Kɛwalew 12:7 - Jula NT of Côte d’Ivoire

⁷ Matigi ta mɛlɛkɛ dɔ donna kasobon kɔnɔ; yeelen dɔ manamanana kasobon kɔnɔ. Mɛlɛkɛ ka Piyɛri bugɔbugɔ a kɛrɛn na k’a lakunu, k’a fɔ a ye ko: «Wuri joona!» Nɛgɛjɔrɔkɔ tigɛra ka bɔ a boro ra ka ben dugu ma.

ALA KA KUMA

⁷ O tuma na, Matigi ka mɛlɛkɛ dɔ donna, o yɔrɔnin bɛɛ, kasobon kɔnɔna bɛɛ sinna ka kɛ yeelenba ye. Mɛlɛkɛ ye Piyɛri gosi a gɛrɛn na ko a ka wili joona. Jɔrɔkɔ nunu tigɛra ka bɔ a bolow la o yɔrɔnin bɛ.

LAYIDUKURA

⁷ O tuma na Matigi ka mɛlɛkɛ dɔ donna, o yɔrɔnin bɛ, kasobon kɔnɔna bɛɛ sinna ka kɛ yeelenba ye. Mɛlɛkɛ ye Piyɛri gosi a gɛrɛn na ko a ka wili joona. Jɔrɔkɔ nunu tigɛra ka bɔ a bolow la o yɔrɔnin bɛ.

Kɛwalew 12:7 Iomraidhean Croise

Sam 2nan 22:29

Can lo, Matigi Ala, ele le ye ne ta lanpan ye; Matigi Ala bɛ ne ta dibi kɛ yeelen ye.

Mas fɔlɔ 19:5

A ka o fɔ minkɛ, a lara o yiri jukɔrɔ yi ka sunɔgɔ. O yɔrɔnin bɛɛ ra, mɛlɛkɛ dɔ nana maga a ra, k’a fɔ a ye ko: «Wuri ka domuni kɛ!»

Mas fɔlɔ 19:7

Matigi Ala ta mɛlɛkɛ nana a siɲaga flanan na, ka na maga a ra tuun, k’a fɔ a ye ko: «Wuri ka domuni kɛ, sabu sira ka jan.»

Zaburu 107:14

A ka o labɔ dibi ra, saya dibi ra, ka o ta sirinanw tigɛtigɛ ka bɔ o ra.

Zaburu 116:16

E, Matigi Ala, ne ye i ta jɔn le ye, ne ye i ta jɔn le ye, ne ye i ta jɔnmuso dencɛ le ye. Ele le ka ne bɔsi ka bɔ ne ta sirinanw bɛɛ ra.

Zaburu 146:7

A bɛ kiti tigɛ ka mɔgɔ tɔɲɔninw ta jo di o ma, a bɛ domuni di kɔngɔtɔw ma; Matigi Ala bɛ mɔgɔ minaninw labla.

Zaburu 34:7

Ni ɲanibagatɔ ka Matigi Ala wele, a b’a lamɛn; a b’a kisi ka bɔ a ta degukow bɛɛ ra.

Zaburu 68:6

Feritaninw fa, ani muso cɛ saninw ta kititigɛbaga, Ala ye o le ye; a siginin bɛ a ta yɔrɔ saninman kɔnɔ.

Ezayi 37:30

«Ayiwa, ele Ezekiyasi, nin bɛna kɛ tagamasiyɛn ye ele fɛ: Simankisɛ minw benbenna foro kɔnɔ ka falen o yɛrɛ ma, aw bɛna o siman le domu ɲinan. San wɛrɛ, minw bɛna falen o yɛrɛ ma tuun, aw bɛna o domu. Nka a san sabanan, aw yɛrɛ le bɛna aw ta siman dan, k’a tigɛ, k’a domu; ka aw ta rɛzɛnforow sɛnɛ, k’a den domu.

Ezayi 60:1

«Zeruzalɛmu, wuri ka manamana, sabu i ta yeelen nana; Matigi Ala ta nɔɔrɔ bɛna manamana i kan.

Yeremi 40:1

Matigi Ala k’a ta kuma lase Yeremi ma; o y’a sɔrɔ masaso kɔrɔsibagaw kuntigi Nebuzaradan tun ka Yeremi labɔ kaso ra k’a lataga ka bɔ Rama. Lon min a tun bɛ tagara Yeremi labla, o y’a sɔrɔ Yeremi tun sirinin lo ni nɛgɛjɔrɔkɔ ye; a tun bɛ Zeruzalɛmukaw, Zuda mara mɔgɔ minanin tɔw cɛ ra, o tun bɛna taga ni minw ye Babilɔni.

Ezekiyɛli 43:2

Ayiwa, ne ka Izirayɛli ta Ala ta nɔɔrɔ natɔ ye ka bɔ terebɔyanfan na. A kumakan tun bɛ i ko jibaw mankan; a nɔɔrɔ tun bɛ dugukolo manamana.

Daniyɛli 3:28

Nebukadinɛsari ka kuma ta, k’a fɔ ko: «An ye Sadaraki ni Mesaki ni Abɛdi Nego ta Ala tando. Ale le k’a ta mɛlɛkɛ ci ka na a ta baaradenw bɔsi, sabu o lara o ta Ala ra. O banna ne masacɛ ta kuma ma, ka sɔn ka o farikolo di a ye jɛni, sani o ye ala wɛrɛ bonya, ka ala wɛrɛ bato, min tɛ o ta Ala ye!

