Daniyɛli 9:11 - Jula NT of Côte d’Ivoire

¹¹ « ‹Izirayɛlimɔgɔw bɛɛ le ka i ta sariyaw cɛn. O bɛɛ le ka o kɔ di, ka ban ka i ta kuma lamɛn. O le kosɔn, danga ni kojugu minw fɔra Ala ta jɔncɛ Musa ta sariya ra, o dangaw benna an kan, sabu an ka Ala hakɛ ta.

ALA KA KUMA

¹¹ Isirayɛlidenw bɛɛ le y'i ka sariya cɛn, ka ban i la, u ma i ka fɔta bato. O la, danga y'an minɛ. Min koo fɔra e Ala ka baarakɛla Musa ka sariyasɛbɛ kɔnɔ bari an y'i hakɛ ta.

Daniyɛli 9:11 Iomraidhean Croise

Mas 2nan 18:12

O kow tun kɛra o ra, sabu Izirayɛlimɔgɔw tun ma sɔn ka Matigi Ala, o ta Ala ta kuma le lamɛn; Ala tun ka jɛnɲɔgɔnya* min don ni o ye, o ka o cɛn. Matigi Ala ta baaraden Musa tun ka kuma minw bɛɛ fɔ o ye, o ma o si lamɛn, o fana m’a sira tagama.

Mas 2nan 22:16

ko Matigi Ala ko: ‹Ne bɛna kojuguba le ben nin dugu ni a dugumɔgɔw kan, ka kaɲa ni nin kitabu ta kumaw ye, Zuda masacɛ ka kitabu min karan.

Ezayi 1:3

Hali misi b’a tigi lɔn, fali fana k’a ta domunikɛyɔrɔ lɔn a tigi ta so; nka Izirayɛlimɔgɔw ma foyi lɔn, ne ta mɔgɔw tɛ foyi faamu.»

Ezayi 43:28

O le kosɔn, ne ka batoso saninman ɲamɔgɔw dɔgɔya, ka halakiri lase Yakuba ta mɔgɔw ma, ka Izirayɛlimɔgɔw mangboya.»

Yeremi 16:11

I ye o jaabi ko: ‹Aw bɛmaw banna ne ra, Matigi Ala ko ten. O tugura ala wɛrɛw kɔ, ka olugu bato, ka o kinbiri gban o kɔrɔ. Nka ne kɔni, o banna ne ra, o ma to ne ta sariya kan.

Yeremi 2:29

«Mun na aw bɛ ne jarakira, k’a sɔrɔ aw bɛɛ lajɛnnin murutira ne ma? Matigi Ala ko ten.

Yeremi 30:14

Aw kanubagaw bɛɛ ɲinana aw kɔ, o si tɛ aw yɔrɔɲini tuun. Ne ka aw kɛrɛ i ko mɔgɔ b’a jugu kɛrɛ cogo min na; ne ka aw koro hali ne ma hina aw ra, aw ta terenbariyaw cayakojugu kosɔn, ani aw ta jurumunw bonyakojugu kosɔn.

Yeremi 32:23

O nana, ka na o jamana tigiya ta, nka o ma sɔn ka i kan mina, o ma i ta sariya sira tagama; i tun ka fɛn o fɛn fɔ o ye, o ma o si kɛ. O kosɔn i ka nin kojuguw bɛɛ lase o ma.

Yeremi 40:3

Matigi Ala tun ka min fɔ, o le sera, a ka o le kɛ, sabu aw ka jurumun kɛ Matigi Ala ɲa kɔrɔ, aw ma sɔn k’a kan lamɛn. O kosɔn a tun ka ko min fɔ, o ko ka aw sɔrɔ.

Yeremi 44:22

Matigi Ala ma na se ka aw ta kɛwalejuguw muɲu tuun, ani aw ka ko haramunin minw kɛ; o kosɔn aw ta jamana kɛra tomo ye, ka kɛ jatigɛkoba ye, k’a kɛ yɔrɔ danganin ye, mɔgɔ si tɛ sigi yɔrɔ min na tuun, i n’a fɔ aw yɛrɛ ɲa b’a ra cogo min na bi.

Yeremi 44:23

Aw ka o wusunan sarakaw bɔ, ka jurumun kɛ Matigi Ala ɲa kɔrɔ minkɛ, ani aw ma sɔn ka Matigi Ala kan mɛn minkɛ, ani aw ma sɔn ka a ta sariyaw, ani a ta cifɔninw, ani a ta ciw sira tagama minkɛ, o le kosɔn nin kojuguw sera aw ma, i ko aw yɛrɛ ɲa b’a ra cogo min na bi.»

Yeremi 6:19

Dugukolo, ele ye nin lamɛn! Ne bɛna kojuguba le ben nin mɔgɔw kan; o ta ŋaninyajuguw tɔnɔ le bɛ o ye. Sabu o ma o janto ne ta kuma ra; ne ta sariya kɔni, o banna o ra.

Daniyɛli 9:13

O tɔɔrɔkow bɛɛ sera an ma, i n’a fɔ a tun sɛbɛra cogo min na Musa ta sariya ra. Nka hali bi, an belen ma sɔn ka Matigi Ala, an ta Ala daari, an ma sɔn ka an ta terenbariyakow dabla, an ma sɔn ka i ta kuma jate ko can lo.

Daniyɛli 9:5

An ka jurumun kɛ, an ka ko bɛnbariw kɛ, an ka kojuguw kɛ, an murutira ka i ta sariyaw sira bla, ka ban i ta cifɔninw na.

Jakariya 1:6

O bɛɛ n’a ta, ne tun ka ne ta kumaw, ani ne ta cifɔnin minw fɔ ne ta baaradenw ye, minw ye ciraw ye, yala o kumaw ma na ben aw bɛmaw kan wa? Aw bɛmaw yɛrɛ nana nimisa, k’a fɔ ko: ‹Fangatigi Ala ka min latigɛ, a ka o le kɛ an na, ka kaɲa ni an ta sirajuguw ni an ta kɛwalejuguw ye.› »

Jakariya 7:12

O ka o jusukun gbɛlɛya i ko lulu, janko Fangatigi Ala tun k’a ta sariyaw ni a ta kuma minw lase ciraw ma fɔlɔfɔlɔ a Nin* baraka ra, k’a fɔ o ye, o kana o lamɛn. O le k’a to Fangatigi Ala dimina o kɔrɔ kosɛbɛ; a ko:

Jakariya 8:13

«E, Zuda, ani Izirayɛli, aw tun kɛra jamana danganin ye siya tɔw cɛ ra cogo min na, o cogo kelen na ne bɛna aw kisi ka baraka don aw ra. Aw kana siran, aw ye aw ja gbɛlɛya.»

Sariya 8:20

Aw bɛna sa i n’a fɔ Matigi Ala ka siya tɔ minw halaki aw ɲa fɛ, sabu aw ma Matigi Ala, aw ta Ala ta kuma lamɛn.