Daniyɛli 9:5 - Jula NT of Côte d’Ivoire

⁵ An ka jurumun kɛ, an ka ko bɛnbariw kɛ, an ka kojuguw kɛ, an murutira ka i ta sariyaw sira bla, ka ban i ta cifɔninw na.

ALA KA KUMA

⁵ An ye hakɛ kɛ. An filila, an fariyara, an murutira i ma. An banna i ka sariyaw, n'i ka fɔta ma.

Daniyɛli 9:5 Iomraidhean Croise

Mas 2nan 18:12

O kow tun kɛra o ra, sabu Izirayɛlimɔgɔw tun ma sɔn ka Matigi Ala, o ta Ala ta kuma le lamɛn; Ala tun ka jɛnɲɔgɔnya* min don ni o ye, o ka o cɛn. Matigi Ala ta baaraden Musa tun ka kuma minw bɛɛ fɔ o ye, o ma o si lamɛn, o fana m’a sira tagama.

Mas 2nan 21:15

sabu o ka kojugu kɛ Matigi Ala ɲa kɔrɔ. Kabini lon min na o bɛmaw bɔra Misiran jamana ra, fɔ ka na se bi ma, o bɛ to ka ne jusu bɔ le dɔrɔn.› »

Ɛsidarasi 9:6

Ne k’a daari k’a fɔ ko: «E, ne ta Ala, ne maroyara fɔ ka ne kun suuru; ne tɛ se hali ka ne ɲa kɔrɔta i fan fɛ, ne ta Ala; sabu an ta jurumunw cayara fɔ ka an kun datugu. An ta hakɛw cayara ka se fɔ sankolo ma.

Zaburu 106:6

Anw fana ka jurumun kɛ i ko an bɛmaw, an ka ko bɛnbariw kɛ, ka kojuguw kɛ fana.

Zaburu 119:102

Ne tɛ ne yɛrɛ mabɔ i ta kolatigɛninw na; sabu ele le bɛ ne karan.

Zaburu 119:176

Ne bɛ yaalara ne kun fɛ i ko sagaden tununin: i ta jɔn yɔrɔɲini, sabu ne tɛ ɲina i kumakanw kɔ.

Zaburu 18:21

Matigi Ala ka ne mina ka kaɲa ni ne ta terenninya le ye; a ka ne sara, sabu ne boro ka kɛwale minw kɛ, o bɛɛ saninyanin lo;

Ezayi 53:6

An bɛɛ tun bɛ yaala an kun fɛ i ko sagaw, an bɛɛ kelen kelen tun bɛ taga an ta sira le fɛ; nka Matigi Ala ka an bɛɛ ta kojuguw hakɛ ben ale kan.

Ezayi 59:13

An ka hakɛkow kɛ, ka an yɔrɔ janya Matigi Ala ra, ka an kɔ di an ta Ala ma, ka tɔɲɔrikumaw fɔ, ka muruti, ka faninyakumaw miiri an yɛrɛ kɔnɔ ka o fɔ.

Ezayi 64:4

Minw tun bɛ terenninya sira tagama ni ninsɔndiya ye, i tun bɛ olugu kunbɛn, ani minw tun bɛ o hakiri to i ra ka i ta sira tagama. I jusu bɔra an kɔrɔ, sabu an ka jurumun kɛ; nka ni an ka sirakɔrɔ ta, o le bɛna an kisi.

Yeremi 14:20

E, Matigi Ala, an lɔra an ta juguya ra, ani an bɛmaw ta terenbariya; sabu an ka jurumun kɛ ka i hakɛ ta.

Yeremi 14:7

Mɔgɔw ko: «E, Matigi Ala, hali ni an ta terenbariya ka an jaraki, an dɛmɛ i tɔgɔ kosɔn! An ta lanabariya bonyara, an ka jurumun kɛ, ka i hakɛ ta.

Yeremi 3:25

Maroya le kɛra an ta lanan ye, ka dɔgɔyari kɛ an ta birifani ye; sabu an ka jurumun kɛ ka Matigi Ala, an ta Ala hakɛ ta, anw ni an bɛmaw. K’a ta an denmisɛnman, fɔ bi; an ma sɔn ka Matigi Ala, an ta Ala lamɛn.»

Yeremi 30:14

Aw kanubagaw bɛɛ ɲinana aw kɔ, o si tɛ aw yɔrɔɲini tuun. Ne ka aw kɛrɛ i ko mɔgɔ b’a jugu kɛrɛ cogo min na; ne ka aw koro hali ne ma hina aw ra, aw ta terenbariyaw cayakojugu kosɔn, ani aw ta jurumunw bonyakojugu kosɔn.

