Daniyɛli 9:6 - Jula NT of Côte d’Ivoire

⁶ « ‹I ta jɔnw, minw ye i ta ciraw ye, i ka olugu ci ka kuma an ta masacɛw ni an ta fagamaw ni an bɛmaw ni an ta jamana mɔgɔw bɛɛ fɛ; nka an ma sɔn ka olugu ta kuma lamɛn.

ALA KA KUMA

⁶ An ma mɛnni kɛ kiraw fɛ, i ka baarakɛlaw, minw y'i ka kuma fɔ an ka masaw ye, n'an ɲamɔgɔw, n'an bɛmaw ye, ani jamanadenw bɛɛ ye.

Daniyɛli 9:6 Iomraidhean Croise

Mas 2nan 18:12

O kow tun kɛra o ra, sabu Izirayɛlimɔgɔw tun ma sɔn ka Matigi Ala, o ta Ala ta kuma le lamɛn; Ala tun ka jɛnɲɔgɔnya* min don ni o ye, o ka o cɛn. Matigi Ala ta baaraden Musa tun ka kuma minw bɛɛ fɔ o ye, o ma o si lamɛn, o fana m’a sira tagama.

Lok 2nan 33:10

Matigi Ala kumana Manase ni a ta mɔgɔw fɛ, nka o ma o janto a ta kuma ra.

Ɛsidarasi 9:7

K’a ta an bɛmaw ta tere ra, ka na se fɔ bi ma, an ta jurumunw cayara. An ta jurumunw le kosɔn, anw ni an ta masacɛw ni an ta sarakalasebagaw donna siya wɛrɛ mɔgɔw ta masacɛw boro, k’a to o ka an faga, ka an mina ka bɔ an ta jamana ra, ka an borofɛnw cɛ, ka an lamaroya i n’a fɔ an bɛ cogo min na bi.

Nehemi 9:30

I muɲuna o kɔrɔ san caman. I ka i Nin don i ta ciraw kɔnɔ; olugu kumana o fɛ k’a gbɛlɛya; nka o bɛɛ n’a ta, o ma i lamɛn. A kɛra ten minkɛ, i ka o don jamana wɛrɛ mɔgɔw boro.

Nehemi 9:32

Sisan, an ta Ala, Alaba, Setigi Ala, siranyafɛnba, ele min bɛ to i ta jɛnɲɔgɔnya kan tuma bɛɛ, ele min bɛ koɲuman kɛ tuma bɛɛ; tɔɔrɔ min sera an ma, anw ni an ta masacɛw, ani an ta fagamaw, ani an ta sarakalasebagaw, ani an ta ciraw, ani an bɛmaw, ani jamana mɔgɔw bɛɛ, kabini Asiri masacɛw ta wagati ra, fɔ ka na se bi ma, i kana o tɔɔrɔ jate ko fitini ye.

Nehemi 9:34

An ta masacɛw, ani an ta fagamaw ani an ta sarakalasebagaw, ani an bɛmaw, olugu ma i ta sariya sira tagama; o ma o janto i ta kumaw ra, ani i ka kankari minw la o ye, o ma o jate.

Yeremi 26:5

ni aw ma ne ta baaradenw ta kumaw lamɛn, minw ye ne ta ciraw ye, ne tun bɛ olugu minw ci aw fɛ lon o lon, nka aw tɛ o lamɛnna,

Yeremi 29:19

sabu o ma ne ta kuma lamɛn, Matigi Ala ko ten, k’a sɔrɔ ne ka ne ta baaradenw ci o fɛ, minw ye ciraw ye; ne tun bɛ olugu ci o fɛ lon o lon, nka aw si ma o lamɛn. Matigi Ala ko ten.›

Yeremi 44:16

«I bɛ kuma min fɔra an ye Matigi Ala tɔgɔ ra, an tɛna o lamɛn i fɛ!

Yeremi 7:13

Sisan, i n’a fɔ aw bɛ nin kow le kɛra, Matigi Ala ko ten, i n’a fɔ ne kumana aw fɛ lon bɛɛ, aw ma ne lamɛn, ne ka aw wele, aw ma ne jaabi,

Yeremi 7:24

Nka o ma ne lamɛn, o ma o toro malɔ ne ta kuma ra. O tagamana ka kaɲa ni o yɛrɛ jusukun ta miirijuguw le ye; sani o ye taga ɲa, o kɔsegira le.

Daniyɛli 9:10

An banna ka Matigi Ala, an ta Ala kan mɛn; a k’a ta sariya minw di a ta jɔnw ma, minw ye a ta ciraw ye, k’a lase an ma, an ma sɔn ka o sariyaw sira tagama.

Daniyɛli 9:9

« ‹Nka ele min ye Matigi Ala ye, an ta Ala, ele bɛ hina, i bɛ yafa an ma, hali ni an murutira ka i ta sariya sira bla.

Matiyu 23:37

Yesu ko: «E, Zeruzalɛmu! Zeruzalɛmu! Ele min bɛ ciraw faga, ani Ala bɛ mɔgɔ minw ci i fɛ, i bɛ olugu bon ni kabakuru ye ka o faga! Siɲaga caman ne tun b’a fɛ ka i ta denw lajɛn, i ko sisɛba bɛ a denw lajɛn a kaman kɔrɔ cogo min na, nka aw ma sɔn o ma.

Kɛwalew 13:27

Sabu Yahudiya minw bɛ Zeruzalɛmu, olugu ni o kuntigiw m’a faamu ko Yesu le ye Kisibaga ye; ciraw ta kuma min bɛ karan o ye Nɛnɛkirilon* o Nɛnɛkirilon, o ma o fana faamu. Nka o ka kiti tigɛ Yesu kan, k’a to o ciraw ta kumaw kɛra can ye.