Daniyɛli 9:16 - Jula NT of Côte d’Ivoire

¹⁶ « ‹Matigi Ala, i ta terenninya kosɔn, sabari ka i ta dimi ni i ta jusugban mabɔ Zeruzalɛmu dugu ra, min ye i ta kuru saninman ye; sabu anw ni an bɛmaw ta jurumunw ni an ta terenbariyaw kosɔn, siya minw bɛɛ ka an ta jamana lamini, olugu bɛ Zeruzalɛmu ni a dugumɔgɔw mafiyɛnyara.

ALA KA KUMA

¹⁶ Matigi, i ka koɲumanw kosɔn, i kana dimi, ka fariya Zeruzalɛmu ma tugu, min y'i ka dugu n'i ka kulu senuman ye. An ka hakɛw kosɔn, n'an bɛmaw taw kosɔn, minw b'an laminina, olu be Zeruzalɛmu n'i ka jama nɛnina dɔrɔn.

Daniyɛli 9:16 Iomraidhean Croise

Nehemi 9:8

I k’a ye ko a jusukun terennin lo ni i ye minkɛ, o kosɔn i ka jɛnɲɔgɔnya don ni a ye, ko i bɛna Kanaanakaw, ani Hɛtikaw, ani Amɔrikaw, ani Perezikaw, ani Yebusikaw, ani Girigasikaw ta jamana di a ta durujaw ma. I tora i ta layiri kan, sabu i terennin lo.

Zaburu 143:1

Dawuda ta Zaburu. Matigi Ala, ne ta daarikan lamɛn, i toro malɔ ka ne ta makarikanw lamɛn i ta kankelentigiya kosɔn; ne jaabi i ta terenninya kosɔn.

Zaburu 31:1

Dɔnkirilabagaw kuntigi. Dawuda ta Zaburu.

Zaburu 41:13

I bɛ ne kɔrɔsi, sabu ne jusukun gbɛnin lo; i bɛ ne to i ɲa kɔrɔ wagati bɛɛ.

Zaburu 71:2

Na ne dɛmɛ, i ye ne bɔsi i ta terenninya kosɔn! I toro malɔ ka ne lamɛn, i ye ne kisi!

Zaburu 79:4

An kɛra dɔgɔyarifɛn le ye an sigiɲɔgɔnw fɛ; siya minw ka an lamini, olugu bɛ an lɔgɔbɔ, ka yɛrɛko an ma.

Zaburu 85:4

I ka i ta jusugban bɛɛ dabla, i ka i ta dimiba ban.

Zaburu 89:51

E, Matigi, dɔgɔyari minw sera i ta jɔnw ma, i hakiri to o ra; ka i hakiri to a ra ko nin jama caman doni bɛ ne le kunna.

Bɔri 20:5

I kana i kinbiri gban o fɛnw si kɔrɔ, ka o bato. Sabu ne min ye Matigi Ala, i ta Ala ye, ne t’a fɛ i ye ne ni batofɛn wɛrɛ kanu ɲɔgɔn fɛ fiyewu. Mɔgɔ minw bɛ o terenbariyakow kɛ, ne bɛna o hakɛ bɔ o tigiw ra, k’a bɔ o ta denw na, k’a bɔ o ta denw ta denw na fana, fɔ ka taga se o ta duruja sabanan, ni a naaninan ma, sabu o bɛ ne kɔninya.

Ezayi 5:25

O kosɔn Matigi Ala dimina a ta mɔgɔw kɔrɔ kosɛbɛ; a b’a boro kɔrɔta o kama ka o bugɔ, fɔ kuruw bɛ yɛrɛyɛrɛ; o suw bɛ benben siraw kan i ko ɲamaɲama. Nka o bɛɛ n’a ta, a ta dimi belen ma mala, a boro belen kɔrɔtanin lo o kama hali bi.