Yeremi 44:3

O kɛra o mɔgɔw ta kojuguw le kosɔn. O ka ne jusu bɔ, sabu o tagara wusunan sarakaw* bɔ ala wɛrɛw ye, ka o bato, olugu yɛrɛ tun ma ala minw lɔn, aw ni aw bɛmaw si tun ma ala minw lɔn.

Kasikan 1:18

Matigi Ala ta le ye can ye; sabu ne le murutira ka ban a ta kuma ma. Aw siyaw bɛɛ, aw ye ne lamɛn! Aw ye ne ta dimi flɛ: O ka ne ta sungurudenw, ani ne ta kanbelenw mina ka taga ni o ye.

Kasikan 1:20

E, Matigi Ala, a flɛ, ne deguninba lo. Ne kɔnɔ bɛɛ ɲagamina; ne jusu bɛɛ ɲagamina, sabu ne le murutira ka ban i ta kuma ma pewu! Kɛnɛ ma, mɔgɔw bɛ fagara ni kɛrɛkɛmuru ye; so kɔnɔ, saya le bɛ yi!

Kasikan 3:42

An kɔni ka i hakɛ ta, an kɛra mɔgɔ murutininw ye; ele fana ma sɔn ka yafa an ma.

Ezekiyɛli 5:6

Nka a murutira ne ta kolatigɛninw ma, ka kojugu kɛ ka tɛmɛ hali siya tɔw kan. A murutira ne ta cifɔninw ma ka tɛmɛ hali a lamini jamanaw kan; sabu a ta mɔgɔw banna ne ta kolatigɛninw ma, o ma ne ta cifɔninw sira tagama.

Ezekiyɛli 6:9

O mɔgɔ minw bɔsira, o minana ka taga o jamana minw na, ka olugu to o jamanaw ra, o bɛna o hakiri jigi ne ra; k’a lɔn ko o banna ne ra, ka o kɔ di ne ma, ka ɲabɔ o ta jow fɛ minkɛ, ko o le kosɔn, ne ka o jigi tigɛ. O ka kojugu minw kɛ ani o ka ko haramunin minw bɛɛ kɛ, o kosɔn o bɛna ɲigi o yɛrɛ ra.

Daniyɛli 9:11

« ‹Izirayɛlimɔgɔw bɛɛ le ka i ta sariyaw cɛn. O bɛɛ le ka o kɔ di, ka ban ka i ta kuma lamɛn. O le kosɔn, danga ni kojugu minw fɔra Ala ta jɔncɛ Musa ta sariya ra, o dangaw benna an kan, sabu an ka Ala hakɛ ta.

Daniyɛli 9:15

« ‹Ayiwa, sisan an Tigi Ala, ele le ka i ta mɔgɔw ɲamina ka o labɔ Misiran jamana ra, i ta sebagaya baraka ra, ka i tɔgɔ bonya fɔ ka na se bi ma. Nka anw ka i hakɛ ta, an jarakira.

Daniyɛli 9:9

« ‹Nka ele min ye Matigi Ala ye, an ta Ala, ele bɛ hina, i bɛ yafa an ma, hali ni an murutira ka i ta sariya sira bla.

Oze ta kitabu 1:2

Matigi Ala ka kuma min fɔ Oze ye, ko a y’a lase mɔgɔw ma, o kuma damina ye nin ye. Matigi Ala k’a fɔ Oze ye ko: «Taga jatɔmuso dɔ furu, ka jatɔmusodenw sɔrɔ ni a ye; sabu jamana k’a yɛrɛ bla jatɔyajugu le ra; o ka o kɔ don Matigi Ala ra.»

Malaki 3:7

Kabini aw bɛmaw ta wagati ra, aw jɛngɛra ka mabɔ ne ta cifɔninw na; aw ma o sira tagama. O ra, aw ye sekɔ ka na ne fɛ, ne fana bɛna sekɔ aw fɛ, Fangatigi Ala ko ten. Nka aw ko: «An ye sekɔ i fɛ cogo di?»

Heburuw 3:12

Ne balemaw, aw ye aw yɛrɛ kɔrɔsi, mɔgɔ si kana sɔrɔ aw ra, jusujugu ni lanabarijusu bɛ min na, fɔ ka ban ka Ala ɲanaman kan mina.