Daniyɛli 9:4 - Jula NT of Côte d’Ivoire

⁴ Ne ka Matigi Ala, ne ta Ala daari, ko a ye an ta jurumunw yafa. Ne ko: ‹E, Matigi Ala, ele le ka bon, i bɛ siranyakobaw kɛ. Minw bɛ i kanu, ka i ta sariya sira tagama, i bɛ to i ta jɛnɲɔgɔnya ra ni olugu ye, ka koɲuman kɛ o ye.

ALA KA KUMA

⁴ Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Daniyɛli 9:4 Iomraidhean Croise

Mas fɔlɔ 8:23

«E, Matigi Ala, Izirayɛli ta Ala! Ele bɔɲɔgɔnko Ala tɛ san fɛ, sankolo ra, walama dugu ma, dugukolo kan yan. I ta jɔn minw bɛ i ta siraw tagama ka ɲa ni o jusukun bɛɛ ye, i bɛ to jɛnɲɔgɔnya ra ni olugu ye ka koɲuman kɛ o ye.

Lok 2nan 7:14

ayiwa, ne ta mɔgɔw, ne tɔgɔ lara minw na, ni olugu ka o yɛrɛ majigi, ka ne daari, ka jija ka ne ta nɛɛma ɲini, ni o ka o ta sirajuguw bla, ne bɛna to sankolo ra ka o lamɛn, ka o ta jurumunw yafa o ma, ka o ta jamana kɛnɛya.

Ɛsidarasi 10:1

Ayiwa, Ɛsidarasi tun k’a kinbiri gban Ala ta batoso ɲa fɛ, a bɛ Ala daarira, ka o ta jurumunw fɔ, ka kasi. K’a to o ra, Izirayɛli cɛw, ani a musow, ani a denmisɛnw camanba nana a lamini; olugu fana tun bɛ kasira kosɛbɛ.

Nehemi 1:5

Ne ko: «E, Matigi Ala, sankolo tigi Ala, i ka bon, i ye siranyafɛnba le ye. Ele le bɛ to i ta jɛnɲɔgɔnya ra, ka koɲuman kɛ i kanubagaw, ani i ta kuma siratagamabagaw ye.

Nehemi 9:32

Sisan, an ta Ala, Alaba, Setigi Ala, siranyafɛnba, ele min bɛ to i ta jɛnɲɔgɔnya kan tuma bɛɛ, ele min bɛ koɲuman kɛ tuma bɛɛ; tɔɔrɔ min sera an ma, anw ni an ta masacɛw, ani an ta fagamaw, ani an ta sarakalasebagaw, ani an ta ciraw, ani an bɛmaw, ani jamana mɔgɔw bɛɛ, kabini Asiri masacɛw ta wagati ra, fɔ ka na se bi ma, i kana o tɔɔrɔ jate ko fitini ye.

Zaburu 32:5

O kosɔn ne lɔra ne ta jurumun na, k’a fɔ i ye; ne ma ne ta terenbariyakow dogo tuun. Ne ko: «Ne bɛna lɔ ne ta jurumunw na k’a fɔ Matigi Ala ye!» O ra, ele ka ne ta jurumun kunko bɔ ne kunna.

Bɔri 20:6

Nka mɔgɔ minw bɛ ne kanu, ka ne ta sariyaw sira tagama, ne bɛ koɲuman kɛ olugu ye, k’a kɛ o ta denw ye, ani o ta denw ta denw, fɔ ka taga se o ta duruja waga kelennan ma.

Yeremi 3:13

Aw ye lɔ aw ta terenbariya ra dɔrɔn, k’a lɔn ko aw murutira Matigi Ala, aw ta Ala le ma. Aw tagara aw yɛrɛ di ala wɛrɛw ma yɔrɔ caman na, yiriba flaburumanw bɛɛ jukɔrɔ; aw ma sɔn ka ne kan lamɛn. Matigi Ala ko ten.› »

Yeremi 32:23

O nana, ka na o jamana tigiya ta, nka o ma sɔn ka i kan mina, o ma i ta sariya sira tagama; i tun ka fɛn o fɛn fɔ o ye, o ma o si kɛ. O kosɔn i ka nin kojuguw bɛɛ lase o ma.

Daniyɛli 6:10

Masacɛ Dariyusi ka o sariya sigi k’a boronɔ la a kan.

Daniyɛli 9:3

«Ne ka o faamu minkɛ, ne ka ne ɲa munu Matigi Ala fɛ, k’a daari, ni makarikanw ye, ka sun don, ka bɔrɔfani don ne yɛrɛ ra, ka sigi bugurigbɛ ra.

Luka 1:72

Ala ka a ta hina yira an bɛmaw ra nin cogo le ra. A ka jɛnɲɔgɔnya saninman min layiri ta, a ma ɲina o kɔ.

Rɔmukaw 8:28

An k’a lɔn ko mɔgɔ minw bɛ Ala kanu, ani Ala ka o wele ka kaɲa ni a ta latigɛ ye, ko ni fɛn o fɛn ka olugu sɔrɔ, Ala b’a to o bɛɛ laban bɛ kɛ koɲuman le ye olugu ta fan fɛ.

Sariya 5:10

Nka mɔgɔ minw bɛ ne kanu, ka ne ta sariyaw sira tagama, ne bɛ koɲuman kɛ olugu ye, k’a kɛ o ta denw ye, ani o ta denw ta denw, fɔ ka taga se o ta duruja waga kelennan ma.

Sariya 7:12

Ni aw ka nin sariya ta kumaw lamɛn, ni aw k’a sira tagama k’a kɛ a kɛcogo ra, o tuma Matigi Ala, aw ta Ala bɛna to a ta jɛnɲɔgɔnya ra ni aw ye, ka koɲuman kɛ aw ye, i n’a fɔ a tun karira aw bɛmaw ye cogo min na.

Sariya 7:21

O ra, aw ja kana tigɛ o siyaw kosɔn, sabu Matigi Ala, aw ta Ala bɛ aw cɛ ra; Alaba lo, ani siranyafɛnba lo fana.

Sariya 7:9

O ra, aw y’a lɔn ko Matigi Ala, aw ta Ala le ye Ala ye, Ala kankelentigi; mɔgɔ minw b’a kanu, k’a ta sariyaw sira tagama, a bɛ to a ta jɛnɲɔgɔnya* ra ni olugu ye, ka koɲuman kɛ o ye, k’a kɛ o ta denw ye, fɔ ka taga se o ta duruja waga kelennan ma.

Yakuba 1:12

Mɔgɔ min bɛ kɔrɔbɔri tɔɔrɔ sɔnmina, o tigi ta ɲana; sabu ni a tora lanaya ra, kɔrɔbɔri kɔ fɛ, a bɛna ɲanamanya masafugula sɔrɔ, Matigi ka min layiri ta a kanubagaw ye.

Yakuba 2:5

Ne balema kanuninw, ne ko: minw ye fagantanw ye dunuɲa ra yan, yala Ala le ma olugu fana ɲanawoloma, janko o ye kɛ fɛntigiw ye lanaya ra wa? Ala ma o ɲanawoloma fana, janko Masaya* min layiri tara Ala kanubagaw ye, olugu fana ye o sɔrɔ wa?