Kɛwalew 1:24 - Jula NT of Côte d’Ivoire

²⁴ O kɔ, lanabagaw ka Ala daari, ko: «Matigi, ele min bɛ mɔgɔ bɛɛ jusukun lɔn, i ka kelen min ɲanawoloma nin mɔgɔ fla ra, o yira an na,

ALA KA KUMA

²⁴ O kɔ, u ye Ala daali ko: «Matigi, e min be mɔgɔ bɛɛ kɔnɔnako lɔn, n'i b'a fɛ mɔgɔ fila nunu na min ka kɛ i ka baarakɛla ye, o yira an na.

LAYIDUKURA

²⁴ O kɔ, u ye Ala dali ko: “Matigi, e min bɛ mɔgɔ bɛɛ kɔnɔnako lɔn, n'i b'a fɛ mɔgɔ fila nunu na min ka kɛ i ka baarakɛla ye, o yira an na.

Kɛwalew 1:24 Iomraidhean Croise

Mas fɔlɔ 8:39

i ye to i sigiyɔrɔ ra sankolo ra yi ka o lamɛn. I ye yafa o ma, ka bɛɛ sara ka kaɲa ni a ta kɛwale ye, sabu ele kelen le ka adamadenw bɛɛ jusukunnako lɔn.

Lok fɔlɔ 28:9

«Ele Sulemani, ne dencɛ, i ka kan ka tugu i facɛ ta Ala le kɔ, k’a bato ni i jusukun bɛɛ ye, ni ŋaninyaɲuman ye, sabu Matigi Ala bɛ mɔgɔ jusukunnakow bɛɛ sɛgɛsɛgɛ; ko o ko bɛ mɔgɔ ta miiriya ra, a bɛ o bɛɛ lɔn. Ni i ka tugu a kɔ, a bɛna a yɛrɛ yira i ra; nka ni i ka bɔ a kɔ, ale fana bɛna ban i ra pewu.

Lok fɔlɔ 29:17

Ne ta Ala, ne k’a lɔn ko i bɛ mɔgɔ jusukun sɛgɛsɛgɛ, sabu jusukun terennin le ka di i ye. O kosɔn ne ka nin fɛnw bɛɛ di i ma ne yɛrɛ sago ma ni jusukun terennin le ye; ne fana bɛ ɲagari k’a ye ko sisan i ta mɔgɔ minw bɛ yan, ko olugu fana ka o borofɛnw di i ma o yɛrɛ sago ma.

Zaburu 44:21

Ni an tun ɲinana an ta Ala tɔgɔ kɔ, ni an tun ka an boro lɔ batofɛn wɛrɛw le ye,

Zaburu 7:9

Matigi Ala le bɛ siyaw ta kiti tigɛ; Matigi Ala, ne ta kiti tigɛ ka kaɲa ni ne ta terenninya ye, ka kaɲa ni ne ta jusukungbɛninya ye.

Zanaw 15:11

Saya dibi ni lahara dibi, o si dogonin tɛ Matigi Ala ɲa kɔrɔ, janko ka n’a fɔ adamaden jusukun!

Yeremi 11:20

Nka Fangatigi Ala ye kititigɛbaga terennin le ye, a bɛ adamaden jusukunnakow ni a ta miiriyaw bɛɛ sɛgɛsɛgɛ. Ala, i bɛna i yɛrɛ dimibɔ o ra cogo min na, a to ne ɲa ye o ye, sabu ne ka ne yɛrɛ karifa ele le ma.

Yeremi 17:10

Ne Matigi Ala, ne bɛ mɔgɔ jusukun sɛgɛsɛgɛ, k’a kɔnɔnɔkow bɛɛ jate mina, janko ka bɛɛ sara ka kaɲa ni a tagamacogo ye, ka bɛɛ sara ka kaɲa ni a ta kɛwalew ye.

Yeremi 20:12

Fangatigi Ala bɛ mɔgɔ terennin sɛgɛsɛgɛ, a b’a kɔnɔnɔkow ni a jusukunnakow bɛɛ lɔn. Ala, ni i bɛ i yɛrɛ dimibɔ o ra tuma min na, a to ne ɲa ye o ye, sabu ne ka ne yɛrɛ to ele le boro.

