Kɛwalew 15:18 - Jula NT of Côte d’Ivoire

¹⁸ Matigi ka o le fɔ. Ale le ka o kow yira kabini wagatijan.›

ALA KA KUMA

¹⁸ bari o koo lɔnnin lo kabini fɔlɔ.›

LAYIDUKURA

¹⁸ bari o koo lɔnnin lo kabini fɔlɔ.’

Kɛwalew 15:18 Iomraidhean Croise

Ezayi 44:7

Jɔntigi le bɛ i ko ne, o tigi ye kuma ta! A ye kuma, k’a fɔ ne ye; ko minw kɛra kabini ne ta mɔgɔw sigiwagati ra fɔlɔfɔlɔ, ko nataw, ani ko minw bɛna kɛ o kɔ fɛ, a ye o fɔ!

Ezayi 45:21

«Aw ye gbara ka na aw ta fɔ, aw bɛɛ ye lajɛn ka na sigi ka kuma. Jɔntigi le ka nin kow fɔ kabini wagatijan? Jɔn le k’a lase kabini fɔlɔfɔlɔ? Ne tɛ wa, ne Matigi Ala? Ni ne tɛ, Ala wɛrɛ tɛ yi min terennin lo, min bɛ mɔgɔ kisi; ni ne tɛ, dɔ wɛrɛ tɛ yi.

Amɔsi 9:12

Ni o kɛra, Edɔmu jamana tɔ bɛna kɛ o ta ye tuun, ani ne tɔgɔ tun bɛ siya minw bɛɛ kan. Matigi Ala ko ten, ale le ye o kow kɛbaga ye.

Jakariya 14:7

O lon bɛna kɛ a damannalon le ye. Matigi Ala kelenpe le ka o lon lɔn. Wagati bɛna cinjan, a tɛna kɛ tere ye, a fana tɛna kɛ su ye; tere bɛna bɔ su ta wagati ra.

Jateri 23:19

Ala tɛ i ko mɔgɔw, k’a fɔ ko a bɛ faninya tigɛ. A tɛ i ko adamaden, k’a fɔ ko a bɛ ko kɛ, ka nimisa. Yala Ala bɛ ko dɔ fɔ, ni a tɛ a kɛ wa? A bɛ ko layiri ta, ni a tɛ a dafa wa?

Matiyu 13:35

O cogo ra Ala ta cira ka kuma min fɔ, o kɛra can ye, ko Ala ko: «Ne bɛna ne da yɛlɛ ka talenw le fɔ; ko minw dogonin bɛ kabini dunuɲa danwagati, ne bɛna o fɔ.»

Matiyu 25:34

«Minw bɛ a kininboroyanfan fɛ, Masacɛ bɛna a fɔ olugu ye ko: ‹Aw ye na, ne Fa Ala ta baraka bɛ aw minw kan. Ala ka Masaya* min labɛn kabini dunuɲa jusigiwagati ra, aw ye o Masaya cɛn ta.

Kɛwalew 17:26

A ka siyaw bɛɛ dan ka bɔ mɔgɔ kelen na, ka o sigi dugukolo fan bɛɛ ra, ka o ta wagati dantigɛ, ka o sigiyɔrɔw danw yira o ra.

Ɛfɛsikaw 1:11

Yesu Kirisita le kosɔn fana Ala ka an ɲanawoloma ka an kɛ a ta ye; ale Ala min bɛ fɛn bɛɛ kɛ ka kaɲa ni a sago ye, ale le tun ka o latigɛ kakɔrɔ kabini wagatijan,

Ɛfɛsikaw 1:4

Sabu sani dunuɲa ye dan, Ala tun ka an ɲanawoloma ka ban ka an don Kirisita ta jɛnɲɔgɔnya ra, janko an ye saninya, jarakiyɔrɔ si kana sɔrɔ an na a ɲa kɔrɔ.

Ɛfɛsikaw 3:9

a ko ne ye o gundoko yira kɛnɛ kan, janko bɛɛ ye a lɔn. Ala min ka fɛn bɛɛ dan, a tun ka o gundo dogonin to, kabini dunuɲa ma dan fɔlɔ;

Tes 2nan 2:13

An balemaw, Matigi ta mɔgɔ kanuninw, anw kɔni ka kan ka baraka la Ala ye aw kosɔn wagati bɛɛ, sabu Ala ka aw ɲanawoloma ka aw kɛ mɔgɔ fɔlɔw ye, ka aw kisi Nin Saninman* ta saninyari sababu ra, ani aw ta lanaya ta can sababu ra.

Piy fɔlɔ 1:20

Ala tun kɔnna ka Kirisita ta ko latigɛ k’a bla, sani dunuɲa ye dan; nin wagati laban le ra sisan, a nana aw kosɔn.

Yirari 13:8

Dugukolo mɔgɔw bɛɛ bɛna wara bato, o mɔgɔ minw tɔgɔ ma sɛbɛ kabini dunuɲa jusigiwagati ra Sagaden faganin ta ɲanamanya kitabu kɔnɔ.

Yirari 17:8

I ka wara min ye, o wara tun bɛ yi fɔlɔfɔlɔ, nka sisan a tɛ yi tuun. A bɛna yɛlɛn ka bɔ jahanama kɔnɔ ka taga halaki le. Dugukolo mɔgɔ minw tɔgɔ tun ma sɛbɛ ɲanamanya kitabu kɔnɔ kabini dunuɲa danwagati ra, ni olugu nana wara ye, o bɛna kabakoya, sabu a tun bɛ yi fɔlɔfɔlɔ, sisan a tɛ yi tuun, nka a bɛna bɔ tuun kokura.