Kɛwalew 1:8 - Jula NT of Côte d’Ivoire

⁸ Nka Nin Saninman* bɛna jigi aw kan; o cogo ra aw bɛna sebagaya sɔrɔ ka kɛ ne seerew ye, k’a damina Zeruzalɛmu, ani Zude mara bɛɛ, ani Samari mara, fɔ ka taga se dunuɲa dan bɛɛ ma.»

ALA KA KUMA

⁸ Nga ni Nii Senuman jigira aw kan tuma min na, aw bena fanga sɔrɔ ka se ka n ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taga se diɲɛ faan bɛɛ la.»

LAYIDUKURA

⁸ Nga ni Nii Senuman jigira aw kan tuma min na, aw bɛna fanga sɔrɔ ka se ka ne ka koow fɔ Zeruzalɛmu, ni Zude mara bɛɛ la, ani Samari mara la, fɔɔ ka taa se dinyɛ faan bɛɛ la.”

Kɛwalew 1:8 Iomraidhean Croise

Zaburu 22:27

Ɲanibagatɔw ye na domuni kɛ ka fa, Matigi Ala ɲinibagaw ye Ala tando, Ala ye aw si sabati wagati bɛɛ!

Zaburu 98:3

A hakiri tora Izirayɛlimɔgɔw ra k’a ta ɲumanya ni a ta kankelentigiya kɛ o ye; dunuɲa yɔrɔ bɛɛ k’a ye ko an ta Ala le ye kisiri tigi ye.

Ezayi 42:10

Aw ye dɔnkirikura la ka Matigi Ala tando; aw y’a tando ka se fɔ dunuɲa danw na, aw minw bɛ tagamaw kɛ jirakurunw kɔnɔ, kɔgɔji kan, ani aw danfɛnw minw bɛ kɔgɔji ra, ani aw kɔgɔji kɔfɛmɔgɔw!

Ezayi 49:6

Matigi Ala ko: «I bɛna kɛ ne ta jɔn ye ka Yakuba ta gbaw lawuri, ka Izirayɛlimɔgɔ tɔw lasekɔ ka na; nka o dɔrɔn tɛ, ne bɛna i sigi ka i kɛ siya wɛrɛ mɔgɔw ta yeelen ye, janko ne ta kisiri ko ye se fɔ dunuɲa fan bɛɛ ra.»

Ezayi 52:10

Matigi Ala k’a boro saninman ta baraka yira siyaw bɛɛ ɲa kɔrɔ; ka taga se fɔ dugukolo danw bɛɛ ra, bɛɛ bɛna an ta Ala ta kisiri ye.

Ezayi 66:19

Ne bɛna tagamasiyɛn dɔ yira o ra. O ta mɔgɔ minw bɛna kisi ne ta kiti tɔɔrɔ ma, ne bɛna olugu dɔw ci ka taga Tarisisi, ani Puli ni Ludi, yɔrɔ min mɔgɔw bɛ se kalanbon na kosɛbɛ; ne bɛna dɔw ci fana ka taga Tubali, ani Yavan, ani ka taga fɔ yɔrɔjan, kɔgɔji kɔfɛjamanaw ra, o mɔgɔ minw ma ne ko mɛn ka ye, o fana ma deri ka ne ta nɔɔrɔ ye. O bɛna taga ne ta bonya ko lakari o siyaw ye.

Yeremi 16:19

«E, Matigi Ala, ne ta fanga sɔrɔyɔrɔ, ani ne ta baraka sɔrɔyɔrɔ! Ele le ye ne dogoyɔrɔ ye wagatigbɛlɛnw na. Siyaw bɛna na i fɛ ka bɔ fɔ dugukolo danw na, ka n’a fɔ ko: ‹An bɛmaw ta alaw tun tɛ ala ɲanamanw ye; batofɛn gbansanw tun lo, minw ma se ka foyi ɲa o ye.

Mise 3:8

Nka o bɛɛ n’a ta, ne kɔni, Matigi Ala ta nin baraka le bɛ ne ra. Terenninya ni jagbɛlɛya bɛ ne jusu ra, janko ka Yakuba ta mɔgɔw ta terenbariyakow fɔ o ye, ka Izirayɛlimɔgɔw ta jurumun fɔ o ye.

Jakariya 4:6

A ko ne ma ko: «Matigi Ala bɛ kuma min lase Zorobabɛli ma, o flɛ nin ye: ‹Aw ta fanga nɔ tɛ, aw ta baraka nɔ tɛ, nka ne Nin* nɔ lo, Fangatigi Ala ko ten!›

Matiyu 24:14

Ala ta Masaya* Kibaro Diman* bɛna fɔ dunuɲa yɔrɔ bɛɛ ra, janko siyaw bɛɛ ye o seereya mɛn. O kɔ, a laban bɛ sɔrɔ ka se.»

Matiyu 28:19

O le kosɔn aw ye taga siyaw bɛɛ kɛ ne ta karamɔgɔdenw ye. Aw ye o batize, Fa Ala, ani Dencɛ*, ani Nin Saninman* tɔgɔ ra.

