Daniyɛli 9:12 - Jula NT of Côte d’Ivoire

¹² I tun k’a fɔ ko i bɛna min kɛ anw ni an ta jamana ɲamɔgɔw ra, i ka o kɛ. I ka o tɔɔrɔba lase an ma. Tɔɔrɔ min sera Zeruzalɛmu dugu ma, o tɔɔrɔ ɲɔgɔn ma deri ka se dunuɲa yɔrɔ si ra ka ye.

ALA KA KUMA

¹² I ye min fɔ anw kosɔn, n'an ka ɲamɔgɔw kosɔn, minw b'an kunna, i y'o kɛ. I ye bɔnɛba la an kan Zeruzalɛmu kɔnɔ, min ɲɔgɔn ma ye yɔrɔ si diɲɛ kɔnɔ.

Daniyɛli 9:12 Iomraidhean Croise

Mas fɔlɔ 3:9

O ra, hakiritigiya le di i ta jɔncɛ ma, janko a ye i ta mɔgɔw ta kow ɲanabɔ ka ɲa, ka koɲuman ni kojugu lɔn ka bɔ ɲɔgɔn na; ni o tɛ, jɔn le bɛ se ka ele ta mɔgɔw mara, nin jama camanba?»

Mas 2nan 22:16

ko Matigi Ala ko: ‹Ne bɛna kojuguba le ben nin dugu ni a dugumɔgɔw kan, ka kaɲa ni nin kitabu ta kumaw ye, Zuda masacɛ ka kitabu min karan.

Ayuba 12:17

A bɛ jamana kolatigɛbagaw bla sennakolontagama ra, ka kuntigiw kɛ nalomanw ye.

Zaburu 148:11

dunuɲa masaw, ani siyaw bɛɛ, fagamaw, ani dunuɲa kititigɛbagaw bɛɛ,

Zaburu 2:10

Ayiwa, sisan, aw masaw, aw ye hakiri sɔrɔ! Aw y’a to o ye aw ladi, aw minw ye dunuɲa fangatigiw ye!

Zanaw 8:16

Ne le sababu ra, fagamaw sigira fanga ra, ani mɔgɔbaw, ani dunuɲa kititigɛbagaw bɛɛ.

Ezayi 43:28

O le kosɔn, ne ka batoso saninman ɲamɔgɔw dɔgɔya, ka halakiri lase Yakuba ta mɔgɔw ma, ka Izirayɛlimɔgɔw mangboya.»

Ezayi 44:26

Nka ne b’a yira ko ne ta baaraden ta kuma ye can ye, ne bɛ ne ta ciradenw ta cirayakumaw dafa. Ne le b’a fɔ Zeruzalɛmu ma ko: ‹Mɔgɔw bɛna sigi yi tuun,› k’a fɔ Zuda duguw ma ko: ‹O bɛna o lɔ kokura!› Ne bɛna o ta yɔrɔ benninw lɔ kokura.

Yeremi 30:7

E, nin ye lonjuguba ye dɛ! A ɲɔgɔnna lon ma kɛ ban. A bɛna kɛ Yakuba ta mɔgɔw ta degu wagati le ye, nka o bɛna kisi ka bɔ a ra.› »

Yeremi 32:23

O nana, ka na o jamana tigiya ta, nka o ma sɔn ka i kan mina, o ma i ta sariya sira tagama; i tun ka fɛn o fɛn fɔ o ye, o ma o si kɛ. O kosɔn i ka nin kojuguw bɛɛ lase o ma.

Yeremi 39:16

«Taga a fɔ Etiyopikacɛ Ebɛdi Melɛki ye ko Fangatigi Ala, Izirayɛli ta Ala ko: ‹A flɛ, ne tun ka min fɔ nin dugu ta ko ra, ne bɛna o kɛ dugu ra; a bɛna kɛ kojugu le ye, koɲuman tɛ. A bɛna kɛ a wagati ra i yɛrɛ ɲa na.

Yeremi 44:23

Aw ka o wusunan sarakaw bɔ, ka jurumun kɛ Matigi Ala ɲa kɔrɔ minkɛ, ani aw ma sɔn ka Matigi Ala kan mɛn minkɛ, ani aw ma sɔn ka a ta sariyaw, ani a ta cifɔninw, ani a ta ciw sira tagama minkɛ, o le kosɔn nin kojuguw sera aw ma, i ko aw yɛrɛ ɲa b’a ra cogo min na bi.»

Kasikan 1:12

Aw minw bɛ tɛmɛna sira kan, aw tɛ ne ta sɛgɛ jatera fɛn ye wa? Aw ye aw ɲa lɔ ne ra ka ne flɛ; jɔn ta tɔɔrɔ le ka ne ta bɔ? Jɔn ta tɔɔrɔ bɛ i ko nin tɔɔrɔ min benna ne kan, Matigi Ala ka min ben ne kan a ta dimiba lon na?

Kasikan 2:13

Ne bɛna mun le fɔ aw ye tuun? Ne bɛna aw suma ni jɔn le ye tuun, Zeruzalɛmu dugumɔgɔw? Ne bɛna aw suma ni jɔn le ye, ka aw jusu saaro, Siyɔn dugumɔgɔw? Sabu aw ta cɛnri bonyara i ko Kɔgɔjiba! Jɔn le bɛna se ka aw bɔsi ka bɔ nin na sa?

