Kɛwalew 13:32 - Jula NT of Côte d’Ivoire

³² Ala tun ka o Kibaro Diman* min layiri ta an bɛmaw ye, anw yɛrɛ nakun ye aw fɛ yan ka na o le fɔ aw ye.

ALA KA KUMA

³² «Anw fana b'o kibaru diman nin fɔ aw ye ko Ala tun y'a daa di an bɛmaw ma koo min na,

LAYIDUKURA

³² “Anw fana b'o kibaru diman nin fɔ aw ye ko Ala tun y'a daa di an bɛmaw ma koo min na,

Kɛwalew 13:32 Iomraidhean Croise

Damina 12:3

Ni mɔgɔ minw ka i minako ɲa, ne bɛna baraka don olugu ra. Ni mɔgɔ min ka i minako juguya, ne bɛna o tigi danga. Dugukolo gbaw bɛɛ bɛna baraka sɔrɔ ne Ala fɛ, ele le sababu ra.»

Damina 22:18

Dugukolo siyaw bɛɛ bɛna baraka sɔrɔ ne fɛ ele ta duruja baraka le ra, sabu i sɔnna ka ne kan mina.› »

Damina 26:4

Ne bɛna i ta duruja caya, k’a kɛ i ko lolow ka ca cogo min na. Ne bɛna nin mara bɛɛ di i ta duruja ma. Dugukolo siyaw bɛɛ bɛna baraka sɔrɔ ne fɛ ele ta duruja sababu le ra,

Damina 3:15

Ne bɛna juguya le bla ele ni muso cɛ, ka o juguya kelen bla i ta duruja ni muso ta duruja cɛ. Ni o ka i sɔrɔ, o bɛ i kun ci; ni ele fana ka o sɔrɔ, i bɛ o kin o senju ra.»

Damina 49:10

Masacɛbere tɛna mabɔ Zuda ta gba ra fiyewu. Kuntigiya bere tɛna bɔ a boro ka ye, fɔ ka taga se kotigi yɛrɛ nawagati ma. Siyaw bɛɛ bɛna o yɛrɛ majigi ale le ye.

Ezayi 11:1

Ayiwa, yiriborokura bɛna bɔ Yese ta yiriju ra, falenkun dɔ bɛna bɔ a lilinw na, ka den kɛ.

Ezayi 40:9

Ele ye yɛlɛn kuru jamijan kan, ele Siyɔn dugu, dugu kibarodimanfɔbaga; ele ye i kan kɔrɔta ni baraka ye, ele Zeruzalɛmu, dugu kibarodimanfɔbaga. Ele ye i kan kɔrɔta, aw kana siran; ele y’a fɔ Zuda mara ta duguw ye ko o ta Ala ye nin ye!

Ezayi 41:27

Nka ne le kɛra mɔgɔ fɔlɔ ye k’a fɔ Siyɔn dugu ye ko: «O ye nin ye, o natɔ ye nin ye!» Ne ka kibarodimanfɔbaga dɔ ci Zeruzalɛmu.

Ezayi 52:7

Minw bɛ na ni kibaro dimanw ye, olugu nacogo ka ɲi kuruw kunna; minw bɛ hɛra kibaro lase, minw bɛ koɲuman kibaro fɔ, minw bɛ kisiri ko fɔ, k’a fɔ Siyɔn dugu ye ko: «Aw ta Ala le masa ye!»

Ezayi 61:1

Dunuɲatigi Ala Nin bɛ ne kan; sabu ale Matigi Ala ka ne ɲanawoloma, ka ne ci ka taga kibaro diman fɔ ɲanibagatɔw ye, ka mɔgɔ jigi tigɛninw jigi tugu, ka mɔgɔ minaninw kunmabɔri ko fɔ o ye, ka kasodenw lablari ko fɔ o ye,

Ezayi 7:14

Ayiwa, o kosɔn Matigi yɛrɛ bɛna tagamasiyɛn dɔ yira aw ra: Sunguru bɛna kɔnɔ ta ka dencɛ woro, k’a tɔgɔ la ko Emanuwɛli.

Yeremi 23:5

A flɛ, lon dɔ bɛna se, Matigi Ala ko ten, ne bɛna mɔgɔ terennin dɔ lawuri Dawuda ta duruja ra, min bɛna sigi masaya ra ka mɔgɔw mara ni hakiri ye, ka can ni terenninya ladon jamana kɔnɔ.

Ezekiyɛli 34:23

Ne bɛna bɛgankɔrɔsibaga kelenpe le sigi o kunna, min ye ne ta jɔncɛ Dawuda ye. Ale bɛna a janto o ra, ka kɛ o kɔrɔsibaga ye.

Mise 5:2

O kosɔn Ala bɛna a ta mɔgɔw to o kelen na, fɔ muso min ka kan ka den woro, o ye den woro, ani a balema tɔw ye sekɔ ka taga fara Izirayɛlimɔgɔw kan.

Hagize 2:7

ne bɛna siyaw bɛɛ yuguyugu, ka siyaw ta naforow bɛɛ lana. Ne bɛna nin batoso fa nɔɔrɔ ra. Fangatigi Ala ko ten.

Jakariya 13:1

«O lon na, bunun dɔ bɛna dayɛlɛ Dawuda ta somɔgɔw, ani Zeruzalɛmukaw bɛɛ kosɔn, janko ka o saninya ka bɔ o ta jurumunw ni o ta ko saninyabariw bɛɛ ra.

