Kɛwalew 12:11 - Jula NT of Côte d’Ivoire

¹¹ Ayiwa, o tuma Piyɛri hakiri sigira; a ko: «Sisan ne k’a ye ko can ra, Matigi le ka a ta mɛlɛkɛ ci ka na ne bɔsi Herodi boro, ani Yahudiyaw tun bɛ kojugu minw jate minana, ka ne kisi o bɛɛ ma.»

ALA KA KUMA

¹¹ Piyɛri ye hakili sɔrɔ tuma min na, a y'a fɔ ko: «Sisan, ne y'a lɔn ko tiɲɛ lo Matigi y'a ka mɛlɛkɛ dɔ ci ka na ne bɔsi Erɔdi la, ka ne kisi zuwifuw daa ma.»

LAYIDUKURA

¹¹ Piyɛri hakili y'a sɔn tuma min na, a y'a fɔ ko: “Sisan, ne y'a lɔn ko tinyɛ lo Matigi y'a ka mɛlɛkɛ dɔ ci ka na ne bɔsi Erɔdi la, ka ne kisi Zuwifuw daa ma.”

Kɛwalew 12:11 Iomraidhean Croise

Damina 15:13

Matigi Ala ko Iburama ma ko: «Iburama, i ka kan k’a lɔn ko lon dɔ i ta duruja bɛna taga kɛ lonan ye jamana wɛrɛ ra. O bɛna kɛ jɔnw le ye o jamana ra; o bɛna o tɔɔrɔ fɔ san kɛmɛ naani.

Damina 18:13

Matigi Ala k’a fɔ Iburahima ye ko: «Mun kosɔn Saran yɛrɛkora k’a fɔ a yɛrɛ kɔnɔ ko yala ale kɔrɔninba nin bɛ se ka den woro can na wa?

Damina 26:9

Abimelɛki ka Isiyaka wele k’a fɔ a ye ko: «Ele ni muso nin toronkɛcogo b’a yira ko i muso lo, sigiya tɛ o ra. Mun na i ko an ma ko i dɔgɔmuso lo?» Isiyaka ko: «Ne ka o fɔ sabu ne tun bɛ siranna ko aw bɛna ne faga a kosɔn le.»

Sam 2nan 22:1

Wagati min na Matigi Ala ka Dawuda bɔsi ka bɔ a juguw bɛɛ boro, ani k’a bɔ Sawuli boro, Dawuda ka nin dɔnkiri le la ka Matigi Ala tando.

Lok 2nan 16:9

sabu Matigi Ala ɲa bɛ dunuɲa fan bɛɛ yaala, janko minw tugunin bɛ a kɔ ni o jusukunw bɛɛ ye, ka baraka don olugu ra. I ka hakirintanyako le kɛ nin ye; o kosɔn k’a ta bi ra, ele bɛna kɛ kɛrɛ le ra tuma bɛɛ.»

Ayuba 31:31

Lonan minw tun bɛ jigi ne ta so, yala olugu tun tɛ to k’a fɔ wa, ko: «Jɔntigi le ma sogo domu a fɛ ka fa k’a ye»?

Ayuba 5:19

Deguko wɔɔrɔ bɛ se i ma, nka Ala bɛ i bɔsi a bɛɛ ra; hali n’a wolonflanan ka kɛ, foyi t’i sɔrɔ.

Zaburu 109:31

sabu a bɛ lɔ fagantan kɔrɔ, k’a kisi ka bɔ a jarakibagaw boro.

Zaburu 33:18

Matigi Ala le b’a janto a ɲasiranbagaw ra; minw jigi bɛ a ta ɲumanya kan, a b’a janto olugu ra.

Zaburu 33:19

A bɛ o nin kisi saya ma, ka o baro kɔngɔ wagati ra.

Zaburu 34:22

Kojugu bɛ mɔgɔjugu faga; mɔgɔ terennin kɔninyabagaw kɔni, kiti bɛna ben olugu kan.

