Kɛwalew 1:9 - Jula NT of Côte d’Ivoire

⁹ Yesu ka o kumaw fɔ ka ban minkɛ, ka karamɔgɔdenw ɲa lɔnin to a ra o b’a flɛra, a kɔrɔtara ka bɔ o cɛ ra ka taga sankolo ra; sankaba dɔ k’a dogo o ma.

ALA KA KUMA

⁹ Yezu y'o kuma nunu fɔ ka ban minkɛ, a kɔrɔtara u ɲakɔrɔ ka taga arijana na. K'u to filɛli la, sankaba dɔ donna u cɛ k'a dogo u la.

LAYIDUKURA

⁹ Yezu y'o kuma nunu fɔ ka ban minkɛ, a kɔrɔ tara u nyakɔrɔ ka taa arijana na. K'u to filɛli la, Sankaba dɔ donna u cɛ k'a dogo u la.

Kɛwalew 1:9 Iomraidhean Croise

Zaburu 68:18

Ala ta sowotorow jateda ye waga camanba, waga caman sigiyɔrɔma caman. Matigi bɛ bɔ Sinayi kuru kan ka taga a ta yɔrɔ saninman kɔnɔ.

Bɔri 19:9

Matigi Ala ko Musa ma ko: «Ne bɛna kɛ sankaba finman dɔ ra ka na i fɛ, janko ni ne nana kɛ kuma ye i fɛ tuma min na, mɔgɔw ye ne kumakan mɛn, ka la i ra tuma bɛɛ.» Jama tun ka min fɔ Musa ye, Musa kɔsegira ka taga o lase Matigi Ala ma.

Bɔri 34:5

Matigi Ala jigira sankaba ra ka na lɔ Musa kɔrɔ, k’a yɛrɛ tɔgɔ fɔ.

Ezayi 19:1

Kuma minw fɔra Misiran jamana ta ko ra: Matigi Ala yɛlɛnna sankaba teliman dɔ kan, a bɛ nana Misiran. Misirankaw ta jow bɛ yɛrɛyɛrɛra a ɲa; Misirankaw ja tigɛra.

Daniyɛli 7:13

«Ka ne lanin to hali bi, ne ka flɛri kɛ tuun; ne ka mɔgɔ dɔ ye, a nana ka bɔ sankolo ra, sankabaw kunna, a bɛ i ko adamaden. Min tun bɛ yi kabini fɔlɔfɔlɔ, a tun bɛ nana o kɔrɔ; o k’a mina ka na ni a ye o fɛ.

Marika 16:19

Matigi Yesu ka o kumaw fɔ o ye ka ban minkɛ, a kɔrɔtara ka taga sankolo ra, ka taga sigi Ala kininboroyanfan fɛ.

Luka 21:27

O tuma ra, Min kɛra Adamaden ye*, o bɛna o natɔ ye sankaba dɔ kan ni sebagayaba ye, ani nɔɔrɔba.

Yuhana 6:62

O tuma, Min kɛra Adamaden ye*, ni aw nana o yɛlɛntɔ ye ka taga a bɔyɔrɔ ra don?

Kɛwalew 1:11

o cɛ fla ka o ɲininka ko: «Aw Galilekaw, mun le kosɔn aw lɔnin bɛ yan ka to ka sankolo flɛ? Yesu min kɔrɔtara aw ɲa na ka taga sankolo kɔnɔ, ale kelen le bɛna kɔsegi ka na, i ko aw ka a tagatɔ ye cogo min na.»

Kɛwalew 1:2

Nka sani Yesu ye taga sankolo ra, a tun ka karamɔgɔden minw ɲanawoloma, olugu tun ka kan ka ko minw kɛ, a ka o karan o bɛɛ ra Nin Saninman* baraka ra.

Tes fɔlɔ 4:17

O kɔ, ni o kɛra, ka an lanabaga tɔ minw ɲanaman to, Matigi bɛna anw ta; an bɛɛ bɛ jɛn ka taga ni tɔw ye sankaba kɔnɔ, ka taga Matigi kunbɛn san fɛ. O ra, an bɛ to ni Matigi ye wagati bɛɛ.

Tim fɔlɔ 3:16

Can lo, Alaɲasiran gundo ka bon yɛrɛ le. Mɔgɔ si tɛ se ka o sɔsɔ: Kirisita* kɛra adamaden ye; mɔgɔw k’a ye, Nin Saninman* k’a yira ko a tun terennin lo, mɛlɛkɛw k’a ye fana. A ko waajuri kɛra siyaw cɛ ra dunuɲa yɔrɔ bɛɛ ra, mɔgɔ dɔw lara a ra, Ala ka a kɔrɔta k’a ladon nɔɔrɔ ra.

Yirari 1:7

A bɛna na sankabaw cɛ ra! Bɛɛ ɲa bɛna a ye, hali minw ka a sɔgɔ ni taman ye. Dugukolo siyaw bɛɛ bɛna kasi a kosɔn. Ɔnhɔn, amina!

Yirari 11:12

O cira fla ka kumakanba dɔ mɛn ka bɔ sankolo kɔnɔ ko: «Aw ye yɛlɛn ka na yan.» O yɛlɛnna sankabaw cɛ ma ka taga sankolo kɔnɔ; o juguw yɛrɛ ka o tagatɔ ye.

Yirari 14:4

Olugu le ma o yɛrɛ lanɔgɔ ni musow ye, sabu o saninyanin tora. Ni Sagaden bɛ taga yɔrɔ o yɔrɔ, o bɛ tugu a kɔ. Ala ka o kunmabɔ mɔgɔw cɛ ra, ka o kɛ mɔgɔ fɔlɔw ye, ka o kɛ Ala ni Sagaden ta ye.