Kɛwalew 19:9 - Jula NT of Côte d’Ivoire

⁹ Nka o mɔgɔ dɔw ka o kun gbɛlɛya, ka ban Pɔli ta kuma ma, ka to ka Matigi ta sira ko mafiyɛnya jama ɲa kɔrɔ. O ra, Pɔli ka lanabagaw wele ka bɔ o kɔrɔ, ka taga ni o ye Tiranusi ta karanso ra, ka to ka o karan o yɔrɔ ra lon o lon.

ALA KA KUMA

⁹ O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ ɲana. O la, Pɔli ye olu ye k'u to yen ka taga n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

LAYIDUKURA

⁹ O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ nyana. O tuma na, Pɔli ye olu ye k'u to yen ka taa n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Kɛwalew 19:9 Iomraidhean Croise

Mas 2nan 17:14

Nka o tun ma o kuma lamɛn; o ka o torokun gbɛlɛya, k’a kɛ i ko o bɛma minw tun ma la Matigi Ala ra, o ta Ala.

Lok 2nan 30:8

O ra, aw kana aw torokun gbɛlɛya i n’a fɔ aw bɛmaw k’a kɛ cogo min na. Aw ye aw yɛrɛ di Matigi Ala ma, ka na a ta yɔrɔ saninman na, a ka yɔrɔ min saninya k’a kɛ a yɛrɛ ta ye tuma bɛɛ. Aw ye baara kɛ Matigi Ala, aw ta Ala ye, janko a ta dimiba ye mabɔ aw ra.

Lok 2nan 36:16

Nka o ka Ala ta ciradenw lɔgɔbɔ, ka Ala ta kumaw mafiyɛnya, ka yɛrɛko a ta ciraw ma, fɔ ka na a to Matigi Ala ta dimiba wurira a ta mɔgɔw kama; o tuma fla wɛrɛ ma sɔrɔ tuun o ko ra.

Nehemi 9:29

I k’a fɔ o ye k’a gbɛlɛya ko o ye sekɔ ka na i ta sariyaw sira tagama. Nka o ka o yɛrɛ bonya, ka ban ka i ta kumaw lamɛn. O ka i ta kolatigɛninw cɛn, k’a sɔrɔ mɔgɔ bɛ se ka o le sira tagama ka ɲanamanya. O murutira ka o kɔ di i ma, ka o torokun gbɛlɛya; o ma sɔn ka mɛnnikɛ.

Zaburu 95:8

aw kana aw jusukun gbɛlɛya i n’a fɔ a kɛra Meriba cogo min na, i n’a fɔ a kɛra cogo min na kongokolon kɔnɔ Masa ta ko ta wagati ra.

Zanaw 8:34

Mɔgɔ min bɛ ne lamɛn, o tigi ta ɲana, mɔgɔ min bɛ lɔ lon o lon ne ta so donda ra ka mɛnni kɛ, min bɛ lɔ ne ta da ra, ka mɛnni kɛ, o tigi ta ɲana.

Ezayi 8:14

Dogoyɔrɔ saninman lo, nka a bɛna kɛ kabakuru ye mɔgɔ sen bɛ gbasi min na; a bɛna kɛ sentalon kabakuru ye Izirayɛli mara fla mɔgɔw fɛ, ka kɛ jɔ ye, ani jan, Zeruzalɛmukaw fɛ.

Yeremi 19:15

«Fangatigi Ala, Izirayɛli ta Ala ko: ‹Ne tun ka kojugu minw bɛɛ fɔ nin dugu kama, ani a kɛrɛfɛduguw bɛɛ, ne bɛna o kojugu ben o kan, sabu o ka o kun gbɛlɛya, ka ban ka ne ta kumaw lamɛn.› »

Yeremi 7:26

nka aw ma ne lamɛn, aw ma aw toro malɔ ne ta kuma ra. Aw ka aw torokun gbɛlɛya, ka kojugu kɛ ka tɛmɛ aw bɛmaw kan belen.

Matiyu 15:14

A ko: «Aw ye Farisiw to yi. Fiyentɔw lo; olugu yɛrɛ le fana ye ɲɔgɔn ta bereminabagaw ye. Ni fiyentɔ dɔ ka dɔ wɛrɛ ta bere mina, o fla bɛɛ le bɛna ben dinga kɔnɔ.»

Matiyu 16:4

Bi mɔgɔjuguw, Ala kanblabagaw ko o b’a fɛ ka tagamasiyɛn dɔ le ye. Tagamasiyɛn wɛrɛ tɛna kɛ o ye ni cira Yunusu ta tagamasiyɛn tɛ!» Yesu ka o fɔ minkɛ, a bɔra o kɔrɔ ka taga.

Matiyu 26:55

O wagati ra, Yesu ko jama ma ko: «Aw nana ne kɔ ni berew ni kɛrɛkɛmuruw ye ko aw bɛna ne mina, k’a kɛ i ko ne ye benkannikɛbaga le ye. K’a sɔrɔ ne tun bɛ sigi ka mɔgɔw karan Alabatosoba kɔnɔ lon bɛɛ, aw ma se ka ne mina.

Yuhana 12:40

«Ala ka o ɲa fiyen, ka o jusukun fana gbɛlɛya, janko o ɲa kana yeri kɛ, o jusukun kana faamuri kɛ, janko o kana na ale fɛ, janko ale ye o kɛnɛya.»

Kɛwalew 11:26

A ka Sɔli ye minkɛ, a nana ni a ye Antiyɔsi. O ka san kelen dafanin kɛ, o bɛ to ka taga lajɛn ni lanabagaw ye; o ka mɔgɔ caman karan Matigi ta sira ra. Ka lanabagaw wele ko Kirisita* ta mɔgɔw, o dabɔra Antiyɔsi ta lanabagaw le ra.