Jateri 27:16

«Matigi Ala, ele Ala min ye adamaden bɛɛ nin tigi ye, o tuma ele ye mɔgɔ dɔ sigi jama kunna,

Luka 16:15

Yesu ko o ma ko: «Aw bɛ aw yɛrɛ kɛ mɔgɔ terenninw ye mɔgɔw ɲa na, nka Ala ka aw jusukun lɔn, sabu adamadenw bɛ min jate, k’a bonya, Ala bɛ o kɔninya le.»

Yuhana 21:17

Yesu ko Piyɛri ma a siɲaga sabanan na ko: «Yuhana dencɛ Simɔn, i bɛ ne kanu wa?» Piyɛri ɲa sisira, sabu Yesu ka a ɲininka fɔ siɲaga saba, ko: «I bɛ ne kanu wa?» A ko Yesu ma o le ra ko: «Matigi, i ka fɛn bɛɛ lɔn; ele yɛrɛ k’a lɔn ko ne bɛ ele kanu.» Yesu ko a ma ko: «I janto ne ta sagadenw na.»

Kɛwalew 14:23

O ka ɲamɔgɔ dɔw ɲanawoloma ka o sigi o jɛnkuruw bɛɛ kelen kelen kunna. O kɔ, o ka sun don ka Ala daari, ka o karifa Matigi ma, o lara Matigi min na.

Kɛwalew 15:8

Ala min bɛ mɔgɔ bɛɛ jusukunnakow lɔn, ale k’a yira ko a sɔnna o ma, o le kosɔn a ka Nin Saninman* di o ma, i n’a fɔ a k’a di an ma cogo min na.

Kɛwalew 6:6

O nana o mɔgɔ wolonfla yira ciradenw* na. Olugu ka Ala daari o ye, ka o boro la o kan ka dugawu kɛ o ye.

Rɔmukaw 8:27

O ra, Ala min bɛ mɔgɔ jusukunnakow bɛɛ lɔn, ale bɛ Nin Saninman ta miiriyaw lɔn; sabu Nin Saninman bɛ daariri kɛ Ala ta mɔgɔ saninmanw ye ka kaɲa ni Ala sago le ye.

Heburuw 4:13

Danfɛn si tɛ yi min dogonin lo Ala ɲa kɔrɔ. Fɛn bɛɛ bɛ a ɲa kɔrɔ kɛnɛ kan, fɛn si dogonin tɛ a ma; an bɛna taga lɔ ale Ala min ɲa kɔrɔ, janko an bɛɛ ye an ta fɔ.

Yirari 2:23

Ne bɛna a denw fana faga. Lanabagaw ta jɛnkuruw bɛɛ bɛna a lɔn ko ne le bɛ adamaden ta miiriya ni a jusukunnakow bɛɛ lɔn. Ne bɛna aw bɛɛ sara ka kaɲa ni aw yɛrɛ ta kɛwalew le ye.

Sam fɔlɔ 14:41

Sawuli ka Matigi Ala daari k’a fɔ ko: «Izirayɛli ta Ala, mun kosɔn i ma i ta jɔncɛ jaabi bi? Ni a kɛra ko jurumun bɛ ne le ra walama ni a bɛ ne dencɛ Yonatan le ra, o tuma i ye ne jaabi ni Urimi ye; nka ni a kɛra ko Izirayɛlimɔgɔw le firira ka jurumun kɛ, ne jaabi ni Tumimi ye.» Ayiwa, Ala ka Sawuli ni Yonatan le yira; kɛrɛkɛden tɔw nin bɔra a ra.

Sam fɔlɔ 16:7

Nka Matigi Ala k’a fɔ Samawilu ye ko: «I kana a fari cogoya flɛ, walama a janya; sabu ne ma ale le ɲanawoloma. Adamadenw bɛ min jate fɛn ye, Ala tɛ o jate foyi ye; sabu adamaden ɲa bɛ min ye, a bɛ ɲabɔ o le fɛ, k’a sɔrɔ Matigi Ala bɛ mɔgɔ jusukun le flɛ.»