Zaburu 34:7

Ni ɲanibagatɔ ka Matigi Ala wele, a b’a lamɛn; a b’a kisi ka bɔ a ta degukow bɛɛ ra.

Zaburu 41:2

Mɔgɔ min b’a hakiri to dɛsɛbagatɔ ra, o tigi ta ɲana! Lon min ni kojugu k’a sɔrɔ, Matigi Ala b’a bɔsi.

Zaburu 97:10

Ala kanubagaw, aw ye kojugu kɔninya! Ala b’a ɲasiranbagaw nin kɔrɔsi, a bɛ o bɔsi ka bɔ mɔgɔjuguw boro.

Daniyɛli 3:25

Masacɛ ko: «O bɛɛ n’a ta, ne ɲa bɛ cɛ naani le ra, o bɛ yaalayaalara tasuma cɛ ma, o si sirinin tɛ; tasuma ma nɔ bla o si ra fana. A naaninan cogoya bɔra alaw ta mɔgɔ dɔ le fɛ.»

Daniyɛli 3:28

Nebukadinɛsari ka kuma ta, k’a fɔ ko: «An ye Sadaraki ni Mesaki ni Abɛdi Nego ta Ala tando. Ale le k’a ta mɛlɛkɛ ci ka na a ta baaradenw bɔsi, sabu o lara o ta Ala ra. O banna ne masacɛ ta kuma ma, ka sɔn ka o farikolo di a ye jɛni, sani o ye ala wɛrɛ bonya, ka ala wɛrɛ bato, min tɛ o ta Ala ye!

Daniyɛli 6:22

Daniyɛli tora yi ka masacɛ jaabi ko: «Masacɛ, Ala ye i mɛɛn an kɔrɔ!

Luka 15:17

«Ayiwa, lon dɔ a nana miiri, ka hakiri sɔrɔ. A ko: ‹Baaraden caman le bɛ ne facɛ ta so, o bɛ domuni kɛ ka fa fɔ ka a tɔ to; k’a sɔrɔ ne bɛ yan, kɔngɔ bɛna ne halaki.›

Kɛwalew 12:7

Matigi ta mɛlɛkɛ dɔ donna kasobon kɔnɔ; yeelen dɔ manamanana kasobon kɔnɔ. Mɛlɛkɛ ka Piyɛri bugɔbugɔ a kɛrɛn na k’a lakunu, k’a fɔ a ye ko: «Wuri joona!» Nɛgɛjɔrɔkɔ tigɛra ka bɔ a boro ra ka ben dugu ma.

Kɛwalew 24:27

O ka san fla kɛ o ra ten. Pɔrisusi Fɛtusi nana sigi jamanatigiya ra Felisi nɔ ra. Felisi tun b’a fɛ ka a yɛrɛ ko diya Yahudiyaw ye, o kosɔn a ka Pɔli to kaso ra yi.

Kɛwalew 25:9

I n’a fɔ Fɛtusi tun b’a fɛ ka a yɛrɛ ko diya Yahudiyaw ye, o kosɔn a ka Pɔli ɲininka ko: «I b’a fɛ ka taga Zeruzalɛmu, janko i ta kiti ye taga tigɛ ne ɲa kɔrɔ o yɔrɔ ra nin ko ra wa?»

Kɛwalew 5:19

Nka su fɛ, Matigi ta mɛlɛkɛ dɔ nana kasobon dondaw dayɛlɛ, ka ciradenw labɔ, k’a fɔ o ye ko:

Heburuw 1:14

Mɛlɛkɛw ye mun le ye? O bɛɛ ye ninw le ye; ciradenw lo, minw bɛ baara kɛ Ala ye. Mɔgɔ minw ka kan ka kisi, Ala bɛ mɛlɛkɛw ci ka taga olugu dɛmɛ fana.

Piy 2nan 2:9

Ayiwa, o bɛɛ b’a yira an na ko Ala bɛ se ka a ɲasiranbagaw bɔsi ka bɔ tɔɔrɔ ra, ka mɔgɔ terenbariw mara janko ka o ta kojuguw hakɛ bɔ o ra kitilon na.