Daniyɛli 9:18 - Jula NT of Côte d’Ivoire

¹⁸ « ‹Ne ta Ala, sabari ka i toro malɔ, ka an lamɛn. I ɲa lɔ an ta jamana ra k’a cɛncogo flɛ! I tɔgɔ sigira dugu min na, o cɛncogo flɛ! An tɛ i daarira ka makarikanw fɔ anw ta terenninya le kosɔn, nka an bɛ i daarira i ta hinaba le kosɔn.

ALA KA KUMA

¹⁸ Ne ka Ala, i tulo malɔ ka mɛnni kɛ. I ɲaa yɛlɛ k'an halakicogo filɛ n'i ka dugu, i tɔgɔ lara min kan. A ma kɛ ko an ka kɛwaliɲumanw kama lo an be daalili nunu ɲasinna i ma! Nga i ka makari kama lo.

Daniyɛli 9:18 Iomraidhean Croise

Mas fɔlɔ 8:29

I janto nin so ra su ni tere; sabu i k’a layiri ta ko i tɔgɔ bɛna sigi nin yɔrɔ le ra. I ta jɔncɛ bɛ daariri min kɛra nin yɔrɔ ra, o lamɛn!

Mas 2nan 19:16

Matigi Ala, i toro malɔ ka ne lamɛn! Matigi Ala, i ɲa yɛlɛ ka flɛri kɛ! Senakeribu k’a ta ciraden ci ka na ele Ala ɲanaman mafiyɛnya ni kuma minw ye, o lamɛn!

Zaburu 116:1

Ne bɛ Matigi Ala kanu, sabu a bɛ ne ta makarikanw lamɛn,

Zaburu 25:6

E, Matigi Ala, i hakiri to i ta hina ni i ta ɲumanya ra, i n’a fɔ i derira k’a kɛ an ye cogo min na kabini wagatijan.

Bɔri 3:7

Matigi Ala ko: «O bɛ ne ta mɔgɔw minako juguyara cogo min na Misiran, ne ka o ye yɛrɛ le. Ne ka o kulekan mɛn o tɔɔrɔbagaw boro, sabu dimi min bɛ o kan, ne ka o ye.

Ezayi 37:17

Matigi Ala, i toro malɔ ka ne lamɛn! Matigi Ala, i ɲa yɛlɛ ka flɛri kɛ! Senakeribu k’a ta ciraden ci ka na ele Ala ɲanaman mafiyɛnya ni kuma minw ye, o lamɛn!

Ezayi 43:7

ne tɔgɔ bɛ minw bɛɛ ra, ne ka minw bɛɛ dan ne ta nɔɔrɔ kosɔn, ka o kɛ mɔgɔ ye, ka o labɛn.»

Ezayi 64:6

Mɔgɔ si tɛ i tɔgɔ welera tuun, mɔgɔ si tɛ wuri ka jija ka tugu i kɔ; sabu i ka i ɲada dogo an na, i ka an baraka ban an ta terenbariyaw kosɔn.

Yeremi 14:7

Mɔgɔw ko: «E, Matigi Ala, hali ni an ta terenbariya ka an jaraki, an dɛmɛ i tɔgɔ kosɔn! An ta lanabariya bonyara, an ka jurumun kɛ, ka i hakɛ ta.

Yeremi 14:9

Mun kosɔn i bɛ kɛ i ko mɔgɔ min dabari bɛɛ banna, i ko kɛrɛkɛcɛfari min tɛ se ka mɔgɔ kisi? O bɛɛ n’a ta, Matigi Ala, i bɛ an cɛ ra, ele tɔgɔ le bɛ an na; i kana ban an na!»

Yeremi 15:16

Ne ka i ta kumaw sɔrɔ minkɛ, ne ka o domu, i ta kuma ka ne ninsɔndiya, ka ne jusu diya, sabu ele tɔgɔ le bɛ ne ra. E, Matigi Ala, Fangatigi Ala.

Yeremi 25:29

Sabu aw y’a flɛ, ne yɛrɛ tɔgɔ bɛ fɔ dugu min kɔnɔ, ne bɛna kojugu damina o dugu le ra; o tuma aw don, yala ne bɛna aw jarakibari to wa? Ne tɛna aw jarakibari dɛ! Sabu ne bɛna murutigiw wele dugukolo mɔgɔw bɛɛ le kama. Fangatigi Ala ko ten.»

Yeremi 36:7

O bɛ se ka kɛ sababu ye k’a to o ye Matigi Ala daari ni makarikanw ye, ka nimisa, ka bɔ o ta sirajuguw kan; sabu Matigi Ala ta dimi ni a ta jusugban min fɔra nin mɔgɔw kama, o ka bon.»

Yeremi 37:20

«E, ne matigicɛ masacɛ, ayiwa, sisan ele ye sabari ka ne lamɛn, ka sɔn ne ta makarikan ma! I kana a to ne ye sekɔ tuun sɛbɛrikɛbaga Yonatan ta bon kɔnɔ, ni o tɛ, ne bɛna taga sa yi!»

Ezekiyɛli 36:22

«Ayiwa, a fɔ Izirayɛli mara mɔgɔw ye ko Dunuɲatigi Ala ko: Izirayɛli mara mɔgɔw, ne tɛna nin kow kɛ aw le kosɔn; ne bɛna a kɛ ne yɛrɛ tɔgɔ saninman le kosɔn, aw tagara siya tɔw cɛ ra ka taga ne tɔgɔ saninman min lanɔgɔ.

Ezekiyɛli 36:32

Nka aw ka kan k’a lɔn ko ne tɛ nin kɛra aw le kosɔn; Dunuɲatigi Ala ko ten. O ra, aw Izirayɛli mara mɔgɔw, aw ka kan ka maroya fɔ ka aw kun suuru aw tagamacogo kosɔn!

Daniyɛli 9:7

« ‹Matigi Ala, ele kɔni terennin lo; anw le maroyara bi, anw minw bɔra Zuda, ani minw bɔra Zeruzalɛmu, ani Izirayɛlimɔgɔ tɔw bɛɛ, minw yɔrɔ ka surun, ani minw yɔrɔ ka jan, i ka minw bɛɛ gbɛn ka taga jamana wɛrɛw ra, sabu an ka i kan bla ka terenbariyakow kɛ.

Jateri 6:27

«O ye dugawu kɛ Izirayɛlimɔgɔw ye ni ne tɔgɔ ye; ni o kɛra, ne bɛna baraka don Izirayɛlimɔgɔw ra.»

Kor fɔlɔ 1:2

aw minw ye Ala ta jɛnkuru mɔgɔw ye Korɛnti, Ala ka aw minw saninya Yesu Kirisita ta jɛnɲɔgɔnya ra, ka aw wele ka kɛ a ta mɔgɔ saninmanw ye, ani lanabaga tɔ minw bɛɛ bɛ an Matigi Yesu Kirisita tɔgɔ bato, ni a ka kɛ yɔrɔ o yɔrɔ, o Matigi, ani anw fana Matigi.