalɛmu sisanlaman le ye dugukolo kan yan, sabu Zeruzalɛmu ni a ta mɔgɔw bɛ jɔnya ra.

Tite 1:12

O kosɔn o yɛrɛ ta cira dɔ k’a fɔ o ma ko: «Kɛrɛtikaw bɛ faninya tigɛ tuma bɛɛ; warajuguw lo, salibagatɔw lo, minw kɔnɔbaraw tɛ fa ka ye.»

Tite 1:5

Ayiwa, ne ka i to Kɛrɛti jamana ra, janko ko minw ɲanabɔbari tora, i ye olugu ɲanabɔ; i ye cɛkɔrɔba dɔw sigi lanabagaw ta jɛnkuruw* kunna dugu bɛɛ kelen kelen na, i n’a fɔ ne k’a fɔ i ye cogo min na.

Heburuw 2:4

Ala yɛrɛ ka baraka don o ta seereya ra ni tagamasiyɛnw ye, ani kobaw, ani kabako suguya caman, ani ka Nin Saninman* ta sebagayaw di o ma fana ka kaɲa ni a yɛrɛ sago ye.