Kɛwalew 1:6 - Jula NT of Côte d’Ivoire

⁶ Ayiwa, ka Yesu ni a ta karamɔgɔdenw lajɛnnin to, karamɔgɔdenw k’a ɲininka ko: «Matigi, i bɛna Izirayɛli* ta masaya sigi kokura o wagati le ra wa?»

ALA KA KUMA

⁶ Kalandenw lajɛnnin tun be Yezu kɔrɔ. U y'a ɲininga ko: «Matigi, sisan lo i bena Isirayɛli ka masaya sigi kura ye wa?»

LAYIDUKURA

⁶ Kalandenw lajɛnnin tun bɛ Yezu kɔrɔ. U y'a nyininga ko: “Matigi, sisan lo i bɛna Isirayɛli ka masaya sigi kura ye wa?”

Kɛwalew 1:6 Iomraidhean Croise

Damina 49:10

Masacɛbere tɛna mabɔ Zuda ta gba ra fiyewu. Kuntigiya bere tɛna bɔ a boro ka ye, fɔ ka taga se kotigi yɛrɛ nawagati ma. Siyaw bɛɛ bɛna o yɛrɛ majigi ale le ye.

Ezayi 1:26

Ne bɛna aw ta kititigɛbagaw sigi o nɔ ra tuun, i ko o tun bɛ cogo min na kakɔrɔ, ka aw ladibagaw fana sigi, i n’a fɔ o tun bɛ cogo min na fɔlɔfɔlɔ. Ni o kɛra, aw ta dugu bɛna wele ko terenninya ta dugu, dugu kankelentigi!»

Yeremi 33:26

o tuma ne tun bɛna ban Yakuba ta duruja ra, ani ne ta jɔncɛ Dawuda ta duruja; ne tun tɛna a ta duruja dɔ ta tuun ka o sigi kuntigiya ra Iburahima, ani Isiyaka ni Yakuba ta durujaw kunna. O kosɔn ne bɛna o ta mɔgɔ minaninw lana, ne bɛna hina o ra tuun.»

Daniyɛli 7:27

O tuma ra, dunuɲa masayaw ta fanga bɛɛ, ani o ta kuntigiya bɛɛ, ani o ta bonya bɛɛ bɛna di Ala kɔrɔtaninba ta mɔgɔ saninmanw le ma. O ta masaya bɛna kɛ masaya banbari le ye. Dunuɲa fagamaw bɛɛ bɛna kɛ o ta jɔnw ye, ka o yɛrɛ majigi o ye.›

Oze ta kitabu 3:4

Ayiwa, Izirayɛlimɔgɔw bɛna wagatijan kɛ, masacɛ tɛna kɛ o fɛ, kuntigi tɛna kɛ o fɛ, o tɛna saraka bɔ, kabakurujan tɛna kɛ o fɛ, o bɛ min sɔn, saninderege tɛna kɛ o fɛ, batofɛn tɛna kɛ o fɛ.

Amɔsi 9:11

«Ayiwa, Dawuda ta so min tun benna, ne bɛna o so lawuri tuun. Ne bɛna a wow datugu, k’a yɔrɔ cɛnninw bɛɛ lalaga, k’a lɔ a cogokɔrɔ ra.

Mise 5:2

O kosɔn Ala bɛna a ta mɔgɔw to o kelen na, fɔ muso min ka kan ka den woro, o ye den woro, ani a balema tɔw ye sekɔ ka taga fara Izirayɛlimɔgɔw kan.

Jakariya 9:9

Aw ye ɲagari kosɛbɛ, Siyɔn dugumɔgɔw! Aw ye ɲagarikanbaw bɔ, Zeruzalɛmu dugumɔgɔw! A flɛ, aw ta masacɛ bɛ nana aw fɛ! A terennin lo, a ka se sɔrɔ; a majiginin yɛlɛnin bɛ fali le kan; a yɛlɛnnin bɛ faliden dɔ kan, falimuso ta falidennin.

Matiyu 17:11

Yesu ka o jaabi ko: «Can lo Iliya le ka kan ka na fɔlɔ ka fɛn bɛɛ labɛn.

Matiyu 20:21

Yesu ko a ma ko: «I bɛ mun le fɛ?» A ko: «Ne b’a fɛ ko ni i nana sigi i ta masaya ra, ne dencɛ fla minw ye nin ye, i ye a to kelen ye sigi i kininboroyanfan fɛ, tɔ kelen ye sigi i numanboroyanfan fɛ.»

Matiyu 24:3

Yesu tagara sigi Oliviyesunw kuru kan. A ta karamɔgɔdenw nana o danna ka na a ɲininka ko: «O kow bɛna kɛ wagati min na, ani i nawagati tagamasiyɛn ni dunuɲa labanwagati tagamasiyɛn fɔ an ye.»

Marika 9:12

Yesu ka o jaabi ko: «Can lo, cira Iliya bɛna na fɔlɔ ka na fɛn bɛɛ labɛn; nka mun na a sɛbɛra Ala ta Kuma ra ko: ‹Min kɛra Adamaden ye*, ko o ka kan ka tɔɔrɔ kosɛbɛ, ani ko mɔgɔw bɛna a mafiyɛnya?›

Luka 17:20

Farisi* dɔw ka Yesu ɲininka, ko Ala ta Masaya* bɛna na wagati juman le? Yesu ka o jaabi ko: «Ala ta Masaya tɛna na i ko flɛrifɛn, mɔgɔw fɛ.

Luka 19:11

Ayiwa, ka mɔgɔw to o bɛ Yesu lamɛnna, a ka talen dɔ la o ye; sabu o tun bɛ surunyara Zeruzalɛmu na, ani mɔgɔw ta miiriya tun ye ko Ala ta Masaya* bɛna sigi o wagati yɛrɛ le ra.

Luka 22:29

O le kosɔn, ne bɛ Ala ta Masaya* labla aw ye, i n’a fɔ ne Fa ka a labla ne ye cogo min na.

Yuhana 21:21

Ayiwa, Piyɛri ka o karamɔgɔden ye minkɛ, a ko Yesu ma ko: «Matigi, nin do, mun le bɛna ale sɔrɔ?»