Kasikan 2:17

Matigi Ala tun ka min latigɛ, a ka o kɛ. A tun k’a darakan min di kabini wagatijan, a ka o le dafa. A ka cɛnri kɛ, hali a ma hina. A k’a to aw juguw yɛrɛkora aw ma; a ka aw juguw baraka bonya.

Kasikan 4:6

Ne ta mɔgɔw ta jurumun tɔɔrɔ juguyara fɔ ka tɛmɛ Sodɔmukaw ta kan; Sodɔmukaw ta dugu tun halakira yɔrɔnin kelen na le; mɔgɔ si boro tun ma se o ma.

Ezekiyɛli 13:6

«Ciraw bɛ faninya fɔ ko Ala ka fɛn dɔw yira olugu ra; o bɛ mɔgɔw lafiri ni o ta cirayakumaw ye. O b’a fɔ ko: ‹Matigi Ala ko ten,› k’a sɔrɔ Matigi Ala ma o ci. O bɛɛ n’a ta, o belen b’a miiri ko o ta kumaw bɛna kɛ can ye.

Ezekiyɛli 5:9

Ne tun ma deri ka ko min ɲɔgɔn kɛ mɔgɔ ra ka ye, ani ne tɛna ko min ɲɔgɔn kɛ mɔgɔ ra tuun fiyewu, ne bɛna o le kɛ aw ra aw ta ko haramuninw kosɔn.

Daniyɛli 12:1

« ‹Ayiwa, o wagati ra, mɛlɛkɛw kuntigiba Mikayilu bɛna na. Ale le ye aw ta jamana kɔrɔsibaga ye. O wagatiw bɛna kɛ wagatigbɛlɛnbaw le ye. Kabini siyaw bɛ dugukolo kan o tɔɔrɔjugu ɲɔgɔn ma deri ka kɛ fɔlɔ. O wagati ra, i ta jamana mɔgɔ minw tɔgɔ sɛbɛra ɲanamanya kitabu kɔnɔ, olugu bɛna kisi.

Yowɛli 2:2

O lon na, dibi bɛna don, ka yɔrɔ bɛɛ fin; o lon na sankabaw bɛna caya, ka yɔrɔ bɛɛ kɛ dibikuruba ye! Kɛrɛkɛden barakaman caman bɛ nana yi! O natɔ bɛ i ko dibi le donna ka kuruw datugu. A ɲɔgɔn ma deri ka ye ban, a ɲɔgɔn fana tɛna ye tuun duruja nataw si ra!

Amɔsi 3:2

«Ne ka aw dama le ɲanawoloma dunuɲa ta gbaw bɛɛ cɛ ra; o kosɔn aw ka terenbariyako minw bɛɛ kɛ, ne bɛna aw ɲininka o bɛɛ ra.»

Jakariya 1:6

O bɛɛ n’a ta, ne tun ka ne ta kumaw, ani ne ta cifɔnin minw fɔ ne ta baaradenw ye, minw ye ciraw ye, yala o kumaw ma na ben aw bɛmaw kan wa? Aw bɛmaw yɛrɛ nana nimisa, k’a fɔ ko: ‹Fangatigi Ala ka min latigɛ, a ka o le kɛ an na, ka kaɲa ni an ta sirajuguw ni an ta kɛwalejuguw ye.› »

Jakariya 1:8

O lon su fɛ, ne ka cɛ dɔ yɛlɛnin ye so wulenman dɔ kan, a lɔnin bɛ mirite yiriw cɛ ra, dingakɔnɔyɔrɔ dɔ ra. So wulenman dɔw, ani so finman bisigi dɔw, ani so gbɛman dɔw tun b’a kɔ fɛ.

Jakariya 7:12

O ka o jusukun gbɛlɛya i ko lulu, janko Fangatigi Ala tun k’a ta sariyaw ni a ta kuma minw lase ciraw ma fɔlɔfɔlɔ a Nin* baraka ra, k’a fɔ o ye, o kana o lamɛn. O le k’a to Fangatigi Ala dimina o kɔrɔ kosɛbɛ; a ko:

Matiyu 24:21

Sabu a bɛna kɛ tɔɔrɔba le ye, min ɲɔgɔn ma deri ka ye ban, kabini dunuɲa dantuma fɔ ka na se bi ma; a ɲɔgɔn fana tɛna ye tuun fiyewu.

Matiyu 5:18

Can ra, ne b’a fɔ aw ye ko fɔ ka taga sankolo ni dugukolo wuri, hali Ala ta sariya tomi kelen, walama a sɛbɛriden kelen tɛna bɔ a nɔ ra, fɔ ka taga se fɛn bɛɛ laban ma.

Marika 13:19

sabu o lonw bɛna kɛ tɔɔrɔlonbaw le ye, min ɲɔgɔn ma deri ka ye ban kabini Ala ka dunuɲa dan, fɔ ka na se bi ma; a ɲɔgɔn fana tɛna ye tuun fiyewu.

Luka 21:22

«Sabu, o lon bɛna kɛ Ala ta kititigɛlon ye Zeruzalɛmu kan, janko kuma minw bɛɛ sɛbɛra Kitabu kɔnɔ, o ye kɛ can ye.

Rɔmukaw 15:8

Ne b’a fɔ aw ye ko Kirisita kɛra Yahudiyaw ta baaraden ye, janko Ala tun ka layiri minw ta o bɛmaw ye, a ye o dafa, k’a yira ko ni Ala ka min fɔ, a bɛ o kɛ.