Marika 16:15

O kɔ, Yesu k’a fɔ o ye ko: «Aw ye taga dunuɲa fan bɛɛ ra, ka taga Kibaro Diman* waajuri kɛ mɔgɔw bɛɛ ye.

Luka 1:35

Mɛlɛkɛ ka a jaabi ko: «Nin Saninman* bɛna jigi i kan, Ala Kɔrɔtaninba ta sebagaya bɛna i datugu i ko yirisuma. O le kosɔn, i bɛna dencɛ saninman min woro, o bɛna wele ko Den min bɔra Ala ra*.

Luka 10:19

Ayiwa, ne ka se di aw ma, ko aw ye tagama saw ni bundɛninw kan, ka jugu Setana ta sebagayaw bɛɛ dɔndɔn ni aw sen ye; kojugu si tɛna aw sɔrɔ.

Luka 24:29

Nka o ka a lalɔ ka a daari ko a ye to ni olugu ye, ko su bɛ ɲini ka ko. A donna ni o ye dugu kɔnɔ ka to ni o ye.

Yuhana 15:27

Aw fana bɛna seereya kɛ ne ta ko ra, sabu aw ni ne tun bɛ ɲɔgɔn fɛ kabini ne ta kow damina ra.

Kɛwalew 1:22

ka a damina Yesu batize wagati ra Yuhana fɛ, fɔ ka taga se a kɔrɔtalon ma ka bɔ an cɛ ra ka taga sankolo ra.»

Kɛwalew 1:5

Sabu Yuhana ka mɔgɔw batize ji le ra, nka sani tere dama cɛ Ala bɛna aw batize ni Nin Saninman ye.»

Kɛwalew 13:31

A kununin kɔ ka bɔ saya ra, minw tun kɛra a blasirabagaw ye ka bɔ Galile ka na Zeruzalɛmu, Yesu k’a yɛrɛ yira olugu ra lon caman na. O mɔgɔw le kɛra a seerew ye, k’a ta kuma fɔ Izirayɛlimɔgɔw ye.

Kɛwalew 2:32

Ne bɛ Yesu min ko fɔra, Ala ka ale le lakunu ka bɔ saya ra; an bɛɛ ye o ko seerew ye.

Kɛwalew 22:15

Sabu i ka min ye, ani i ka min mɛn, i bɛna kɛ a seere ye mɔgɔw bɛɛ ɲa kɔrɔ, ka o bɛɛ fɔ o ye.

Kɛwalew 3:15

Aw ka ɲanamanya banbari tigi faga, nka Ala ka a lakunu ka bɔ saya ra; anw ye a seerew ye.

Kɛwalew 4:33

Sebagayaba tun bɛ ciradenw* fɛ. O tun bɛ Matigi Yesu kunuko fɔ mɔgɔw ye. Ala ta nɛɛma fana tun cayara lanabagaw kan.

Kɛwalew 5:32

Anw le kɛra nin kow seerew ye, ani Nin Saninman*, Ala bɛ o Nin Saninman min di a kanminabagaw ma.»

Kɛwalew 6:8

Etiyɛni fanin tun bɛ Ala ta nɛɛma ni a ta sebagaya ra. A tun bɛ kabakobaw ni tagamasiyɛnw kɛra mɔgɔw cɛ ra.

Kɛwalew 8:1

Sɔli fana tun sɔnna Etiyɛni fagako ma. O lon na, kɔni tɔɔrɔba sera lanabagaw bɛɛ ma Zeruzalɛmu; o tɔɔrɔ bonyakojugu fɛ, lanabagaw bɛɛ janjanna ka taga Zude mara ni Samari mara ra. Ciradenw* dɔrɔn le tora Zeruzalɛmu.

Rɔmukaw 10:18

Ayiwa, ne ko: Yala Izirayɛlimɔgɔw ma o waajuri mɛn le wa? O k’a mɛn kɛ! Sabu a sɛbɛra ko: «O kumakan sera dugukolo fan bɛɛ ra; o ta kumaw sera fɔ dunuɲa danw na.»

Rɔmukaw 15:19

ani tagamasiyɛnw, ani kabakow, ani Ala Nin Saninman ta sebagaya. O cogo le ra, ne ka Kirisita* ta Kibaro Diman fɔ yɔrɔ bɛɛ, k’a damina Zeruzalɛmu ni a laminiw na, ka taga se fɔ Iliri jamana ra.

Kɔlɔsikaw 1:23

Nka aw lɔnin ka kan ka to lanaya ra, foyi kana aw bɔ aw lɔyɔrɔ ra; aw ka jigiya min sɔrɔ Kibaro Diman lamɛnni fɛ, foyi kana aw mabɔ o jigiya ra. O Kibaro Diman min waajuri bɛ kɛra mɔgɔw bɛɛ ye dunuɲa kɔnɔ, Ala ka ne Pɔli fana kɛ a ta baaraden ye o Kibaro Diman waajuri le kama.