Kɛwalew 11:18 - Jula NT of Côte d’Ivoire

¹⁸ Ciradenw ni lanabaga tɔw ka Piyɛri ta kuma mɛn minkɛ, o jusu sɔrɔra ka suma, o ka Ala tando; o ko: «Can lo, Ala sɔnna k’a to siya wɛrɛ mɔgɔw* fana ye nimisa o ta jurumunw na, janko o ye ɲanamanya sɔrɔ.»

ALA KA KUMA

¹⁸ Kuma nunu y'u dusu suma. U y'a daminɛ ka Ala tanu ka to k'a fɔ ko: «Tiɲɛ na, Ala ye sira di siya wɛrɛw fana ma u ka nimisa ka faran u ka kojuguw la ka kisi.»

LAYIDUKURA

¹⁸ Kuma nunu y'u dusu mala. U y'a daminɛ ka Ala tando ka to k'a fɔ ko: “Aa, tinyɛ na, Ala ye sira di siya wɛrɛw fana ma u ka se k'u sɔɔn yɛlɛma ka sini hɛrɛ sɔrɔ.”

Kɛwalew 11:18 Iomraidhean Croise

Ezayi 11:10

Ayiwa, o lon na Yese ta duruja bɛna wuri ka lɔ, ka kɛ i ko tagamasiyɛn, jamanaw ta mɔgɔw ye. Siyaw bɛna a yɔrɔɲini; a sigiyɔrɔ bɛna fa nɔɔrɔ ra.

Ezayi 60:21

«I ta mɔgɔw bɛɛ bɛna kɛ mɔgɔ terenninw le ye, jamana bɛna kɛ o ta ye wagati bɛɛ; sabu ne yɛrɛ ta yiri turuninw lo, ne boro le ka o dan, ka nɔɔrɔ la ne yɛrɛ kan.

Ezayi 61:3

Siyɔn dugumɔgɔ minw bɛ kasira, ne bɛna olugu laje; ne bɛna nɔɔrɔ la o kan, bugurigbɛ nɔ ra; ka ninsɔndiya turu kɛ o kun na, kasi nɔ ra; ka tandori derege don o ra, ɲanasisi nɔ ra. Ni o kɛra, mɔgɔw bɛna o wele ko terenninya ta yirisunw, Matigi Ala ka yiri minw turu a ta bonya kama.

Ezekiyɛli 36:26

Ne bɛna jusukunkura di aw ma, ka hakirikura di aw ma; jusukungbɛlɛn min bɛ aw kɔnɔ i ko kabakuru, ne bɛna o bɔ yi, ka jusukunɲuman di aw ma.

Ezekiyɛli 47:22

Aw b’a taran ɲɔgɔn na, ka bɛɛ ninyɔrɔ di a ma; lonan minw sigira aw cɛ ra ka denw sɔrɔ aw cɛ ra, aw bɛ olugu fana ninyɔrɔ di o ma. Aw ka kan ka olugu fana jate i ko Izirayɛliden dɔw; o ka kan ka o ta dugukolo ninyɔrɔ sɔrɔ i ko Izirayɛli ta duruja tɔw.

Jakariya 12:10

«O ra, ne bɛna hina hakiri, ani Aladaari hakiri di Dawuda ta somɔgɔw, ani Zeruzalɛmukaw ma. Ni o kɛra, o tun ka ne min sɔgɔ ni biɲɛ ye, o bɛna o ɲa lɔ ne ra; o bɛna kasi ne kosɔn, i ko mɔgɔ bɛ a ta den kelenpenin su kasi cogo min na. O bɛna o jusu kasi ne kosɔn i ko mɔgɔ bɛ a jusu kasi a den fɔlɔ su kunna cogo min na.

Matiyu 9:8

Mɔgɔw ka o ye minkɛ, o siranna. O ka kɛ Ala tando ye, ko Ala ka nin ɲɔgɔn sebagayaba di adamaden ma.

