Daniyɛli 9:7 - Jula NT of Côte d’Ivoire

⁷ « ‹Matigi Ala, ele kɔni terennin lo; anw le maroyara bi, anw minw bɔra Zuda, ani minw bɔra Zeruzalɛmu, ani Izirayɛlimɔgɔ tɔw bɛɛ, minw yɔrɔ ka surun, ani minw yɔrɔ ka jan, i ka minw bɛɛ gbɛn ka taga jamana wɛrɛw ra, sabu an ka i kan bla ka terenbariyakow kɛ.

ALA KA KUMA

⁷ Matigi, e ta le ye tiɲɛ ye. Anw kɔni ta ye maloya le ye, i n'a fɔ bii yɛrɛ. Maloya ye an Zuda mara mɔgɔw ta ye, ni Zeruzalɛmukaw ta ye, ani Isirayɛlidenw bɛɛ, a yɔrɔsurun mɔgɔ n'a yɔrɔjan mɔgɔw bɛɛ, u y'u gwɛn ka taga to jamana o jamana kɔnɔ, u ka tilenbaliya kosɔn, u ye min kɛ ele la.

Daniyɛli 9:7 Iomraidhean Croise

Ɛsidarasi 9:13

«Ayiwa, nin ko min sera an ma, o ye an yɛrɛ ta kɛwalejuguw ni an ta hakɛ caman nɔ le ye. Nka o bɛɛ n’a ta, an ta Ala, i ka hakɛ min bɔ an na, an ta jurumun tun ka ca ni o bɛɛ ye belen; i fana ka mɔgɔ dama dama ɲanaman to an ye.

Ɛsidarasi 9:15

E, Matigi Ala, Izirayɛli ta Ala, i terennin lo! Anw mɔgɔ dama dama le tora bi. An flɛ i ɲa kɔrɔ ni an ta hakɛw ye; k’a sɔrɔ mɔgɔ si tɛ se ka lɔ ele ɲa kɔrɔ nin cogo ra tan.»

Nehemi 9:33

I sɔnna k’a to ko o ko ye se an ma, jo tun bɛ i fɛ o bɛɛ ra; sabu ele kɔni kɛra kankelentigi le ye, nka anw ka kojugu kɛ.

Zaburu 119:137

E, Matigi Ala, i terennin lo, i ta kolatigɛninw fana ka ɲi.

Zaburu 44:15

I k’a to siya tɔw bɛ zanaw fɔ ni anw tɔgɔ le ye; siya tɔw bɛ o kun yuguyugu anw le ra.

Zaburu 51:14

Ne kisi, ka o kisiri ɲagari don ne jusukun na, ka hakiriɲuman di ne ma, ka baraka don ne ra.

Zaburu 51:4

Ne ko, ka ne bɔ ne ta terenbariyaw bɛɛ ra pewu; ne saninya ka bɔ ne ta jurumun na.

Ezayi 11:11

O lon na, kɔni, Matigi Ala bɛna a boro kɔrɔta tuun a siɲaga flanan na, k’a ta mɔgɔ tɔw kunmabɔ, a ta mɔgɔ tɔ minw tun tora Asiri, ani Misiran, ani Patɔrɔsi, ani Etiyopi, ani Elamu, ani Sinehari, ani Hamati ani kɔgɔji kɔfɛjamanaw ra.

Ezayi 45:16

Jo lalagabagaw maroyara fɔ ka o kun suuru; o bɛɛ kun suurunin le bɛ sekɔra ka taga.

Yeremi 12:1

«E. Matigi Ala, ele terennin lo tuma bɛɛ; ne bɛ se ka sɔsɔri kɛ ni ele ye cogo di? O bɛɛ n’a ta, ne bɛna i ɲininka i ta terenninya ko ra: Mun le kosɔn mɔgɔjuguw ta kow bɛ ɲa o boro dɛ? Mun le kosɔn janfamɔgɔw siginin bɛ to ɲasuma ra?

Yeremi 23:6

Ale ta wagati ra, Zuda mara bɛna kisi, Izirayɛli jamana bɛna sigi hɛra ni laganfiya ra; o bɛna a wele tɔgɔ min na o ye ko: Matigi Ala, an ta terenninya tigi.

Yeremi 24:9

Ne bɛna min kɛ o ra, o bɛna kɛ jatigɛkoba ye dugukolo siyaw bɛɛ fɛ, k’a to bɛɛ ye o ta bɔnɔ ye; ne bɛna o gbɛn ka taga yɔrɔ minw na, o yɔrɔ mɔgɔw bɛɛ bɛna o mafiyɛnya, ka o tɔgɔ don o ta zanaw ra, ka o lɔgɔbɔ, ka o danga.

Yeremi 3:25

Maroya le kɛra an ta lanan ye, ka dɔgɔyari kɛ an ta birifani ye; sabu an ka jurumun kɛ ka Matigi Ala, an ta Ala hakɛ ta, anw ni an bɛmaw. K’a ta an denmisɛnman, fɔ bi; an ma sɔn ka Matigi Ala, an ta Ala lamɛn.»