Kɛwalew 14:4

Jama nana taran dugu kɔnɔ: dɔw kɛra ni Yahudiyaw ye, dɔw kɛra ni ciradenw* ye.

Kɛwalew 17:4

Yahudiya dɔw k’a ye ko o kuma ye can ye, olugu fana lara Yesu ra ka fara Pɔli ni Silasi kan. Gɛrɛki Alaɲasiranbaga caman fana lara Yesu ra, ani musotɔgɔbatigi caman.

Kɛwalew 19:23

Ayiwa, o wagati ra mankanba dɔ wurira Matigi ta sira ko ra.

Kɛwalew 19:30

Pɔli yɛrɛ fana tun b’a fɛ ka taga jama kɔ, nka lanabagaw ma sɔn.

Kɛwalew 20:31

O ra, aw ye aw yɛrɛ cogoya lɔn; aw ye aw hakiri to a ra ko ne ka san saba kɛ aw cɛ ra, ka aw bɛɛ kelen kelen ladi su ni tere, fɔ ka ɲaji bɔ aw kosɔn.

Kɛwalew 22:4

Mɔgɔ minw bɛ nin sira kan, ne ka olugu tɔɔrɔ fɔ ka dɔw faga, ka o siri ka o bla kaso ra, cɛ fara muso kan.

Kɛwalew 24:21

Ka ne lɔnin to o ɲa fɛ, ne kumana ni kanba ye, ka nin kuma kelen le fɔ ko: ‹Ne lanin b’a ra ko suw bɛna kunu ka bɔ saya ra lahara, o le ka ne bla kiti ra aw ɲa fɛ bi.› »

Kɛwalew 28:22

Nka an b’a fɛ ka i yɛrɛ lamɛn, ka i ta miiriya lɔn; sabu an k’a lɔn ko mɔgɔw wurira nin sira kama yɔrɔ bɛɛ ra.»

Kɛwalew 7:51

«Ayiwa, aw mɔgɔ murutininw, mɔgɔ jusukungbɛlɛnw, ani mɔgɔ torokungbɛlɛnw, aw bɛ Nin Saninman* sɔsɔ tuma bɛɛ, aw ni aw bɛmaw bɛɛ ka kan.

Kɛwalew 9:2

ko a ye sɛbɛ dɔ di ale ma; a tun b’a fɛ ka taga o sɛbɛ di Yahudiyaw ta karanso kuntigiw ma Damasi dugu kɔnɔ, janko ni a ka mɔgɔ o mɔgɔ sɔrɔ yi min bɛ o sirakura kan, cɛ fara muso kan, a ye o bɛɛ mina ka o siri ka na ni o ye Zeruzalɛmu.

Rɔmukaw 11:7

Ayiwa, o kɔrɔ le ye di? Izirayɛlimɔgɔw tun bɛ min ɲinina, o ma o sɔrɔ; Ala ka minw ɲanawoloma, olugu le ka o sɔrɔ. Tɔw jusukun gbɛlɛyara.

Rɔmukaw 9:18

O kosɔn ni Ala b’a fɛ ka hina min na, a bɛ hina o ra; ni a b’a fɛ ka min jusukun gbɛlɛya, a bɛ o jusukun gbɛlɛya fana.

Kor fɔlɔ 16:9

Sabu sigiya t’a ra, Ala ka sira dayɛlɛ ne ye baaraba dɔ kama; ne kɛrɛbagaw fana ka ca.

Tim fɔlɔ 6:5

ani sɔsɔri dablabariw. O mɔgɔw hakiri cɛnna, o tɛ can lɔn tuun; o bɛ Alako kɛ naforoɲinisira le ye.

Tim 2nan 1:15

I yɛrɛ k’a lɔn ko lanabaga minw bɛ Azi mara ra, olugu bɛɛ tagara ka ne to ne kelen na; Fijɛli ni Erimojɛni fana bɛ o mɔgɔw ra.

Tim 2nan 3:5

ka o yɛrɛ kɛ Alaɲasiranbaga ye mɔgɔw ɲa kɔrɔ, k’a sɔrɔ Alaɲasiran baraka ye min, ye o bɛna ban o ma. I yɛrɛ mabɔ o mɔgɔw ra pewu!

Tim 2nan 4:2

ko i ye Ala ta Kuma waajuri kɛ, k’a fɔ, ka sinsin a kan wagati bɛɛ, wagatiɲumanw, ani wagatigbɛlɛnw na, ka mɔgɔw lateren, ka o jaraki, ka o ladi, ka o karan ni muɲuriba ye.

Heburuw 3:13

Nka Ala ka «bi» min ko fɔ, ka aw to o ra, aw ye ɲɔgɔn ladi lon o lon, janko jurumun kana kɛ sababu ye ka aw lafiri ka aw jusukun gbɛlɛya.

Piy 2nan 2:12

Nka o mɔgɔw kɔni bɛ i ko kongosogo hakirintanw, minw danna minari ni fagari kama; o ma fɛn minw lɔn, o bɛ o le mafiyɛnya. O yɛrɛ ta kojugu le bɛna o halaki.

Piy 2nan 2:2

Mɔgɔ caman bɛna tugu o kɔ ka o ta ko saninyabariw ɲɔgɔn kɛ; olugu ta tagamacogo kosɔn, mɔgɔw bɛna Ala ta can sira mafiyɛnya.

Zude 1:10

Nka o karamɔgɔw kɔni, olugu tɛ ko minw lɔn, o bɛ kumakolon fɔ o ma. K’a sɔrɔ o ka ko minw lɔn o yɛrɛ ma, i n’a fɔ bɛgan hakirintanw, o le bɛ kɛ sababu ye ka o halaki.