Kɛwalew 17:26 - Jula NT of Côte d’Ivoire

²⁶ A ka siyaw bɛɛ dan ka bɔ mɔgɔ kelen na, ka o sigi dugukolo fan bɛɛ ra, ka o ta wagati dantigɛ, ka o sigiyɔrɔw danw yira o ra.

ALA KA KUMA

²⁶ Siyaw bɛɛ bɔra mɔgɔ kelen na a ye min dan. A ye siya nunu bɛɛ ka sigiyɔrɔw daan tigɛ, k'u sii sabaticogo fana daan tigɛ.

LAYIDUKURA

²⁶ Siyaw bɛɛ bɔra mɔgɔ kelen na a y'o min dan. A y'o siya nunu bɛɛ ka sigiyɔrɔw daan tigɛ, k'u ka sii sabaticogo fana daan tigɛ.

Kɛwalew 17:26 Iomraidhean Croise

Damina 3:20

Ayiwa, Adama k’a muso tɔgɔ la ko Awa, sabu ale le kɛra mɔgɔw bɛɛ bamuso ye.

Damina 9:19

Nuho dencɛ saba le bɛ olugu ye. Dugukolo siyaw bɛɛ bɔra olugu ta durujaw le ra.

Ayuba 12:23

A bɛ siyaw bonya, o kɔ, a bɛ o halaki; a bɛ o caya, o kɔ, a bɛ o janjan.

Ayuba 14:5

I n’a fɔ i ka adamaden si teredaw latigɛ ka ban, ani a karodaw, ka dan sigi a si ra, a tɛ se ka tɛmɛ min kan,

Zaburu 31:15

Nka ne kɔni jigi bɛ ele le kan, Matigi Ala; ne ko: «Ele le ye ne ta Ala ye!»

Zaburu 74:17

Ele le ka dugukolo danw bɛɛ sigi, ele le ka samiya ni teremana wagatiw latigɛ.

Ezayi 14:31

Dugu donda, ele ye maɲumankokanw fɔ! Dugu, ele ye kule! Filisi jamana bɛɛ lajɛnnin baraka ye ban, sabu sisi finman dɔ bɛ wurira ka na ka bɔ sahiliyanfan fɛ; o mɔgɔw ta kɛrɛkɛjama ra, cɛ si tɛ to kɔ.

Ezayi 34:17

Ale yɛrɛ le ka o bɛɛ ninyɔrɔ di o ma, a yɛrɛ boro le ka nin dugukolo suma k’a di o ma; a bɛna kɛ o ta ye tuma bɛɛ, o bɛna sigi a kɔnɔ wagati bɛɛ, ani tuma bɛɛ.

Ezayi 45:21

«Aw ye gbara ka na aw ta fɔ, aw bɛɛ ye lajɛn ka na sigi ka kuma. Jɔntigi le ka nin kow fɔ kabini wagatijan? Jɔn le k’a lase kabini fɔlɔfɔlɔ? Ne tɛ wa, ne Matigi Ala? Ni ne tɛ, Ala wɛrɛ tɛ yi min terennin lo, min bɛ mɔgɔ kisi; ni ne tɛ, dɔ wɛrɛ tɛ yi.

Yeremi 27:5

‹Ne Ala le ka dugukolo dan, ani adamadenw ni bɛgan minw bɛ dugukolo kan; ne ka o dan ne ta sebagayaba ni ne ta fanga sababu ra. Ni mɔgɔ min ka ne diya, ne bɛ o fɛnw tigiya di o tigi le ma.

Daniyɛli 11:27

O kɔ, o masacɛ fla bɛna sigi ka domuni kɛ ɲɔgɔn fɛ. Nka juguya le bɛna kɛ o bɛɛ jusukun na ɲɔgɔn kama; o ra, o bɛna kuma nka o si tɛna gbɛ ɲɔgɔn ye. O ta ɲɔgɔnye tɛna foyi ɲa, sabu o ta miiriya ra o tun b’a fɛ ka min kɛ, o wagati ma se fɔlɔ.

Daniyɛli 11:35

O kolɔnbaga minw tugura Ala kɔ, o bɛna olugu dɔw faga. Olugu ta saya le bɛna kɛ sababu ye, ka Ala ta mɔgɔw saninya, ka o gbɛ, fɔ ka taga wagati laban se; sabu wagati min latigɛra, o ma se ban.

Malaki 2:10

O tuma an bɛɛ tɛ facɛ kelen le ra wa? Ala kelen le ma an bɛɛ dan wa? Mun na an bɛ ɲɔgɔn janfara, ka an bɛmaw ni Ala ta jɛnɲɔgɔnya* cɛn?

Kɛwalew 14:17

O bɛɛ n’a ta, Ala tun bɛ a yɛrɛ yira o ra ni kɛwaleɲuman caman ye: a bɛ sanji di aw ma ka bɔ sankolo ra, ka aw ta simanw ɲa a wagati ra, ka aw ta domuniw caya, ka hɛra ni ninsɔndiya di aw ma.»

Kɛwalew 15:18

Matigi ka o le fɔ. Ale le ka o kow yira kabini wagatijan.›

Kor fɔlɔ 15:22

Mɔgɔ bɛɛ bɛ sa, sabu o bɔra Adama ra; o cogo ra fana bɛɛ bɛna ɲanamanya kokura Kirisita sababu ra.

Kor fɔlɔ 15:47

Adama, min kɛra mɔgɔ fɔlɔ ye, ale bɔra dugukolo bɔgɔ ra; ale kɛra dugukolo ta fɛn le ye. Nka tɔ kelen, Kirisita, ale bɔra sankolo ra.

Heburuw 2:3

Ayiwa, anw fana bɛna bɔsi cogo di, ni an ka nin kisiriba kɛ borokɔfɛfɛn ye? Matigi yɛrɛ le kɔnna ka o kisiri ko fɔ; o kɔ, minw ka a lamɛn, olugu k’a fɔ an ye k’a gbɛya.