Yeremi 32:32

Izirayɛli ta mɔgɔw, ani Zuda mɔgɔw ta kojuguw bɛɛ kosɔn, o ka kojugu minw kɛ ka ne jusu bɔ, olugu ni o ta masacɛw, ani o ta jamana ɲamɔgɔw, ani o ta sarakalasebagaw, ani Zuda mara mɔgɔw, ani Zeruzalɛmukaw.

Yeremi 33:16

O wagati ra, Zuda mara bɛna kisi, Zeruzalɛmu bɛna kɛ hɛra ni laganfiya ra. A bɛna wele ni tɔgɔ min ye, o ye nin ye ko: ‹Matigi Ala, an ta terenninya tigi.› »

Yeremi 4:17

O bɛna Zeruzalɛmu lamini i ko forokɔrɔsibagaw, sabu o murutira ne ma. Matigi Ala ko ten.

Yeremi 7:19

Yala o bɛ ne le jusu bɔra wa? Matigi Ala ko ten. O t’a kɛra o yɛrɛ le ra, ka na maroya bla o yɛrɛ ra wa?»

Ezekiyɛli 16:63

I hakiri bɛna jigi i ta kɛwale tɛmɛninw na, ka maroya; o ra ni ne nana i ta kojuguw bɛɛ kafari wagati min na, maroya kosɔn i tɛna sɔn ka i da yɛlɛ tuun ka kuma. Dunuɲatigi Ala ko ten.»

Ezekiyɛli 36:31

Ni o kɛra, aw bɛna aw hakiri jigi aw ta tagamacogojuguw ra, ani aw ka ko bɛnbari minw kɛ; aw bɛna ɲigi aw yɛrɛ ra, aw ta terenbariyakow, ani aw ta ko haramuninw kosɔn.

Ezekiyɛli 5:10

Facɛ dɔw bɛna o dencɛw sogo domu aw ta dugu kɔnɔ; dencɛ dɔw fana bɛna o facɛ sogo domu. Ne bɛna ne ta kitiw ben aw kan, ka aw ta mɔgɔ ɲanaman tɔw bɛɛ janjan ka taga fan bɛɛ ra.

Ezekiyɛli 6:12

Banajuguw bɛna yɔrɔjanmɔgɔw faga, kɛrɛkɛmuru bɛ yɔrɔsurunmɔgɔw faga; mɔgɔ tɔ minw bɛna to dugu kɔnɔ, ni o juguw nana dugu lamini, kɔngɔ bɛna olugu faga. Ne bɛna ne ta jusugban wuri o kama ka se fɔ a dan ma.

Daniyɛli 9:14

O le kosɔn Matigi Ala, i k’a dabɔ a kama k’a to o kojuguw ye an sɔrɔ; sabu, Matigi Ala, an ta Ala, i terennin lo i ta kokɛtaw bɛɛ ra; nka anw le ma sɔn ka i ta cifɔninw lamɛn.

Daniyɛli 9:18

« ‹Ne ta Ala, sabari ka i toro malɔ, ka an lamɛn. I ɲa lɔ an ta jamana ra k’a cɛncogo flɛ! I tɔgɔ sigira dugu min na, o cɛncogo flɛ! An tɛ i daarira ka makarikanw fɔ anw ta terenninya le kosɔn, nka an bɛ i daarira i ta hinaba le kosɔn.

Daniyɛli 9:8

« ‹E, Matigi Ala, anw le maroyara, an ni an ta masacɛw, ani an ta jamana ɲamɔgɔw, ani an bɛmaw; sabu anw ka i hakɛ ta.

Amɔsi 9:9

Sabu ne kɔni k’a latigɛ ko ne bɛna Izirayɛli ta somɔgɔw yuguyugu siya tɔw bɛɛ cɛ ra, i n’a fɔ o bɛ simankisɛ yuguyugu tɛmɛ kɔnɔ cogo min na, janko hali bɛrɛkoro den kelen kana ben dugu ma ka ɲagami siman na.

Rɔmukaw 6:21

Nka aw ka mun nafa le sɔrɔ o kɛwalew ra? O laban bɛ maroya le blara aw ra sisan, sabu o kow laban ye saya le ye.

Sariya 32:4

Ale le ye an ta barakatigi ye, a ta kɛwale bɛɛ dafanin lo; a ta siraw bɛɛ terennin lo. Ala kankelentigi lo, a tɛ ko bɛnbari si kɛ; a terennin lo, cantigi Ala lo.

Sariya 4:27

Matigi Ala bɛna aw janjan ka taga siya tɔw cɛ ra; a bɛna aw lataga o siya minw cɛ ra, aw tɔ bɛna taga to mɔgɔ dama dama dɔrɔn o siyaw cɛ ra yi.