Daniyɛli 9:26 - Jula NT of Côte d’Ivoire

²⁶ « ‹Ni o san wolonfla sigiyɔrɔma biwɔɔrɔ ni fla dafara, mɔgɔw bɛna Ala ta mɔgɔ ɲanawolomanin dɔ faga; mɔgɔ si tɛna sɔn ka lɔ ni a ye k’a dɛmɛ. O kɔ, jamana dɔ ta kuntigi ni a ta kɛrɛkɛjama bɛna na dugu ni yɔrɔ saninman ci. O bɛɛ n’a ta, Ala bɛna dimi ka o kuntigi halaki. Nka sani a ye sa, a bɛna kɛrɛ wuri ka cɛnri kɛ, i ko a fɔra cogo min na.

ALA KA KUMA

²⁶ O saan bi wɔɔrɔ ni fila sigiyɔrɔman wolonwula dafawaati la, mɔgɔwolomanin dɔ bena faga. Dɛmɛbaga si tena sɔrɔ a fɛ. Kuntigi dɔ bena na n'a ka kɛlɛdenw ye ka dugu ci, ka Alabatoso ci. Nga Ala bena dimi k'a ka koo ban pepewu! A bena to kɛlɛ la ka cɛnni kɛ fɔɔ ka halaki, i n'a fɔ a latigɛra cogo min na.

Daniyɛli 9:26 Iomraidhean Croise

Sam 2nan 21:5

Gabahɔnkaw ko: «Ayiwa, i n’a fɔ Sawuli tun b’a fɛ ka an faga, ka an halaki ka ban Izirayɛli jamana kɔnɔ le pewu,

Zaburu 22:15

Ne fari magayara k’a kɛ i ko ji; ne kolow bɛɛ yɔgɔyɔgɔra, ne jusukun kɛra i ko kɛɲɛ; a bɛ yeele ka jigi ne kɔnɔbara ra.

Ezayi 28:2

A flɛ, cɛ dɔ bɛ Matigi fɛ, cɛ barakaman fangatigi lo. A natɔ bɛ i ko sanbɛrɛ jigitɔ, i ko sanfɔɲɔ min bɛ cɛnri kɛ, i ko sanjiba min bɛ jibaw lana; a boro baraka bɛna fɛn bɛɛ yɛlɛma dugu ma.

Ezayi 28:22

O ra, sisan, aw kana aw yɛrɛ bla lɔgɔbɔri ra, janko aw ta sirinanw kana na aw dɛrɛ tuun; sabu ne k’a mɛn Matigi Ala, Fangatigi Ala fɛ, ko jamana bɛɛ lajɛnnin ta halakiri ko latigɛra.

Ezayi 53:8

O ka jagboya kiti tigɛ a kan, k’a mina ka taga ni a ye. A ta mɔgɔw si ma o janto a ra, wagati min o k’a labɔ dunuɲa ra mɔgɔ ɲanamanw cɛ ra. A fagara ne ta jamana mɔgɔw ta hakɛw le kosɔn.

Ezayi 8:7

o kosɔn, a flɛ, Matigi Ala bɛna Efirati ba ta ji belebele barakamanw lana o kama, min ye Asiri masacɛ ye, ani a ta baraka bɛɛ. O ba kɔnɔ bɛna fa, ka woyo ka bɔ fɔ kɛnɛ ma, k’a kɛrɛfɛyɔrɔw bɛɛ fa.

Yeremi 46:7

«Jɔntigi le ye nin ye, min bɛ wurira i ko Nili jikuruw, i ko ba min jiw bɛ serira ka bɔ kɛnɛ ma?

Yeremi 51:42

Kɔgɔji wurira ka ben Babilɔni kan, a jiwoyobaw ni a mankan k’a datugu pewu!

Daniyɛli 11:10

« ‹Sahili masacɛ dencɛw bɛna o yɛrɛ labɛn kɛrɛ kama, ka kɛrɛkɛjamaba lajɛn. Mɔgɔ o mɔgɔ bɛ o ta sira kan o tɛmɛtɔ bɛna olugu bɛɛ kɛrɛ, ka yɔrɔ bɛɛ datugu i ko jiba woyotɔ. O bɛna taga hali o juguw ta kɛrɛkɛbon yɛrɛ kama.

