Kɛwalew 13:19 - Jula NT of Côte d’Ivoire

¹⁹ O kɔ, a ka siya wolonfla halaki, ka o siyaw gbɛn ka bɔ Kanaana* jamana ra, ka o jamana di an bɛmaw ma, ka a kɛ o ta ye,

ALA KA KUMA

¹⁹ O kɔ, a ye siya wolonwula halaki Kanaan jamana na, ka olu ka dugukolo di an bɛmaw ma.

LAYIDUKURA

¹⁹ O kɔ, a ye siya wolonwula halaki Kanaan jamana na, ka olu ka dugukolo di an bɛmaw ma.

Kɛwalew 13:19 Iomraidhean Croise

Damina 12:5

Iburama k’a muso Sarayi ta, ani a kɔrɔcɛ dencɛ Lutu, ani a borofɛnw bɛɛ, ani a ta baaradenw bɛɛ, ani a tun ka fɛn o fɛn sɔrɔ Karan mara ra. O bɔra ka taga se Kanaana jamana ra.

Damina 17:8

I bɛ lonanya ra jamana min na bi, ne bɛna o jamana di i ma, ani i ta duruja minw bɛna na i kɔ fɛ. O ye Kanaana jamana bɛɛ ye; ne bɛna o di o ma, k’a kɛ o ta ye wagati bɛɛ; ne bɛna kɛ o ta Ala ye.»

Mas fɔlɔ 6:1

Izirayɛlimɔgɔw bɔnin kɔ Misiran, a san kɛmɛ naani ni biseeginan na, o san karo flanan, min ye Zivu karo ye, Sulemani ka Matigi Ala ta Alabatosoba baaraw damina; o kɛra a ta masaya san naaninan na Izirayɛli jamana kunna.

Nehemi 9:24

O denw tagara don o jamana ra k’a kɛ o ta ye. Kanaanaka minw tun siginin bɛ jamana kɔnɔ, i ka o Kanaanakaw bla o ta fanga kɔrɔ. I ka Kanaanakaw don o boro, olugu ni o ta masacɛw ni o jamana mɔgɔw, janko ni cogo min ka o diya, o ye o mina ten.

Zaburu 135:11

Amɔrikaw ta masacɛ Sihɔn, ani Basan masacɛ Ɔgi, ani Kanaanakaw ta masacɛw bɛɛ.

Zaburu 78:55

A ka siya dɔw gbɛn ka bɔ o ɲa, ka o siyaw ta jamana tarantaran k’a di Izirayɛlimɔgɔw ma k’a kɛ o ta ye; a ka Izirayɛli ta mɔgɔw sigi o siyaw ta sow kɔnɔ.

Ezayi 34:17

Ale yɛrɛ le ka o bɛɛ ninyɔrɔ di o ma, a yɛrɛ boro le ka nin dugukolo suma k’a di o ma; a bɛna kɛ o ta ye tuma bɛɛ, o bɛna sigi a kɔnɔ wagati bɛɛ, ani tuma bɛɛ.

Kɛwalew 7:45

O kɔ fɛ an bɛmaw nana o fanibon di o ta denw ma. Yosuwe le kɛra olugu ɲamɔgɔ ye ka taga ni o fanibon ye siya wɛrɛw ta jamana ra; Ala tun ka o siyaw gbɛn ka bɔ o ta jamana ra, k’a di Izirayɛlimɔgɔw ma. Fanibon tora o fɛ fɔ ka na se Dawuda ta wagati ma.

Sariya 7:1

Ayiwa, aw bɛna taga jamana min mina k’a kɛ aw ta ye, Matigi Ala, aw ta Ala le bɛna aw ladon o jamana ra. A bɛna siya caman gbɛn ka bɔ aw ɲa: Hɛtikaw, ani Girigasikaw, ani Amɔrikaw, ani Kanaanakaw, ani Perezikaw, ani Hevikaw, ani Yebusikaw; o ye siya wolonfla ye, minw ka ca ni aw ye, o baraka fana ka bon ni aw ta ye.

Yosuwe 14:1

Kanaana jamana min bɛ Zuridɛn terebenyanfan na, o taranna cogo min na k’a di Izirayɛlimɔgɔw ma, o le ye nin ye. Sarakalasebaga Elehazari ni Nuni dencɛ Yosuwe ni Izirayɛli ta gbatigiw, olugu le ka jamana taran o cɛ.

Yosuwe 18:10

Ayiwa, Yosuwe ka Matigi Ala ɲininka o ye Silo dugu kɔnɔ, janko yɔrɔ min ka kan ka di min ma, a ye o yira. O kɔ, a ka jamana tarantaran Izirayɛlimɔgɔw cɛ, ka gba bɛɛ ta yɔrɔ di a ma.

Yosuwe 19:51

Sarakalasebaga Elehazari, ani Nuni dencɛ Yosuwe, ani Izirayɛli ta gbatigiw ka kara le la ka jamana tarantaran Izirayɛlimɔgɔw ra, k’a kɛ ni Matigi Ala ka yɔrɔ min yira, ko a ye di min ma, o bɛ o di o ma. O ka o kɛ Silo dugu kɔnɔ, Matigi Ala ɲa kɔrɔ, Ɲɔgɔnkunbɛn fanibon saninman* donda ra. O ka jamana bɛɛ taran ka ban o cogo le ra.

Yosuwe 23:4

Ayiwa, a flɛ, ne ka jamana minw kɛrɛ ka se sɔrɔ o kan ka o mina, ani jamana minw tora ni o ma mina fɔlɔ, ne ka o jamanaw bɛɛ taran Izirayɛlimɔgɔw ra; ni Matigi Ala ka yɔrɔ min yira ko a ye di min ma, ne bɛ o di o ma, gba bɛɛ ni a ta yɔrɔ, k’a damina Zuridɛn ba ra, terebɔyanfan na, ka taga a bla fɔ Kɔgɔjiba ra terebenyanfan na.

Yosuwe 24:11

« ‹O kɔ, aw ka Zuridɛn ba tigɛ, ka taga se fɔ Zeriko dugu kɔrɔ. Zeriko dugumɔgɔw nana aw kɛrɛ, ani Amɔrikaw, ani Perezikaw, ani Kanaanakaw, ani Hɛtikaw, ani Girigasikaw, ani Hevikaw, ani Yebusikaw. Nka ne k’a to aw ka se sɔrɔ olugu bɛɛ kan.

Kititigɛbagaw 11:26

Izirayɛlimɔgɔw siginin bɛ Hɛsibɔn dugu ni a kɛrɛfɛduguw ra, ani Arowɛri ni a kɛrɛfɛduguw, ani dugu minw bɛɛ bɛ Arinɔn kɔda ra, nin ye a san kɛmɛ saba le ye. Mun kosɔn aw ma o gbɛn kabini o wagati ra?