Jakariya 13:7

«Kɛrɛkɛmuru, i wuri ne ta sagagbɛnbaga kama! I wuri ne jɛnɲɔgɔn kama! Fangatigi Ala ko ten! Sagagbɛnbaga faga, k’a to sagaw ye yɛrɛgɛ. Ne bɛna ben sagadenw kan.

Jakariya 6:12

O kɔ, i y’a fɔ a ye ko Fangatigi Ala ko: ‹Cɛ min tɔgɔ ye ko Yiri Falentɔ, o le ye nin ye; a bɛna to a nɔ ra ka falen, ka Matigi Ala ta batoso lɔ.

Jakariya 9:9

Aw ye ɲagari kosɛbɛ, Siyɔn dugumɔgɔw! Aw ye ɲagarikanbaw bɔ, Zeruzalɛmu dugumɔgɔw! A flɛ, aw ta masacɛ bɛ nana aw fɛ! A terennin lo, a ka se sɔrɔ; a majiginin yɛlɛnin bɛ fali le kan; a yɛlɛnnin bɛ faliden dɔ kan, falimuso ta falidennin.

Malaki 3:1

«A flɛ, ne bɛ ne ta ciraden ci, janko a ye sira labɛn ne ye. Ni o kɛra, aw bɛ Matigi min nawagati makɔnɔna, ale bɛna na ka bara aw ra, ka na don a ta batoso kɔnɔ. Ciraden min bɛna Ala ta jɛnɲɔgɔnya* ko fɔ, o ciraden min lɔgɔ bɛ aw ra, ale natɔ le flɛ nin ye! Fangatigi Ala ko ten.

Luka 1:19

Mɛlɛkɛ ka Jakariya jaabi k’a fɔ a ye ko: «Ne le ye Jibirili ye. Ne le bɛ Ala kɛrɛ fɛ ka to ka a ta baaraw kɛ. Ale le ka ne ci ka na kuma i fɛ ka nin kibaro diman fɔ i ye.

Luka 2:10

Nka mɛlɛkɛ k’a fɔ o ye ko: «Aw kana siran, ne nana ɲagarikoba kibaro diman le fɔ aw ye; o bɛna kɛ mɔgɔw bɛɛ ta ɲagariko le ye.

Kɛwalew 10:36

Ala ka a ta kuma lase Izirayɛlimɔgɔw ma, ka hɛra Kibaro Diman* fɔ o ye Yesu Kirisita baraka ra. Ale le ye mɔgɔ bɛɛ Matigi ye;

Kɛwalew 13:23

Ayiwa, Ala nana Kisibaga* di Izirayɛli ma ka bɔ Dawuda ta duruja le ra, i n’a fɔ a tun ka a layiri ta cogo min na; o le ye Yesu ye.

Kɛwalew 13:38

O le kosɔn, ne balemaw, aw ka kan k’a lɔn ko ale le baraka ra an bɛ jurumun yafa waajuri kɛ aw ye.

Kɛwalew 14:15

«An balemaw, mun kosɔn aw bɛ nin ko kɛra? Anw fana ye aw bɔɲɔgɔnko adamadenw le ye. An nana Kibaro Diman* le fɔ aw ye, ko aw ye faran o batori fufafuw ra ka yɛlɛma ka Ala ɲanaman bato, min ka sankolo ni dugukolo ni kɔgɔji dan, ani o kɔnɔfɛnw bɛɛ.

Kɛwalew 26:6

Nka sisan, Ala tun ka layiri min ta an bɛmaw ye, ne jigi bɛ o kan minkɛ, o le ka ne bla kiti ra bi.

Kɛwalew 3:19

O le kosɔn aw ye nimisa aw ta jurumun na, ka sɔn Ala ma, janko aw ta jurumunw ye ko ka bɔ yi.

Kɛwalew 5:42

O bɛɛ n’a ta, o tun bɛ mɔgɔw karan lon bɛɛ, Alabatosoba kɔnɔ, ani sow kɔnɔ, k’a fɔ o ye ko Yesu le ye Kisibaga ye.

Rɔmukaw 1:2

Ala tun ka o Kibaro Diman layiri ta kabini wagatijan; a ta ciraw tun ka o ko fɔ Kitabu saninmanw kɔnɔ.

Rɔmukaw 10:15

Mɔgɔ bɛna a waajuri kɛ cogo di, ni mɔgɔ ma ci a kama? I n’a fɔ a sɛbɛra Kitabu kɔnɔ cogo min na, ko: «Minw bɛ na ni kibaro dimanw ye, olugu nacogo ka ɲi.»

Rɔmukaw 4:13

Ala ka layiri min ta Iburahima ni a duruja ye ko dunuɲa bɛna kɛ o ta ye, o layiri ma ta sariya* sira tagama kosɔn; nka Ala ka a jate mɔgɔ terennin ye a ta lanaya kosɔn minkɛ, o le k’a to layiri tara a ye.

Rɔmukaw 9:4

Olugu le ye Izirayɛlimɔgɔw ye; Ala ka olugu le kɛ a ta mɔgɔw ye, ka nɔɔrɔ la o kan, ka jɛnɲɔgɔnya don ni o ye, ka a ta cifɔninw ani a batocogo yira o ra, ka layiriw ta o ye.

Sariya 18:15

Ayiwa, Matigi Ala, aw ta Ala bɛna cira dɔ lana aw ye ka bɔ aw yɛrɛ balemaw cɛ ra, i n’a fɔ ne; aw ka kan ka o cira lamɛn.