Yeremi 24:9

Ne bɛna min kɛ o ra, o bɛna kɛ jatigɛkoba ye dugukolo siyaw bɛɛ fɛ, k’a to bɛɛ ye o ta bɔnɔ ye; ne bɛna o gbɛn ka taga yɔrɔ minw na, o yɔrɔ mɔgɔw bɛɛ bɛna o mafiyɛnya, ka o tɔgɔ don o ta zanaw ra, ka o lɔgɔbɔ, ka o danga.

Yeremi 29:18

Ne bɛna tugu o kɔ ni kɛrɛkɛmuru ni kɔngɔ ni banajuguw ye; ne bɛna o ta ko kɛ siranyakoba ye dunuɲa maraw bɛɛ fɛ, ka o kɛ siya danganin ye, ka o ta ko kɛ jatigɛkoba ye, ka o kɛ lɔgɔbɔrifɛn ye, ani mafiyɛnyarifɛn,

Yeremi 32:31

Sabu kabini a lɔlon na fɔ ka na bla bi ra, nin dugu kɛra ne dimi sababu ani ne jusugban sababu le ye; o kosɔn ne bɛna a halaki ka bɔ ne ɲa kɔrɔ,

Yeremi 32:32

Izirayɛli ta mɔgɔw, ani Zuda mɔgɔw ta kojuguw bɛɛ kosɔn, o ka kojugu minw kɛ ka ne jusu bɔ, olugu ni o ta masacɛw, ani o ta jamana ɲamɔgɔw, ani o ta sarakalasebagaw, ani Zuda mara mɔgɔw, ani Zeruzalɛmukaw.

Ezekiyɛli 22:4

Aw ka mɔgɔ minw faga, o hakɛ bɛ aw kan. Aw ka jo minw lalaga, o jow ka aw lanɔgɔ. Aw yɛrɛ le ka aw ta dunuɲalatigɛ wagati surunya, ka aw si sandaw se a dan ma. O kosɔn ne bɛna aw kɛ dɔgɔyarifɛn ye siya tɔw ɲa kɔrɔ, ka aw kɛ mafiyɛnyarifɛn ye jamana tɔw bɛɛ ɲa kɔrɔ.

Ezekiyɛli 5:14

Siya minw ka aw lamini, ne bɛna aw ta yɔrɔ kɛ tomo ye, ka aw kɛ mafiyɛnyarifɛn ye olugu cɛ ra, ani tɛmɛbagaw bɛɛ ɲa kɔrɔ.

Daniyɛli 11:45

A bɛna a ta masa fanibon lɔ kɔgɔji ni kuru nɔɔrɔman saninman furancɛ ra. Nka a ta wagati laban bɛna se; mɔgɔ si tɛna sɔrɔ k’a dɛmɛ.› »

Daniyɛli 9:20

«Ne tora Ala daari ra, ka ne ta jurumun ni ne ta jamana mɔgɔw, Izirayɛlimɔgɔw bɛɛ ta jurumun fɔ Matigi Ala ye, ka makarikanw fɔ Matigi Ala, ne ta Ala ye, a ta kuru saninman ko ra.

Jakariya 8:3

Matigi Ala ko: «Ne bɛna kɔsegi ka na Siyɔn dugu kɔnɔ tuun. Ne bɛna na sigi Zeruzalɛmu tuun. Zeruzalɛmu dugu bɛna wele ko can ta dugu; Fangatigi Ala ta kuru bɛna wele ko kuru saninman.»

Tes 2nan 1:6

Sabu a bɛnnin lo, ka kaɲa ni Ala ta terenninya ye, ko minw bɛ aw tɔɔrɔra, Ala ye olugu fana tɔɔrɔ.

Zan fɔlɔ 1:9

Nka ni an ka lɔ an ta jurumunw na, Ala min ye kankelentigi ye, ani a terennin lo, ale bɛna yafa an ma, ka an saninya ka bɔ terenbariyakow bɛɛ ra;

Sam fɔlɔ 2:7

Matigi Ala bɛ mɔgɔ fagantanya, a bɛ mɔgɔ fɛntigiya; a bɛ mɔgɔ majigi, a bɛ mɔgɔ kɔrɔta.