Daniyɛli 6:22

Daniyɛli tora yi ka masacɛ jaabi ko: «Masacɛ, Ala ye i mɛɛn an kɔrɔ!

Mise 7:9

Ne ka Matigi Ala hakɛ ta; o ra ne bɛna a ta dimi muɲu, fɔ a ye na lɔ ni ne kunko ye, ka ne ta jo di ne ma. A bɛna ne bla yeelen na, k’a yira ko a ta kɛwalew bɛɛ terennin lo.

Habakuki 3:11

Tere ni karo lɔnin tora o lɔyɔrɔ ra, i ta biɲɛw tagatɔ ta yeelenba kosɔn, i ta taman manamanatɔ kosɔn.

Habakuki 3:4

A bɛ manamana i ko yeelen. Yeelenw bɛ bɔ a tɛgɛ kɔnɔ; a ta baraka dogonin bɛ o yɔrɔ le ra.

Matiyu 2:13

Ayiwa, lɔnnikɛbagaw taganin kɔ, Matigi ta mɛlɛkɛ dɔ k’a fɔ Yusufu ye siko ra ko: «Wuri ka den ni a bamuso ta ka bori ka taga ni o ye Misiran, ka to yi fɔ ni ne nana a fɔ i ye lon min na ko i ye na; sabu Herodi* bɛna den yɔrɔɲini ko a bɛ a faga.»

Luka 2:9

Matigi Ala ta mɛlɛkɛ dɔ ka a yɛrɛ yira o ra, Matigi Ala nɔɔrɔ manamanana ka o lamini; sagagbɛnbagaw siranna kosɛbɛ.

Luka 24:4

O ko ka o hakiri ɲagami. Cɛ fla barara ka na lɔ o ɲa kɔrɔ, fanigbɛ pepe bɛ o ra.

Kɛwalew 10:30

Kɔrinɛli ka Piyɛri jaabi ko: «Bi ye a tere naani ye, ka ne to Aladaari ra ne ta bon kɔnɔ wulada fɛ nin wagati ɲɔgɔn na, ne barara ka cɛ dɔ lɔnin ye ne ɲa kɔrɔ, deregegbɛ bɛ a kan na, a bɛ manamanana. A ko ne ma ko:

Kɛwalew 12:23

O yɔrɔnin kelen bɛɛ ra, Matigi ta mɛlɛkɛ dɔ ka bana bla Herodi ra, sabu a ma bonya la Ala kan; tumu donna a ɲanaman na k’a faga.

Kɛwalew 12:6

Ayiwa, Herodi* tun labɛnna, ko ni dugu gbɛra, a bɛna Piyɛri ta kiti tigɛ jama ɲa kɔrɔ. O su fɛ, Piyɛri tun bɛ sunɔgɔra sorasi fla cɛ ma, k’a sirinin to ni nɛgɛjɔrɔkɔ fla ye. Sorasi dɔw tun lɔlɔnin bɛ da ra, o bɛ kasobon kɔrɔsira.

Kɛwalew 12:8

Mɛlɛkɛ ko: «I yɛrɛ cɛsiri, ka i ta sanbara don!» Piyɛri ka o kɛ. Mɛlɛkɛ ko a ma ko: «I ta deregeba don ka tugu ne kɔ!»

Kɛwalew 16:26

Dugukolo barara ka yɛrɛyɛrɛ kosɛbɛ fɔ ka kasobon jusiginanw yuguyugu; o yɔrɔnin kelen bɛɛ kasobon daw bɛɛ yɛlɛra o yɛrɛ ma, kasodenw bɛɛ ta nɛgɛjɔrɔkɔw tigɛtigɛra.

Kɛwalew 2:24

Nka Ala k’a kisi ka bɔ saya ra k’a lakunu, sabu saya tun tɛ se ka Yesu mina ka to a ta fanga kɔrɔ.

Kɛwalew 5:19

Nka su fɛ, Matigi ta mɛlɛkɛ dɔ nana kasobon dondaw dayɛlɛ, ka ciradenw labɔ, k’a fɔ o ye ko:

Kɛwalew 9:3

Ka Sɔli tagatɔ, a surunyanin Damasi ra, yeelenba dɔ barara ka bɔ sankolo ra ka manamana ka Sɔli lamini.

Ɛfɛsikaw 5:14

O le kosɔn a fɔra ko: «Ele min bɛ sunɔgɔra, i kunu! I kunu ka bɔ suw cɛ ra, Kisibaga* bɛna yeelen bɔ i ye.»

Heburuw 1:14

Mɛlɛkɛw ye mun le ye? O bɛɛ ye ninw le ye; ciradenw lo, minw bɛ baara kɛ Ala ye. Mɔgɔ minw ka kan ka kisi, Ala bɛ mɛlɛkɛw ci ka taga olugu dɛmɛ fana.

Yirari 18:1

O kɔ, ne ka mɛlɛkɛ dɔ wɛrɛ jigitɔ ye ka bɔ sankolo ra; fangaba tun bɛ o mɛlɛkɛ fɛ. A nɔɔrɔ manamanana ka yeelen bɔ dugukolo bɛɛ kan.