Daniyɛli 9:20 - Jula NT of Côte d’Ivoire

²⁰ «Ne tora Ala daari ra, ka ne ta jurumun ni ne ta jamana mɔgɔw, Izirayɛlimɔgɔw bɛɛ ta jurumun fɔ Matigi Ala ye, ka makarikanw fɔ Matigi Ala, ne ta Ala ye, a ta kuru saninman ko ra.

ALA KA KUMA

²⁰ Ka n to kuma na daalili la, n tun be lɔ n ka hakɛ, ni n ka jama Isirayɛli ta la, ka to ka Masaba, n ka Ala daali kulu nin kosɔn min ye a ta ye.

Daniyɛli 9:20 Iomraidhean Croise

Ɛsidarasi 10:1

Ayiwa, Ɛsidarasi tun k’a kinbiri gban Ala ta batoso ɲa fɛ, a bɛ Ala daarira, ka o ta jurumunw fɔ, ka kasi. K’a to o ra, Izirayɛli cɛw, ani a musow, ani a denmisɛnw camanba nana a lamini; olugu fana tun bɛ kasira kosɛbɛ.

Nehemi 1:6

Sabari ka i toro malɔ, ka i janto ne ra, ka i ta jɔncɛ ta daariri lamɛn, sabu ne bɛ i daarira su ni tere i ta jɔnw ye, minw ye Izirayɛlimɔgɔw ye. Izirayɛlimɔgɔw ka jurumun minw kɛ, ani ne yɛrɛ ni ne ta somɔgɔw ka jurumun minw kɛ ka i hakɛ ta, ne lɔra o jurumunw bɛɛ ra.

Zaburu 145:18

Matigi Ala bɛ to a welebagaw bɛɛ kɛrɛ fɛ, minw bɛɛ b’a wele ni can ye o jusukun na.

Zaburu 32:5

O kosɔn ne lɔra ne ta jurumun na, k’a fɔ i ye; ne ma ne ta terenbariyakow dogo tuun. Ne ko: «Ne bɛna lɔ ne ta jurumunw na k’a fɔ Matigi Ala ye!» O ra, ele ka ne ta jurumun kunko bɔ ne kunna.

Waajurikɛbaga 7:20

Mɔgɔ si tɛ dugukolo kan, min terennin lo, ko a bɛ koɲuman dɔrɔn le kɛ, ko a tɛ kojugu kɛ ka ye.

Ezayi 56:7

ne bɛna taga ni olugu ye ne ta kuru saninman kan; ne bɛna o ninsɔndiya ne ta Aladaaribon kɔnɔ. O bɛ saraka jɛnitaw* ni bɛgan sarakaw* minw bɔ ne ye ne ta sarakabɔnan kan, ne bɛna sɔn o sarakaw ma; sabu ne ta bon bɛna wele le ko siyaw bɛɛ ta Aladaariyɔrɔ.

Ezayi 58:9

Ni aw ka weleri kɛ, Matigi Ala bɛna aw jaabi, ni aw kulera a nɔ fɛ, a bɛna a fɔ ko: ‹Ne flɛ nin ye!› «Nka aw ka kan ka aw ta jagboyafanga bɔ mɔgɔw kan, aw bɛ aw borokanden sin o ma ka kumajugu minw fɔ o ma, aw ye o dabla.

Ezayi 6:5

Ne ko: «E, bɔnɔ ka ne sɔrɔ, ne tora a ra, sabu ne ye mɔgɔ dɔ ye min darakan saninyanin tɛ, ne siginin bɛ mɔgɔ minw cɛ ra, olugu fana darakan saninyanin tɛ; k’a sɔrɔ ne ɲa ka Masacɛ, Fangatigi Ala ye!»

Ezayi 65:24

«O tuma ra, sani o ye ne daari, o y’a sɔrɔ ne ka o jaabi ka ban; sani o ye ban kuma ra, o y’a sɔrɔ ne ka o lamɛn ka ban.

Daniyɛli 10:12

A ko ne ma tuun ko: ‹Daniyɛli, i kana siran; sabu i ka i yɛrɛ majigi Ala ɲa kɔrɔ, ka Ala daari, janko ka faamuri sɔrɔ; ayiwa, kabini o lonw tere fɔlɔ, i ta Aladaari minana. Ne nana ka na i ta daariri kɔjaabi le fɔ i ye.

Daniyɛli 10:2

«O wagatiw ra, ne Daniyɛli, ne ka lɔgɔkun saba kɛ, ka ne yɛrɛ majigi Ala ɲa kɔrɔ, ka ne diyanyafɛnw bɛɛ ye ka o to yi.

Daniyɛli 11:45

A bɛna a ta masa fanibon lɔ kɔgɔji ni kuru nɔɔrɔman saninman furancɛ ra. Nka a ta wagati laban bɛna se; mɔgɔ si tɛna sɔrɔ k’a dɛmɛ.› »

Daniyɛli 9:16

« ‹Matigi Ala, i ta terenninya kosɔn, sabari ka i ta dimi ni i ta jusugban mabɔ Zeruzalɛmu dugu ra, min ye i ta kuru saninman ye; sabu anw ni an bɛmaw ta jurumunw ni an ta terenbariyaw kosɔn, siya minw bɛɛ ka an ta jamana lamini, olugu bɛ Zeruzalɛmu ni a dugumɔgɔw mafiyɛnyara.

Jakariya 8:3

Matigi Ala ko: «Ne bɛna kɔsegi ka na Siyɔn dugu kɔnɔ tuun. Ne bɛna na sigi Zeruzalɛmu tuun. Zeruzalɛmu dugu bɛna wele ko can ta dugu; Fangatigi Ala ta kuru bɛna wele ko kuru saninman.»

Kɛwalew 4:31

O ka Ala daari ka ban tuma min na, o tun lajɛnnin bɛ yɔrɔ min na, o yɔrɔ dugukolo yɛrɛyɛrɛra. O bɛɛ fara Nin Saninman na. K’a ta o wagati ra, o ja siginin tun bɛ Ala ta Kuma fɔ ni jagbɛlɛya ye.

Rɔmukaw 3:23

sabu mɔgɔ bɛɛ ka jurumun kɛ, o kosɔn mɔgɔ si tɛ se ka Ala ta nɔɔrɔ ye.

Yakuba 3:2

An bɛɛ bɛ firi cogo caman na. Ni a kɛra ko mɔgɔ min tɛ firi kumacogo ra fiyewu, o tigi kɔni ye mɔgɔ dafanin le ye; a bɛ se ka a yɛrɛ mina a ta kokɛtaw bɛɛ ra.

Yirari 21:10

Ala Nin* donna ne ra, ne k’a ye ko a ka ne ta ka taga ni ne ye kuruba jamijan dɔ kunna, ka Ala ta dugu saninman yira ne ra, Zeruzalɛmu dugu; a bɛ jigira ka bɔ sankolo ra, Ala fɛ.

Yirari 21:2

Ne ka dugu saninman ye, Zeruzalɛmu dugukura, a bɛ jigira ka bɔ sankolo ra Ala fɛ. A labɛnna i ko kɔɲɔmuso min masirira a cɛ ye.