Kɛwalew 1:7 - Jula NT of Côte d’Ivoire

⁷ Yesu ka o jaabi ko: «Ne Fa Ala ka wagati min latigɛ, ani a ka tuma min latigɛ ni a yɛrɛ ta fanga ye, aw man kan ka o lɔn.

ALA KA KUMA

⁷ A y'u jaabi ko: «O masaya nin koo ɲanabɔli t'aw ka sira la, o koow be n Faa kelenpe le bolo.

LAYIDUKURA

⁷ A y'u jaabi ko: “O masaya nin koo nyanabɔli t'aw ka sira la, o koow bɛ n Faa kelenpe le bolo.

Kɛwalew 1:7 Iomraidhean Croise

Ayuba 24:1

Mun kosɔn Sebɛɛtigi Ala tɛ wagati dɔ latigɛ kiti kama, k’a to Ala batobagaw ye o lonw ye?

Daniyɛli 2:21

Ale le bɛ se ka wagatiw ni ko nataw yɛlɛma k’a kɛ a sago ye. A bɛ masa dɔ wuri ka dɔ sigi. A bɛ hakiritigiya di hakiritigiw ma, ka lɔnniya di kolɔnbagaw ma.

Matiyu 20:23

Yesu ka o jaabi ko: «Can lo aw bɛna tɔɔrɔ ne ta tɔɔrɔcogo ra. Nka ka sigi ne kininboroyanfan fɛ, walama ne numanboroyanfan fɛ, o dibaga tɛ ne ye. Ne Fa Ala ka o sigiyɔrɔ labɛn mɔgɔ minw ye, a bɛna di olugu le ma.»

Matiyu 24:36

Yesu ko: «Nin kow bɛna kɛ lon min na ni wagati min na, mɔgɔ si tɛ o lɔn; sankolo mɛlɛkɛw t’a lɔn, Dencɛ t’a lɔn; Fa Ala kelenpe le b’a lɔn.

Marika 10:40

Nka ka sigi ne kininboroyanfan fɛ, walama ka sigi ne numanboroyanfan fɛ, o dibaga tɛ ne ye. Ala ka o sigiyɔrɔw labɛn mɔgɔ minw ye, a bɛna di olugu le ma.»

Marika 13:32

«Nin kow bɛna kɛ lon min na, ani wagati min na, mɔgɔ si tɛ o lɔn; hali sankolo mɛlɛkɛw t’a lɔn, hali Den min bɔra Ala ra, ale t’a lɔn; Fa Ala kelenpe le b’a lɔn.

Luka 21:24

O bɛna o faga ni kɛrɛkɛmuruw ye, o bɛna o mina ka taga o kɛ kasodenw ye siya wɛrɛw* ta jamana bɛɛ ra. O cogo ra, siya wɛrɛ mɔgɔw bɛna don Zeruzalɛmu ka o ta fanga sigi fɔ ka taga o ta wagati dafa.»

Kɛwalew 17:26

A ka siyaw bɛɛ dan ka bɔ mɔgɔ kelen na, ka o sigi dugukolo fan bɛɛ ra, ka o ta wagati dantigɛ, ka o sigiyɔrɔw danw yira o ra.

Ɛfɛsikaw 1:10

A tun ko ni wagati dafara, a bɛna o kɛ an ye; a bɛna sankolokɔnɔfɛnw ni dugukolokanfɛnw bɛɛ lajɛn ɲɔgɔn kan ka o bla kuntigi kelen kɔrɔ, ka o kuntigi kɛ Yesu Kirisita ye.

Tim fɔlɔ 6:15

Ni a nawagati sera, Ala yɛrɛ le bɛna a lana. Ale Ala kelenpe le bɛ fɛn bɛɛ kunna. An bɛ ale tɔgɔ le tando; masaw bɛɛ ta Masa lo, ani matigiw bɛɛ ta Matigi.

Tim 2nan 3:1

Ayiwa, Timote, nin kuma to i hakiri ra, k’a lɔn ko dunuɲa labantuma ta wagatiw bɛna gbɛlɛya.