Daniyɛli 11:17

A bɛna na ni a ta kɛrɛkɛjama bɛɛ ye, ka na a kɛ i n’a fɔ a b’a fɛ ka jɛnɲɔgɔnya don ni worodugu masacɛ ye. A bɛna a denmuso di worodugu masacɛ ma furu ra, janko ka worodugu masacɛ ta masaya cɛn. Nka o ko tɛna ɲa a boro.

Daniyɛli 11:22

A juguw ta kɛrɛkɛjama minw ta fanga tun bɛ taga yɔrɔ bɛɛ i ko jiwoyoba, a bɛna olugu bɛɛ datugu, ka o bɛɛ halaki. A bɛna Ala ta mɔgɔw ta kuntigi dɔ fana faga.

Daniyɛli 11:36

« ‹Ni fɛn o fɛn kɔni ka o masacɛ diya a bɛna o le kɛ. A bɛna a yɛrɛ kɔrɔta, ko ale ka bon ni batofɛnw bɛɛ ye. Kumajugu minw ɲɔgɔn ma deri ka mɛn fɔlɔ, a bɛna o le fɔ Ala kɔrɔtaninba yɛrɛ ma. A bɛna tɔgɔ sɔrɔ fɔ ka taga Ala ta dimi wagati se; sabu Ala ka min latigɛ a kama, a bɛna o kɛ a ra.

Daniyɛli 9:27

A bɛna jɛnɲɔgɔnyagbɛlɛn don ni mɔgɔ caman ye k’a ta fanga digi olugu kan fɔ san wolonfla. O san wolonfla cɛmancɛ ra, a bɛna a fɔ ko o ye bɛgan sarakaw ni siman sarakaw dabla. O kuntigi cɛnrikɛbaga bɛna ko haramunin suguya bɛɛ kɛ, fɔ ka taga se a yɛrɛ halaki lon ma, i n’a fɔ a latigɛra a ta ko ra cogo min na.› »

Oze ta kitabu 1:9

Ala ko Oze ma ko: «A tɔgɔ la ko Lo Ami; sabu aw tɛ ne ta mɔgɔw ye tuun, ne fana tɛ aw ta Ala ye tuun.»

Amɔsi 8:8

Nin kow kosɔn jamana bɛna yuguyugu fɔ ka bɔ a nɔ ra. Jamanamɔgɔw bɛɛ bɛna ɲanasisi. Jamana bɛɛ bɛna wuri i ko Nili baji, ka yɛlɛn ka sɔrɔ ka na ben i ko Misiran ta kɔba.› »

Amɔsi 9:5

«Ni Matigi, Fangatigi Ala ka maga dugukolo ra, dugukolo bɛ yɛrɛyɛrɛ, dugukolokanfɛnw bɛɛ bɛ sukasi kɛ. Jamana bɛɛ bɛ wuri i ko Nili baji, ka sɔrɔ ka na ben i ko Misiran ta kɔba.

Nahɔmu 1:8

Nka a bɛna jiwoyobaw kɛ ka Ninive dugu ban pewu! A bɛna a juguw nɔgbɛn fɔ ka taga o bla dibi ra.

Matiyu 22:2

«Sankolo Masaya* bɛ i n’a fɔ masacɛ min tun ka ɲanagbɛ dɔ labɛn a dencɛ ta kɔɲɔya ra.

Matiyu 22:7

Masacɛ dimina; a ka a ta sorasiw ci ka taga o mɔgɔfagabagaw faga, ka o ta dugu jɛni.

Matiyu 23:38

Sisan a flɛ, Ala bɛna aw ta so kɛ yɔrɔ lakolon ye;

Matiyu 24:2

Yesu ka o jaabi ko: «Aw ɲa bɛ nin bɛɛ ra kɛ! Can ra ne b’a fɔ aw ye ko nin bonw bɛɛ bɛna cici, ka a kabakuruw bɛɛ yɛrɛgɛ ka bɔ ɲɔgɔn kunna.»

