Kɛwalew 10:30 - Jula NT of Côte d’Ivoire

³⁰ Kɔrinɛli ka Piyɛri jaabi ko: «Bi ye a tere naani ye, ka ne to Aladaari ra ne ta bon kɔnɔ wulada fɛ nin wagati ɲɔgɔn na, ne barara ka cɛ dɔ lɔnin ye ne ɲa kɔrɔ, deregegbɛ bɛ a kan na, a bɛ manamanana. A ko ne ma ko:

ALA KA KUMA

³⁰ Kɔrinɛyi y'a jaabi ko: «A tile saba tɛmɛnin filɛ nin ye, nin waati yɛrɛ ɲɔgɔn na, ne tun be Ala daalila n ka soo wulafɛ. Ne barila ka cɛɛ dɔ ye n ɲakɔrɔ, a kannafani gwɛnin tun lo parapara.

LAYIDUKURA

³⁰ Kɔrinɛyi y'a jaabi ko: “A tile saba tɛmɛnin filɛ nin ye, nin waati yɛrɛ la, ne tun bɛ Ala dali la n ka soo wulafɛ. Ne barila ka cɛɛ dɔ ye ne nyakɔrɔ, a kannafani gwɛnin tun lo parapara.

Kɛwalew 10:30 Iomraidhean Croise

Zaburu 55:17

Ne kɔni, ne bɛ Ala le wele; Matigi Ala bɛna ne kisi.

Daniyɛli 10:12

A ko ne ma tuun ko: ‹Daniyɛli, i kana siran; sabu i ka i yɛrɛ majigi Ala ɲa kɔrɔ, ka Ala daari, janko ka faamuri sɔrɔ; ayiwa, kabini o lonw tere fɔlɔ, i ta Aladaari minana. Ne nana ka na i ta daariri kɔjaabi le fɔ i ye.

Matiyu 28:3

A tun bɛ manamanana i ko sanmanamana; a ta derege tun gbɛnin lo pepepe.

Marika 16:6

O kanbelen k’a fɔ o ye ko: «Aw kana siran. Yesu Nazarɛtika, min tun gbengbenna yiri ra, aw bɛ o le yɔrɔɲinina. A kununa ka bɔ saya ra, a tɛ yan; aw ye a su layɔrɔ flɛ.

Luka 24:4

O ko ka o hakiri ɲagami. Cɛ fla barara ka na lɔ o ɲa kɔrɔ, fanigbɛ pepe bɛ o ra.

Kɛwalew 1:10

Ka karamɔgɔdenw ɲa lɔnin to sankolo ra ka Yesu tagatɔ flɛ, o barara ka cɛ deregegbɛtigi fla ye o kɔrɔ;

Kɛwalew 10:22

O mɔgɔw ka Piyɛri jaabi ko: «Sorasikuntigi Kɔrinɛli le ka an ci; mɔgɔ terennin lo, a bɛ siran Ala ɲa fana. Yahudiyaw bɛɛ bɛ a tɔgɔɲuman fɔra. Ala ta mɛlɛkɛ saninman dɔ ka a yɛrɛ yira a ra k’a fɔ a ye ko a ye i wele ka na a ta so, janko ka i ta kumaw lamɛn.»

Kɛwalew 10:29

O le kosɔn aw ka mɔgɔw ci ka taga ne wele minkɛ, ne nana, hali ne ma sɔsɔri kɛ. Ayiwa, sisan ne bɛ aw ɲininka: ‹Aw ka ne wele ka na kun juman le ra?› »

Kɛwalew 10:3

Ayiwa, lon dɔ wulada fɛ, Kɔrinɛli k’a ye ko Ala ta mɛlɛkɛ dɔ nana don ale fɛ bon kɔnɔ, ka a wele ko: «Kɔrinɛli!»

Kɛwalew 10:31

‹Kɔrinɛli, i ta Aladaari minana; i ka koɲuman o koɲuman kɛ, Ala hakiri tora o bɛɛ ra fana.

Kɛwalew 3:1

Lon dɔ, Piyɛri ni Yuhana tun bɛ tagara Alabatosoba ra ɲɔgɔn fɛ ka taga Ala daari; wulada wagati tun lo.