Kɛwalew 17:11 - Jula NT of Côte d’Ivoire

¹¹ Bere ta Yahudiyaw kɔnɔ tun ka ɲi ka tɛmɛ Tesaloniki taw kan pewu. Ala ta Kuma lamɛnni tun ka di o ye haali. Pɔli ni Silasi tun bɛ fɛn o fɛn fɔ o ye, olugu yɛrɛ tun bɛ o sɛgɛsɛgɛ lon o lon k’a flɛ ni a bɛnnin lo ni ciraw ta kuma ye.

ALA KA KUMA

¹¹ Olu ka koo tun ka di ni Tesaloniki zuwifuw ta ye. U sɔnna Ala ka kuma ma ni dusuɲuman ye. Loon o loon, u tun be ɲɔgɔn fɛ ka to ka Ala ka kuma sɛgɛsɛgɛ k'a filɛ ni Pɔli ka kuma nunu ye tiɲɛ ye.

LAYIDUKURA

¹¹ Olu ka koo tun ka di ni Tesaloniki Zuwifuw ta ye. U sɔnna Ala ka kuma ma ni dusunyuman ye. Loon o loon, u tun bɛ nyɔgɔn fɛ ka to ka Ala ka kuma sɛgɛsɛgɛ k'a filɛ ni Pɔli ka kuma nunu ye tinyɛ ye.

Kɛwalew 17:11 Iomraidhean Croise

Ayuba 23:12

Ne ma ne yɛrɛ mabɔ a kumakan na; a da ka kuma min fɔ, ne ka ne yɛrɛ sago to yi ka o le kɛ.

Zaburu 119:100

Ne bɛ faamuri kɛ ka tɛmɛ cɛkɔrɔbaw kan, sabu ne bɛ i ta sariya ta kumaw mara.

Zaburu 119:148

Ne ɲadenw bɛ yɛlɛ k’a sɔrɔ dugu ma gbɛ ban; ne bɛ to ka miiri i darakumaw ra.

Zaburu 119:97

E, ne bɛ i ta sariya kanu dɛ! Ne ta miiriya bɛ o le kan wagati bɛɛ.

Zanaw 1:5

Hakiritigiw fana y’a lamɛn, ka dɔ fara o ta lɔnni kan; faamurikɛbagaw y’a lamɛn, janko ka o tagamacogo lɔn.

Zanaw 8:10

Aw ye kɛ ne ta ladirikan fɛ ka tɛmɛ hali wari kan, lɔnniya ka fisa ni sanin bɛɛ ra ɲumanman ye.

Zanaw 9:9

Hakiritigi karan, ni o kɛra, dɔ bɛ fara a ta hakiritigiya kan; lɔnniya yira mɔgɔ terennin na, ni o kɛra, dɔ bɛ fara a ta lɔnni kan.

Ezayi 34:16

Aw ye Matigi Ala ta kitabu ta, k’a karan; a fɔra ko: Ni bɛganw si tɛna fɔn yi, o si tɛna fɔn o jɛnɲɔgɔn na yi; sabu Matigi Ala yɛrɛ da le kumana o fɛ, a yɛrɛ nin le ka o lajɛn.

Ezayi 8:20

«Ala ta sariya ni a ta jɛnɲɔgɔnya* kumaw, an ka kan ka o sira le tagama!» Ni aw m’a fɔ ten, o tuma jamana mɔgɔw tɛna dugugbɛ sɔrɔ ka ye.

Yeremi 2:21

K’a sɔrɔ ne tun ka aw turu i ko rɛzɛnsunɲuman, min ju tun bɔra rɛzɛnsun ɲanaman na. Aw nana kɛ cogo di ka cɛn, ka kɛ rɛzɛnsunjugu ye?

Matiyu 13:23

Simankisɛ minw benbenna dugukoloɲuman na, o kɔrɔ ye mɔgɔ min bɛ Ala ta Kuma lamɛn, ka a faamu. A bɛ i ko siman min bɛ den; dɔ bɛ den kɛmɛ kɛ, dɔ biwɔɔrɔ, dɔ bisaba.»