Kɛwalew 11:1

Ciradenw* ni lanabaga minw bɛ Zude, olugu k’a mɛn ko siya wɛrɛ mɔgɔw* fana sɔnna Ala ta Kuma ma.

Kɛwalew 14:27

Ayiwa, o sera Antiyɔsi minkɛ, o ka lanabagaw lajɛn. Ala ka ko minw bɛɛ kɛ ni olugu ye, ani a ka lanaya sira dayɛlɛ siya wɛrɛ mɔgɔw* ye cogo min na, o ka o bɛɛ lakari o ye.

Kɛwalew 15:3

Ayiwa, lanabagaw ta jɛnkuru ka o ci ka taga. O tagatɔ, o tɛmɛna Fenisi mara ni Samari mara ra. Siya wɛrɛ mɔgɔw sɔnna Ala ta Kuma ma cogo min na, o ka o lakari o yɔrɔw ta lanabagaw ye. O kumaw ka o balemaw ninsɔndiya kosɛbɛ.

Kɛwalew 20:21

k’a fɔ mɔgɔw bɛɛ ye k’a gbɛlɛya, Yahudiya fara siya wɛrɛ mɔgɔ* kan, ko o ye nimisa o ta jurumunw na ka sɔn Ala ma, ka la an Matigi Yesu ra.

Kɛwalew 21:20

O mɔgɔw ka o mɛn minkɛ, o ka Ala tando. O kɔ, o ko Pɔli ma ko: «An balemacɛ, i m’a ye, Yahudiya waga caman le lara Yesu ra yan, nka hali bi o bɛɛ cɛsirinin bɛ cira Musa ta sariya* ko ra.

Kɛwalew 3:19

O le kosɔn aw ye nimisa aw ta jurumun na, ka sɔn Ala ma, janko aw ta jurumunw ye ko ka bɔ yi.

Kɛwalew 3:26

O le kosɔn Ala k’a ta baaraden ɲanawoloma tuma min na, a kɔnna k’a ci aw le fɛ fɔlɔ, janko a ye baraka don aw ra, ka aw bɛɛ kelen kelen kisi ka bɔ aw ta sirajuguw kan.»

Kɛwalew 5:31

Ala k’a kɔrɔta a ta sebagaya ra ka a kɛ Kuntigi ye, ani Kisibaga*, janko Izirayɛlimɔgɔw ye nimisa ka o ta jurumunw yafa sɔrɔ ale baraka ra.

Rɔmukaw 9:30

Ayiwa, an bɛna mun le fɔ sa? Siya wɛrɛ mɔgɔ* minw tun tɛ terenninya sira ɲinina, Ala ka olugu jate mɔgɔ terenninw ye; o ka o terenninya sɔrɔ lanaya sababu ra.

Kor 2nan 3:18

Fani birinin tɛ an minw ɲada kan, an bɛɛ le bɛ Matigi ta nɔɔrɔ yira k’a gbɛya, i n’a fɔ dugalen bɛ cogo min na. O cogo ra, lon o lon an bɛ yɛlɛma ka kɛ Matigi yɛrɛ cogo ra, ka nɔɔrɔ dɔ fara dɔ kan. Matigi, min ye Nin Saninman ye, ale le bɛ o baara kɛ.

Kor 2nan 7:10

Sabu ɲanasisi min bɛ bɔ Ala ra, o b’a to an ye nimisa ka kojugu dabla, ka kisi; o ɲanasisi tingalɔn tɛ mɔgɔ mina. Nka dunuɲa ta ɲanasisi gbansan, o bɛ na ni saya ye.

Galasikaw 1:24

O kosɔn o tun bɛ Ala tando ne kosɔn.

Yosuwe 22:30

Ayiwa, Rubɛn ni Gadi ni Manase ta mɔgɔw ka kuma min fɔ, o kuma ka sarakalasebaga Finehasi ni Izirayɛli ta kɛrɛkɛjama cɛ waga kelen kelen kuntigiw bɛɛ wasa.