Marika 13:2

Yesu ka a jaabi ko: «I ɲa bɛ nin bonba ra kɛ! Nin bonw bɛɛ bɛna cici, ka a kabakuruw bɛɛ yɛrɛgɛ ka bɔ ɲɔgɔn kunna.»

Marika 13:7

Ni aw nana to ka kɛrɛ mankanw mɛn ka kɛrɛ kibaroyaw mɛn wagati min na, aw hakiri kana ɲagami; sabu jagboya lo, o kow ye kɛ. Nka o si tɛ a laban ye fɔlɔ.

Marika 9:12

Yesu ka o jaabi ko: «Can lo, cira Iliya bɛna na fɔlɔ ka na fɛn bɛɛ labɛn; nka mun na a sɛbɛra Ala ta Kuma ra ko: ‹Min kɛra Adamaden ye*, ko o ka kan ka tɔɔrɔ kosɛbɛ, ani ko mɔgɔw bɛna a mafiyɛnya?›

Luka 21:24

O bɛna o faga ni kɛrɛkɛmuruw ye, o bɛna o mina ka taga o kɛ kasodenw ye siya wɛrɛw* ta jamana bɛɛ ra. O cogo ra, siya wɛrɛ mɔgɔw bɛna don Zeruzalɛmu ka o ta fanga sigi fɔ ka taga o ta wagati dafa.»

Luka 21:6

Yesu ko: «Aw ɲa bɛ nin bon minw na tan dɛ, lon dɔ nin bonw bɛɛ bɛna cici, ka a kabakuruw bɛɛ yɛrɛgɛ ka bɔ ɲɔgɔn kunna.»

Luka 24:26

Kisibaga tun man kan ka tɔɔrɔ o cogo ra ka sɔrɔ ka taga don a ta nɔɔrɔ ra wa?»

Luka 24:46

O kɔ, a k’a fɔ o ye tuun ko a sɛbɛra Kitabu kɔnɔ ko Ala ka Kisibaga* min layiri ta, ko mɔgɔw bɛna o tɔɔrɔ, ka a faga; nka a saya tere sabanan a bɛna kunu;

Yuhana 14:30

Ne tɛna kuma ni aw ye tuun ka mɛɛn, sabu dunuɲa kuntigi bɛna na ne kama; nka se foyi si t’a fɛ ne kan.

Kor 2nan 5:21

Kirisita min ma jurumun si kɛ ka ye, Ala ka ale bla jurumunkɛbagaw nɔ ra anw kosɔn, janko an ye kɛ jɛnɲɔgɔnya ra ni a ye, ka jate mɔgɔ terenninw ye Ala ɲa kɔrɔ.

Galasikaw 3:13

Nka Yesu Kirisita ka a yɛrɛ bla danga kɔrɔ an nɔ ra, janko ka an kunmabɔ sariya ta danga ma; sabu a sɛbɛra Kitabu kɔnɔ, ko: «Mɔgɔ o mɔgɔ su dulonna yiri ra, o tigi danganin lo.»

Piy fɔlɔ 2:21

Ala ka aw wele o le kama fana, sabu Kirisita* fana tɔɔrɔra aw kosɔn, ka o sira yira aw ra, janko aw fana ye tugu ale sennɔ kɔ.

Piy fɔlɔ 2:24

A ka an ta jurumunw doni ta ka o la a yɛrɛ kan, k’a farikolo tɔɔrɔ gbengben yiri kan. A ka o kɛ, janko an ye sa ka bɔ jurumun fanga kɔrɔ, ka ɲanamanya terenninya ra. Jori minw tigɛra a farikolo ra, o le sababu ra aw kɛnɛyara.

Piy fɔlɔ 3:18

Ayiwa, Kirisita fana sara jurumun kosɔn siɲaga kelen, ka dan o ma. Ale mɔgɔ terennin sara mɔgɔ terenbariw kosɔn, janko ka aw ladon Ala ta jɛnɲɔgɔnya ra. A yɛrɛ sara, nka a kununa Nin Saninman* baraka ra.