Kɛwalew 12:23 - Jula NT of Côte d’Ivoire

²³ O yɔrɔnin kelen bɛɛ ra, Matigi ta mɛlɛkɛ dɔ ka bana bla Herodi ra, sabu a ma bonya la Ala kan; tumu donna a ɲanaman na k’a faga.

ALA KA KUMA

²³ Erɔdi sɔnna u y'a boɲa i n'a fɔ Ala minkɛ, o le y'a to Matigi ka mɛlɛkɛ dɔ nan'a gosi. Tumu donna a la, a sara.

LAYIDUKURA

²³ Erɔdi sɔnna u y'a bonya i n'a fɔ Ala minkɛ, o le y'a to Matigi ka mɛlɛkɛ dɔ nan'a gosi. Tumu donna a la, a sara.

Kɛwalew 12:23 Iomraidhean Croise

Mas 2nan 19:35

O lon su fɛ, Matigi Ala ta mɛlɛkɛ bɔra ka na Asirika cɛ waga kɛmɛ ni biseegi ni waga looru faga (185 000). Mɔgɔ tɔw wurira sɔgɔmada fɛ minkɛ, o ka suw ye yɔrɔ bɛɛ ra.

Lok 2nan 32:21

O kɛra minkɛ, Matigi Ala k’a ta mɛlɛkɛ dɔ ci ka na Asiri masacɛ ta kɛrɛkɛjama halaki: a kɛrɛkɛcɛfariw bɛɛ, a ɲamɔgɔw, ani a kɛrɛkuntigiw bɛɛ. Masacɛ Senakeribu k’a ye ten minkɛ, a sekɔra a ta jamana ra a maroyaninba. A tagara don a ta ala ta batoso kɔnɔ; a yɛrɛ dencɛw tagara a faga o yɔrɔ ra yi ni kɛrɛkɛmuru ye.

Ayuba 19:26

Hali ni ne fari halakira ka ban, ne belen farisogoraman ɲa bɛna la Ala kan.

Ayuba 7:5

Tumuw donna ne sogo ra, ne fari jajara i ko bɔgɔjalan; a bɛ pɛrɛnpɛrɛn, ka nɛɛn don.

Zaburu 115:1

Bonya kana la anw kan, Matigi Ala, bonya kana la anw kan, nka bonya ye la ele tɔgɔ le kan, i ta ɲumanya ni i ta kankelentigiya kosɔn!

Bɔri 10:3

Musa ni Haruna tagara Farawona fɛ ka taga a fɔ a ye ko: «Matigi Ala, Heburuw ta Ala ko, ko lon juman le i bɛna sɔn ka i yɛrɛ majigi a le ye dɛ? A ko i ye a ta mɔgɔw bla o ye taga ale bato.

Bɔri 12:12

« ‹Bi su nin yɛrɛ ra, ne bɛna tɛmɛ Misiran jamana yɔrɔ bɛɛ ra, ka Misiran jamana den fɔlɔ cɛmanw bɛɛ faga; k’a ta mɔgɔw ra, ka taga a bla bɛganw na. Ne bɛna kiti ben Misiran batofɛnw bɛɛ kan; sabu ne le ye Matigi Ala ye.

Bɔri 12:23

Ni Matigi Ala nana kɛ tɛmɛ ye, ka kɛ Misirankaw faga ye tuma min na, ni a ka jori ye bonda min sanfɛyɔrɔ ni a kɛrɛfɛyɔrɔ fla ra, a bɛ tɛmɛ o bon kan; a tɛna sɔn ninminamɛlɛkɛ ye don aw ta bon kɔnɔ ka aw faga.

Bɔri 12:29

Ayiwa, su cɛmancɛ ra, Matigi Ala ka Misiran jamana den fɔlɔw bɛɛ faga. K’a ta Misiran masacɛba yɛrɛ den fɔlɔ ra, ka taga a bla fɔ Misiran kasoden gbansanw den fɔlɔw ra, ani bɛganw den fɔlɔw bɛɛ.

Bɔri 9:17

O bɛɛ n’a ta, hali bi i ka ne ta mɔgɔw bari; i ma sɔn k’a to o ye taga.

Zanaw 12:8

Hakiri min bɛ mɔgɔ fɛ, i bɛ tando ka kaɲa ni o le ye, nka mɔgɔ kɔnɔnɔjugu bɛ dɔgɔya.

Ezayi 14:11

I ta yɛrɛbonya jigira kaburu kɔnɔ, ani i ta gɔnifɔkanw bɛɛ; kaburu tumuw le kɛra i ta lanan ye, tumumisɛnw kɛra i ta birifani ye.

Ezayi 37:23

Ele ka ne le mafiyɛnya, ka ne dɔgɔya wa? Ele kumana k’a yira ne le ra wa? Ele ka i ɲa don ne le ra wa, ne min ye Izirayɛli ta Ala saninman ye?

Ezayi 51:8

sabu cɛnrifɛnw bɛna o domu i ko fani, tumuw bɛna o domu i ko sagasi. Nka ne ta terenninya bɛna to a cogo ra wagati bɛɛ, ne ta kisiri bɛna to a cogo ra wagati bɛɛ, ani tuma bɛɛ.»

Ezayi 66:24

Mɔgɔw bɔtɔ dugu kɔnɔ, o bɛna suw ye, mɔgɔ minw tun murutira ne ma, olugu suw. Tumu minw bɛna o suw domu, o tumuw tɛna faga ka ye; tasuma min bɛna o jɛni, o tasuma tɛna faga ka ye. Mɔgɔw bɛɛ bɛna ɲigi o ra.»

Ezekiyɛli 28:2

«Adamaden, a fɔ Tiri dugutigi ye ko Dunuɲatigi Ala ko: ‹Yɛrɛbonya donna ele jusu ra, fɔ i ko: Ne ye Ala le ye, ne siginin bɛ alaw ta sigiyɔrɔ le ra kɔgɔji cɛ ma!› K’a sɔrɔ ele ye adamaden le ye, i tɛ Ala ye; nka i bɛ i yɛrɛ ta miiriya jate i ko Ala ta miiriya.

Ezekiyɛli 28:9

Yala i bɛna se k’a fɔ i fagabaga ɲa kɔrɔ tuun wa, ko: ‹Ne ye ala le ye wa›? Ele tɛ foyi ye ni adamaden tɛ; i tɛ ala ye i halakibagaw boro dɛ!

Kɛwalew 12:22

Jama bɛɛ pɛrɛnna, ko: «Nin ye Ala yɛrɛ kan le ye, mɔgɔ kan tɛ!»

Kɛwalew 5:19

Nka su fɛ, Matigi ta mɛlɛkɛ dɔ nana kasobon dondaw dayɛlɛ, ka ciradenw labɔ, k’a fɔ o ye ko:

Tes 2nan 2:4

Fɛn o fɛn bɛ wele ko Ala, ani mɔgɔw bɛ fɛn o fɛn bato, a bɛna wuri k’a yɛrɛ bonya o bɛɛ ma, fɔ ka taga don Ala ta batosoba yɛrɛ kɔnɔ, ka sigi yi, k’a fɔ ko ale le ye Ala ye.

Sam fɔlɔ 25:38

Tere tan ɲɔgɔn tɛmɛnin kɔ, Matigi Ala ka bana dɔ bla Nabali ra, k’a faga.