Luka 1:2

Mɔgɔ minw ka Yesu ta kow ye o ɲa ra kabini a damina ra, ani Ala ta Kuma waajuri baara karifara o ma, olugu ka o kow lakari an ye cogo min na, a sɛbɛbagaw ka a sɛbɛ ka kaɲa ni olugu ta kuma le ye fana.

Luka 11:3

An ta lon o lon domuni di an ma.

Luka 16:29

Iburahima k’a jaabi ko: ‹Cira Musa ta sariya* kitabu kumaw bɛ o fɛ yi, ani cira tɔw ta kumaw; o ye o lamɛn.›

Luka 24:44

O kɔ, a k’a fɔ o ye ko: «Wagati min na ne tun bɛ ni aw ye, ne tun ka o le fɔ aw ye; ko fɛn o fɛn sɛbɛra ne ta ko ra cira Musa ta sariya* ra, ani cira tɔw ta kitabuw ra, ani Zaburuw kitabu ka min fɔ ne ta ko ra, o kow bɛɛ tun ka kan ka kɛ.»

Yuhana 3:21

Nka mɔgɔ min bɛ can kan, o tigi bɛ a ta kow kɛ kɛnɛ kan, janko bɛɛ ye a ye ka a lɔn ko a bɛ tagama Ala ta sira le kan.»

Yuhana 5:39

Aw bɛ aw timinadiya Ala ta Kitabuw karan na kosɛbɛ, sabu aw bɛ miiri ko aw bɛna ɲanamanya banbari sɔrɔ o le ra, k’a sɔrɔ o Kitabu kelenw le bɛ seereya kɛ ne ta ko ra.

Kɛwalew 10:33

O yɔrɔnin kelen bɛɛ ne ka mɔgɔ dɔw ci ka taga i wele; i nako ɲana. Ayiwa, sisan an bɛɛ lajɛnnin flɛ yan Ala ɲa kɔrɔ; Matigi ka fɛn o fɛn yira i ra, an b’a fɛ ka o lamɛn.»

Kɛwalew 11:1

Ciradenw* ni lanabaga minw bɛ Zude, olugu k’a mɛn ko siya wɛrɛ mɔgɔw* fana sɔnna Ala ta Kuma ma.

Kɛwalew 17:1

Ayiwa, Pɔli ni Silasi tɛmɛna Anfipolisi, ani Apoloni fɛ, ka taga se Tesaloniki; Yahudiyaw ta karanso dɔ tun bɛ o dugu ra.

Kɛwalew 2:41

Mɔgɔ minw sɔnna Ala ta Kuma ma, o ka olugu bɛɛ batize. O lon na, mɔgɔ minw farara lanabagaw kan, o tun bɛ mɔgɔ waga saba bɔ.

Tes fɔlɔ 1:6

Aw kɔni kɛra an ladegibagaw ye, ani Matigi yɛrɛ ladegibagaw; sabu aw ka tɔɔrɔ caman le sɔnmina ka sɔn Ala ta kuma ma, fɔ ka ɲagari Nin Saninman baraka ra.

Tes fɔlɔ 2:13

An bɛ baraka la Ala ye fana tuma bɛɛ, sabu an ka Ala ta Kuma min fɔ aw ye, aw ma o mina i ko mɔgɔw ta kuma, nka a bɛ cogo min na, aw k’a mina ten, k’a lɔn ko Ala ta Kuma lo, ko o le bɛ se ka baraka don aw lanabagaw ra.

Tes 2nan 2:10

A bɛna kojugu suguya bɛɛ kɛ, janko mɔgɔ minw ka kan ka halaki, ka olugu lafiri. O mɔgɔw bɛna halaki, sabu can min tun bɛ se ka o kisi, o ma sɔn o ma, a fana ma diya o ye.

Yakuba 1:21

O kosɔn aw ye ko saninyabariw bɛɛ dabla, ani juguya suguya bɛɛ. Ala ta kuma min danna aw jusukun na, aw ye sɔn o ma ni yɛrɛmajigiya ye; o le bɛ se ka aw nin kisi.

Piy fɔlɔ 2:2

Nɔnɔ nege bɛ denɲɛnin sɔrɔ cogo min na, aw y’a to Ala ta Kuma min bɛ i ko nɔnɔ saninyanin, o nege ye aw sɔrɔ ten, janko o sababu ra aw ye baraka sɔrɔ lanaya ra ka kisi.